Saturday, July 20, 2024

ၵူၼ်းဝဵင်းပၢင်လွင်း တိတ်းၸပ်း ၶူဝ်ႊဝိတ်ႉ 19 ပုင်ႈ ၶိုၼ်ႈ 2,000 ပၢႆ

Must read

မိူင်းတႆးပွတ်းၸၢၼ်း၊ ၸႄႈတွၼ်ႈတူၼ်ႈတီး၊ ၸႄႈဝဵင်းပၢင်လွင်းၼၼ်ႉ တၢင်းပဵၼ် ၶူဝ်ႊဝိတ်ႉ 19 ၽႄႈ လၢမ်းႁွပ်ႈ ၵမ်းသၢမ် ႁဵတ်းႁႂ်ႈ ၵူၼ်းတိတ်းၸပ်းၸိူဝ်ႉမႅင်း မီးၵႂႃႇ 2,250 ပၢႆ။

ၶူဝ်ႊဝိတ်ႉ ပၢင်လွင်း
Photo Credit Khun Ye Aung ဒို့ပင်လောင်း- ၵူၼ်းထဝ်ႈပၢင်လွင်းတၢႆယွၼ်ႉၶူဝ်ႊဝိတ်ႉမိူဝ်ႈဝၼ်းတီႈ 30/10/2021

ဝၼ်းတီႈ 1-4/11/2021 ၶၢဝ်းတၢင်း 3-4 ဝၼ်းၼႆႉ ၼႂ်းၸႄႈဝဵင်းပၢင်လွင်း မီးၵူၼ်းၸပ်းတၢင်းပဵၼ် ၶူဝ်ႊဝိတ်ႉ 19 ပုင်ႈၶိုၼ်ႈထိုင် 2252 ၵေႃႉ   လႆႈပိၵ်ႉႁပ်းဝဵင်း ဢမ်ႇပၼ်ၵူၼ်းၶဝ်ႈဢွၵ်ႇ  ၶၢဝ်းတၢင်း 14 ဝၼ်း။ ၾၢႆႇ ပၢႆးယူႇလီ ၵၢၼ်ၽွင်းငမ်းၸႄႈဝဵင်း ၶွင်ႇသီႇသိုၵ်းမၢၼ်ႈ ပိုၼ်ၽၢဝ်ႇ ဝႆႉၼင်ႇၼႆ။

- Subscription -

ၵူၼ်းၼုမ်ႇ ပၢင်လွင်း ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ – “ၼႂ်းဝဵင်းပၢင်လွင်းၼႆႉ ၵူၼ်းပဵၼ် ၽႄႈၸပ်းၵၼ်ၵူႈဝၢၼ်ႈ ယဝ်ႉၶႃႈယူဝ်ႉ။ ပဵၼ်ၼမ်ၼႃႇၶႃႈဢေႃႈ။ လွင်ႈၵႂႃႇမႃး ၸိူဝ်းၼႆႉၵေႃႈ တေလႆႈမီးဝႂ်ၽူႈၵွၼ်းဢိူင်ႇ/ ပွၵ်ႉၵွၼ်ႇ ၸင်ႇတေၵႂႃႇမႃး လႆႈ ၶႃႈ ယၢမ်းလဵဝ်။ ယဝ်ႉၵေႃႈ တၢင်းၶဝ်ႈဢွၵ်ႇဝဵင်း ၸိူဝ်းၼႆႉ ၵူႈၵေႃႉ တေလႆႈတမ်ၶူးၼင်ၵၼ်ၶႃႈဢေႃႈ။ ၵူၺ်းၵႃႈ ဢၼ်ပဵၼ်သေ ယူတ်းယႃၵၼ်တီႈႁိူၼ်း ၸိူဝ်းၼႆႉတႄႉ ဢမ်ႇပေႃးလႆႈငိၼ်းၶႃႈ။ ၵမ်ႈၼမ်တႄႉ ၵႂႃႇယူတ်းယႃ တီႈႁူင်းယႃၶႃႈဢေႃႈ”- ဝႃႈၼႆ။

ၶူဝ်ႊဝိတ်ႉ ပၢင်လွင်း
Photo Credit Khun Ye Aung ဒို့ပင်လောင်း- ၸုမ်းၸွႆႈထႅမ်တေႃႉသူင်ႇၵူၼ်းၸပ်းတၢင်းပဵၼ်ၶူဝ်ႊဝိတ်ႉ ပၢင်လွင်း

တၢင်းပဵၼ်ၶူဝ်ႊဝိတ်ႉ 19 ၽႄႈလၢမ်းပွၵ်ႈၵမ်းသၢမ်ၼႆႉ ၼႂ်းၸႄႈဝဵင်းပၢင်လွင်း ၵူၼ်းၸပ်း 2,252 ၵေႃႉ၊ လူႉတၢႆ 23 ၵေႃႉ၊ ယႃၶႅၼ်း 2,038 ၵေႃႉလႄႈ တိုၵ်ႉယူတ်းယႃ 191 ၵေႃႉ ၾၢႆႇပွင်ႇၶၢဝ်ႇ ၸႄႈဝဵင်းပၢင်လွင်း ပိုၼ်ၽၢဝ်ႇဝႆႉၼင်ႇၼႆ။

ဢိင်ၼိူဝ် တၢင်းပဵၼ်ၶူဝ်ႊဝိတ်ႉၽႄႈသေ ဝၼ်းတီႈ 1/11/2021 ၼႆႉ သိုၵ်းယိုတ်းဢႃႇၼႃႇ ပိုၼ်ၽၢဝ်ႇ ပိုတ်ႇႁူင်းႁဵၼ်း သေတႃႉ ဢၼ်ဢမ်ႇပၼ်ပိုတ်ႇ ၼႂ်းမိူင်းတႆး 26 ဝဵင်းၼၼ်ႉ ပႃး ဝဵင်းပၢင်လွင်း တင်း ၸႄႈသီႇသႅင်ႇ ၸိူဝ်းၼႆႉ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း