ၵူၼ်းတိတ်းၸပ်းတၢင်းပဵၼ်ၼမ်လႄႈ ဝဵင်းၼမ့်လၼ်ႈ ထိုင်တီႈပေႃးလႆႈပိၵ့် ဢိုတ်း Lockdown ၶၢဝ်းတၢင်း 7 ဝၼ်း ၊ ဝၢႆးလင်ပိုတ်ႇ Lockdown ၶိုၼ်းၼၼ်ႉ မီးၵူၼ်းၸပ်းတၢင်းပဵၼ်ၼမ်မႃးၶိုၼ်း လႄႈၵူၼ်းလူႉတၢႆၵေႃႈၼမ်မႃး။
ဝၼ်းတီႈ 16/9/2021 ဝဵင်းၼမ့်လၼ်ႈ ၸႄႈဝဵင်းသီႇပေႃ့ ၸႄႈတွၼ်ႈၵျွၵ့် မႄး ၸိုင်ႈတႆးပွတ်းႁွင်ႇ ပိုတ်ႇ Lockdown ဝဵင်းၶိုၼ်း ၵူၼ်းမိူင်းပိုၼ့်တီႈ ၵေႃႈၶိုၼ်းမီးလွင်ႈ တိတ်းၸပ်းၸိူဝ့်မႅင်းတၢင်းပဵၼ် လႄႈ လွင်ႈလူ့တၢႆမႃးၶိုၼ်းၵူႈဝၼ်း ပေႃးၼပ်ႉၽတ်ႉၽဵင်ႇ ၼိုင်ႈဝၼ်း လူ့တၢႆ ယူႇ 2 ၵေႃ့ ၼႆယဝ့်။
ၽူႈတူင့်ၼိုင် ၼႂ်းၶွမ်ႊမတီႊၵႅတ်ႇၵင်ႈတၢင်းပဵၼ်ၶူဝ်ႊဝိတ့် 19 တီႈၼမ့်လၼ်ႈ ၵေႃ့ၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ -“ဝၢႆးသေ ပိုတ်ႇၶိုၼ်း Lockdown ယဝ့် ၵူၼ်းမိူင်းၼႆ့ လူ့တၢႆ တိုၵ်ႉမီးယူႇၵူႈဝၼ်း။ ထၢင်ႇဝႃႈ တေယွမ်းလူင်း သမ့်ဢမ်ႇယွမ်း။ မၢင်ဝၼ်းၵူၼ်းတၢႆ မီးထိုင် 4 ၵေႃ့ ။ ပေႃးမႃးၽတ်းၽဵင်ႇၵၼ်ၸိုင် ၼိုင်ႈဝၼ်း လူ့တၢႆယူႇ 2 ၵေႃ့ၶႃႈ”- ဝႃႈၼႆ။
ဝၢႆးပိုတ်ႇ Lockdown ဝဵင်းၶိုၼ်းၼႆႉ ၼႂ်းဝူင်ႈလဵဝ် ၵူၼ်းႁိူၼ်းလဵဝ်ၵၼ် လူ့တၢႆ ယွၼ့်ၶူဝ်ႊဝိတ့် ထိုင် 3 ၵေႃ့ ၵမ်းလဵဝ် ဝႃႈၼႆ။
“ၼႂ်းဝူင်ႈလဵဝ်ၵူၼ်း ၵူၼ်းႁိူၼ်းလဵဝ်ၵၼ် လူ့တၢႆ ယွၼ့်ၶူဝ်ႊဝိတ့်ၼႆ့ 3 ၵေႃ့ၵမ်းလဵဝ်။ ၼႂ်းဝဵင်းၼမ့်လၼ်ႈၼႆ့ တင်းမူတ်းမီး 11 ပွၵ့်။ ၼႂ်း 11 ပွၵ့်ၼႆ့ ဢၼ်ပဵၼ်ၶူဝ်ႊဝိတ့်ၼႆ့ တေမီး 8-9 ပွၵ့်ၼႆ့။ ၼႂ်း 8-9 ပွၵ့်ၼႆ့ ဢၼ်ပဵၼ်ႁႅင်းသမ့် တေမီးမွၵ်ႈ 3 ပွၵ့်ၼႆ့ၶႃႈ”- ၽူႈတူင့်ၼို င် ၼႂ်းၶွမ်ႊမတီႊ ၵႅတ်ႊၵင်ႈတၢင်းပဵၼ်ၶူဝ်ႊဝိတ့် တီႈၼမ့်လၼ်ႈ သိုပ်ႇလၢတ်ႈၼင်ႇၼႆ။
ၼႂ်းဝဵင်းၼမ့်လၼ်ႈၼႆ့ တင်းမူတ်းမီး 11 ပွၵ့် ဝၢၼ်ႈဢၼ်တိတ်းၸပ်းၸွမ်းသၢပ်ႇဝဵင်းသမ့် မီး 5 ဝၢၼ်ႈ။ လင်ႁိူၼ်းတင်းမူတ်းမီး 4 ႁဵင်ပၢႆ။ ႁူဝ်ၵူၼ်းမီးမွၵ်ႈ 28,000 ၵေႃ့ ။
“ႁူဝ်ၵူၼ်းၼမ့်လၼ်ႈတႄ့ တေမီးၼႂ်းၵႄႈ 26,000 -28,000 ၵႃႈၼႆ့။ ယွၼ့်ၼၼ်လႄႈ သင်ပဵၼ်လႆႈ ၵူၼ်းမိူင်းႁဝ်းၶႃႈ ၵူႈၵေႃ့ ႁႂ်ႈႁဵတ်း ၸွမ်းပၵ်းပိူင်ၶူဝ်ႊဝိတ့်ၵၼ် သႂ်ႇၽႃႈတူမ်းသူပ်း၊ ၵႆ့လၢင့်မိုဝ်း၊ ယူႇႁၢင်ႇၵႆၵၼ်၊ ႁႂ်ႈၾၢင့်သတိၵၼ် ယဝ့်ၵေႃႈ ယႃႇယူႇမဝ်မၢင်၊ လူဝ့်ၵိၼ်ဢိမ်ႇ ၼွၼ်းဢိမ်ႇၵၼ်၊ ယႃႇပေၵႆ့ဢွၵ်ႇၼွၵ်ႈႁိူၼ်းယေး။ လိူဝ်ၼၼ့် ပေႃးပဵၼ်မႃးတၢင်းပဵၼ်ၸိုင် ၵူၼ်းႁိမ်းႁွမ်းလႄႈသင်၊ ၵူၼ်းၼႂ်းႁိူၼ်း ယေးၵၼ်လႄႈသင် လူဝ်ႇမေႃပၼ်ႁႅင်းၸႂ်ၵၼ်၊ ၵူၼ်းပဵၼ်ၵေႃႈ လူဝ်ႇဝႆ့ၸႂ်ၵႅၼ်ႇၶႅင်”- ၽူႈတူင့်ၼိုင် ၼႂ်းတူင်ႇဝူင်းၵူၼ်း ၼမ့်လၼ်ႈ ၵေႃ့ၼိုင်ႈ လၢတ်ႈတီႈၽူႈတွႆႇႁွၵ်ႈၼင်ႇၼႆ။
ယၢမ်းလဵဝ် ၼႂ်းဝဵင်းၼမ့်လၼ်ႈ ၵူၼ်းတိတ်းၸပ်း ၸိူဝ့်မႅင်းတၢင်းပဵၼ်ၶူဝ်ႊဝိတ့် 19 ပွၵ်ႈၵမ်းသၢမ်ၼႆ့ တင်းမူတ်းမီးၵႂႃႇ 300 ပၢႆ လူ့တၢႆ 30 ပၢႆယဝ့် ဝႃႈၼႆ။