ၼႂ်းၸႄႈဝဵင်းၼမ်ႉတူႈ ၵူတ်ႉထတ်းႁၼ် ၵူၼ်းတိတ်းၸပ်း ၸိူဝ်ႉမႅင်းတၢင်းပဵၼ်ၶူဝ်ႊဝိတ်ႉ 19 တင်းမူတ်း 600 ပၢႆ လူႉတၢႆ 17 ၵေႃႉ ဝႃႈၼႆ။
တၢင်းပဵၼ်ၶူဝ်ႊဝိတ်ႉ 19 ပွၵ်ႈၵမ်းသၢမ် ၽႄႈလၢမ်းႁၢဝ်ႈႁႅင်း ၼႂ်းၸႄႈဝဵင်းၼမ်ႉတူႈ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ တေႃႇထိုင် ဝၼ်းတီႈ 30/9/2021 ၼႆႉ မီးၵူၼ်းတိတ်းၸပ်း ၸိူဝ်ႉမႅင်း တၢင်းပဵၼ် တင်းမူတ်း 603 ၵေႃႉ လူႉတၢႆ 17 ၵေႃႉ ၼႆယဝ်ႉ။
ၽူႈတူင်ႉၼိုင် ၼႂ်းၸုမ်းပရႁိတ ၸႄႈဝဵင်းၼမ်ႉတူႈ ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ – “ယၢမ်းလဵဝ် ၼႂ်းၸႄႈဝဵင်းၼမ်ႉတူႈၼႆႉ မီးၵူၼ်းတိတ်း ၸပ်းၵႂႃႇ တင်းမူတ်း 603 ၵေႃႉ၊ ၼႂ်း 603 ၵေႃႉၼၼ်ႉ တႃႇ 482 ၵေႃႉ လူင်းႁူင်းယႃၶႃႈယဝ်ႉ။ တိုၵ်ႉယူတ်းယႃတူဝ်ဝႆႉတႄႉ ၵိုတ်း 103 ၵေႃႉ ၵူၺ်း ၶႃႈ”- ဝႃႈ ၼႆ။
မိူဝ်ႈဝႃး ဝၼ်းတီႈ 30/9/2021 ၼႂ်းၸႄႈဝဵင်းၼမ်ႉတူႈ ၵူတ်ႇထတ်းႁၼ်ထႅင်ႈ ၵူၼ်းတိတ်းၸပ်းၸိူဝ်ႉမႅင်း တၢင်းပဵၼ် ၶူဝ်ႊဝိတ်ႉ 19 ၵူၼ်းဝၢၼ်ႈ ပၢင်လူင် 1 ၵေႃႉ။ ယဝ်ႉၵေႃႈ လူင်းႁူင်းယႃ 2 ၵေႃႉ၊ ၶၢႆႁူင်းယႃ 1 ၵေႃႉ ၼႆယဝ်ႉ။
ၵူၼ်းတိတ်းၸပ်း ၸိူဝ်ႉမႅင်းတၢင်းၶူဝ်ႊဝိတ်ႉ 19 ၼႂ်းၸႄႈဝဵင်းၼမ်ႉတူႈ ပွၵ်ႈၵမ်းသၢမ် တေႃႇထိုင် ဝၼ်းတီႈ 30/9/2021 ၼႆႉ မီးၵူၼ်းပဵၼ်တင်း မူတ်း 603 ၵေႃႉ၊ လူႉတၢႆ 17 ၵေႃႉ၊ လူင်းႁူင်းယႃယဝ်ႉ 482 ၵေႃႉလႄႈ တိုၵ်ႉယူတ်းယႃ 103 ၵေႃႉ ၼႆယဝ်ႉ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ