တၢင်းပဵၼ်ၶူဝ်ႊဝိတ်ႉ 19 ၽႄႈလၢမ်းမႃးႁၢဝ်ႈႁႅင်းၼႂ်းၸႄႈဝဵင်းသႅၼ်ဝီ တိတ်းၸပ်းပႃးၼႂ်းတူင်ႇဝူင်းသင်ၶၸဝ်ႈ မီးထိုင် 92 တူၼ်။

မိူဝ်ႈဝႃး ဝၼ်းတီႈ 20/9/2021 ယူႇတီႈသင်ၶၸဝ်ႈ တူင်ႇဝဵင်းသႅၼ်ဝီ ၸႄႈတွၼ်ႈလႃႈသဵဝ်ႈ ၸိုင်ႈတႆးပွတ်းႁွင်ႇ ပွင်ႇလႅင်းထိုင် ၸဝ်ႈၸေႇ တၼႃႇသတ့်ထႃးယႂ်ႇ ၽူႈၵူၼ်းလီ ၶဝ်တၢင်းသဵင်ႈ ယၢမ်းလဵဝ် သြႃႇသင်ၶၸဝ်ႈ တူင်ႇဝဵင်းသႅၼ်ဝီ တိတ်းၸပ်းၸိူဝ့်မႅင်းၶူဝ်ႊဝိတ့် 19 တင်း မူတ်း 92 တူၼ်/ ပႃးလႄႈ ၼင်ႇႁိုဝ် ၶဝ်ၸဝ်ႈပေႃးတေယူႇလီ သုင်းဝၢၼ်ၶိုၼ်ႈမႃးမိူၼ်ၵဝ်ႇၼၼ့် ၸင်ႇလႆႈတၢင်တူဝ်ၶဝ်ၸဝ်ႈသေ မဵတ့် တႃႇလူႇၶၢမ်ႇ ၵႃႈယူတ်းယႃလႄႈ ၶူဝ်းၸႂ့်တိုဝ်းပၢႆးယူႇလီ တီႈၸဝ်ႈၸေႇတၼႃႇပေႃႈ/မႄႈ ဢွၵ်ႇတၵ့်ၵႃႇသတ့်ထႃး တီႈၸမ်ၵႆ ၼႆယဝ့်။

ၸဝ်ႈသြႃႇဝိၸေယ ၵျွင်းၵၢင်ဝဵင်း သႅၼ်ဝီ လၢတ်ႈတီႈၽူႈတွႆႇႁွၵ်ႈဝႃႈ -“ယၢမ်းလဵဝ် သင်ၶၸဝ်ႈ ဢၼ်တိတ်းၸပ်းတၢင်းပဵၼ် 92 ပႃးၼၼ့် မၢင်ပႃး လူဝ်ႇလႆႈသႂ်ႇဢွၵ်ႊသီႊၵျိၼ်ႊ၊ လူဝ်ႇလႆႈသမ်းၶဵၼ်၊ သမ်းယႃႈယႃ ၸိူဝ်းၼႆ့ လူဝ်ႇၸႂ့်ၸၢႆႇငိုၼ်းၼမ်လႄႈ မၢင်ပႃးၵေႃႈ မီးတၢင်းယၢပ်ႇ ၽိုတ်ႇလွင်ႈငိုၼ်းတွင်း ဢမ်ႇမီးတၵ့်ၵႃႇသေ ၵမ်းၼႆ့ ယူႇတီႈသင်ၶၸဝ်ႈၼႂ်းတူင်ႇဝဵင်း ၸင်ႇႁူမ်ႈႁွမ်းၵၼ်သေ ပိုၼ်ၽၢဝ်ႇမဵတ့်တႃႇလူႇၶၢမ်ႇ တီႈၸဝ်ႈၸေႇတၼႃႇသတ့်ထႃး ၽူႈၵူၼ်းလီတင်းသဵင်ယဝ့်”- ဝႃႈၼႆ။

လိူဝ်ၼၼ့် လွင်ႈၵိၼ်ယႅမ့်သုင်းသွမ်းတႄ့ၵေႃႈ ယူႇတီႈတၵ့်ၵႃႇသတ့်ထႃး မႃးလူႇတၢၼ်းသေ လႆႈသုင်းၵႂႃႇ ဝၼ်းလႂ်ဝၼ်းၼၼ့်ယူႇ။ ၵူၺ်း ၵႃႈ လွင်ႈဝတ့်ထုငိုၼ်းတွင်း တႃႇၵမ့်ၸွႆႈ ၵႃႈယူတ်းယႃတႄ့ ယၢပ်ႇၽိုတ်ႇၵိၼ်းၸႂ်ဝႆ့ယူႇ ၸဝ်ႈသြႃႇဝိၸေယ သိုပ်ႇလၢတ်ႈၼႄၼင်ႇၼႆ။  

တၢင်းပဵၼ်ၶူဝ်ႊဝိတ့် 19 ပွၵ်ႈၵမ်းသၢမ်ၼႆ့ သင်ၶၸဝ်ႈ ၼႂ်းတူင်ႇဝဵင်းသႅၼ်ဝီ လႆႈတိတ်းၸပ်း ၸိူဝ့်မႅင်းတၢင်းပဵၼ် တင်းမူတ်းမီး 92 တူၼ်။ ၼႂ်းၼၼ့် တီႈဝတ့်ၵွင်းၵေႃႇ 9 တူၼ်၊ ဝတ့်ၵုၼ်ၵွၵ်ႇ 3 တူၼ်၊ ဝတ့်ၸေႈဢူ 2 တူၼ်၊ ဝတ့်မၢၼ်ႈၼွင် 52 တူၼ်လႄႈ ဝတ့်ၼွင် ၵႃး 26 တူၼ် ၼႆယဝ့်။

သင်ဝႃႈ ပီႈၼွင့်တၵ့်ၵႃႇသတ့်ထႃး တီႈၸမ်ၵႆ ၶႂ်ႈႁွမ်းလူႇတၢၼ်း ၵမ့်ၸွႆႈထႅမ်ၼႆၸိုင် ၵပ်းသိုပ်ႇလႆႈတီႈ ၸဝ်ႈသြႃႇဝိၸေယ ၵျွင်းၵၢင်ဝဵင်း မၢႆ ၾူၼ်း 095262947 (မၢႆယေးငိုၼ်း KBZ Pay 095262947)၊ ၸဝ်ႈသြႃႇဝိၸ်ၸႃၼၼ်တ ၵျွင်းမိူင်းလီ မၢႆၾူၼ်း 09455470416 (မၢႆယေးငိုၼ်း Wave Pay 09455470416) လႄႈ ၸဝ်ႈၶူးၶတ်းတိယ ၵျွင်းၵုၼ်ၵွၵ်ႇ မၢႆၾူၼ်း 09259722707။

ၼွၵ်ႈလိူဝ်ၼၼ့် တီႈသႃႇသၼႃႇၼုၵ့်ၵႁ လုင်းၸၢႆးၶႅင်ႇဝုၼ်း မၢႆၾူၼ်း 09403733228 ၊ ၼၢင်းၶမ်းလႅင်း 09259846221 ၊ မေႃယႃ ၼၢင်းၸိင်ႇမေႇ ၵွင်းႁေႃ 09456278430 လႄႈ ၼၢင်းထူၺ်းႁွမ် (တံတားဉီး) 09887589543 ၸိူဝ်းၼႆ့။