ႁွင်ႈၵၢၼ်ၾၢႆႇပၢႆးယူႇလီ ၸုမ်းသိုၵ်းမၢၼ်ႈလူင်ပွင်ၸိုင်ႈမိူင်းတႆး ပိုၼ်ၽၢဝ်ႇဝႃႈ တေသမ်းၶဵမ်ႁႄႉၵင်ႈတၢင်းပဵၼ်ၶူဝ်ႊဝိတ်ႉ 19 ပၼ်လုၵ်ႈႁဵၼ်းၼႂ်းၸိုင်ႈတႆး ၵူၼ်းၸိူဝ်းဢႃယု 12 ၶိုၼ်ႈၼိူဝ် တႃႇ သႅၼ်ၵေႃႉပၢႆ ၊လႆႈၵဵပ်းသဵၼ်ႈၸိုဝ်ႈဝႆႉယဝ်ႉဝႃႈၼႆ။
ၾၢႆႇပၢႆယူႇလီၸႄႈမိူင်းပိုၼ်ၽၢဝ်ႇဝႃႈ တေတႄႇသမ်းပၼ်ၼႂ်းဝၼ်းတီႈ 16/10/2021 ၼႆႉ။ ပဵၼ်ယႃႈယႃ Sinovac ၶႄႇ ဝႃႈၼႆ။
“ ႁဝ်းၶႃႈဢၢၼ်းဝႆႉတေတႄႇသမ်းပၼ်ၼႂ်းဝၼ်းတီႈ 16 ၼႆႉၵႂႃႇ။ တေပဵၼ်ယႃႈယႃ သီႊၼူဝ်ႊဝႅၵ်ႉ ဢေႃႈ။ ဢၼ်ပၼ်သဵၼ်ႈၸိုဝ်ႈဝႆႉတင်းမူတ်းမီး သႅၼ်သၢမ်ၶႃႈ။ ” တွၵ်ႊတိူဝ်ႊမျိၼ်ႉတဵင်ႊ ၽူႈၵွၼ်းႁွင်ႈၵၢၼ်ၾၢႆႇပၢႆးယူႇလီၸႄႈမိူင်း မိူင်းတႆးလၢတ်ႈတီႈသိုဝ်ႇၶၢဝ်ႇ ပိုၼ်ႉတီႈ ဝႆႉၼင်ႇၼႆ။
ၸွမ်းၼင်ႇၾၢႆႇပၢႆးယူႇလီပိုၼ်ၽၢဝ်ႇဝႆႉတႄႉ လုၵ်ႈႁဵၼ်း ဢၼ်တေလႆႈသမ်းၶဵမ်ယႃႈယႃ ၶူဝ်ႊဝိတ်ႉၼႆႉ သဵၼ်ႈမၢႆလုၵ်ႈႁဵၼ်းၼႂ်းႁူင်းႁဵၼ်းလူင်ပွင်ၸိုင်ႈမီး သႅၼ်သွင်ပၢႆ။ လုၵ်ႈႁဵၼ်းတီႈ ႁူင်းႁဵၼ်းၵျွင်းမုၼ်ၸဝ်ႈ 2500 ပၢႆ။ ႁူင်းႁဵၼ်းသုၼ်ႇတူဝ်ၵူၼ်းမိူင်းမီး 488 ၵေႃႉ ။ ယၢမ်းလဵဝ်လုၵ်ႈႁဵၼ်းၸိူဝ်းပၼ်သဵၼ်ႈၸိူဝ်ႈဝႆႉတီႈ ၾၢႆႇပၢႆးပၺ်ႇၺႃႇမီး 131402 ၵေႃႉ လႆႈႁူႉၼင်ႇၼႆ။
