ၵူၼ်းၸပ်းတၢင်းပဵၼ်ၶူဝ်ႊဝိတ့် 19 တီႈၸႄႈဝဵင်းၵဵင်းတုင် တေႃႇထိုင်ဝၼ်းမိူဝ်ႈၼႆႉမီး 3 ႁဵင်ပၢႆ လူ့တၢႆ 60 ပၢႆ ၊ တိုၵ်ႉၵူတ်ႇထတ်းႁၼ်ၵူၼ်းၸပ်းမီးယူႇၵူႈဝၼ်း။
ၼႂ်းၶၢဝ်းတၢင်း 4 လိူၼ် တေႃႇထိုင် ဝၼ်းတီႈ 19/9/2021 ၼႆ့ တီႈဝဵင်းၵဵင်းတုင် ၵူၼ်းတိတ်းၸပ်းၸိူဝ့်မႅင်း တင်းမူတ်းမီး 3,064 ၵေႃ့၊ လူ့တၢႆ 63 ၵေႃ့၊ ယႃၶႅၼ်း 2,400 ၵေႃ့လႄႈ တိုၵ်း ယူတ်းယႃ 601 ၵေႃ့ သိုဝ့်ၶၢဝ်ႇၼႂ်းပိုၼ့်တီႈၵဵင်းတုင် ဢွၵ်ႇဝႆ့ၼင်ႇၼႆ။
ၵူၼ်းၼုမ်ႇ ၵဵင်းတုင် ၵေႃ့ၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ – “ၸႂ်ႈၶႃႈဢေႃႈ တီႈၵဵင်းတုင်ၼႆ့ ၵူၼ်းတိတ်းၸပ်းၸိူဝ့်မႅင်းတၢင်းပဵၼ်ၶူဝ်ႊဝိတ့် 19 ၼႆ့ ယၢမ်းလဵဝ် မီးၵႂႃႇ 3 ႁဵင်ပၢႆယဝ့်။ ၵူၼ်းပဵၼ်ၼႆ့ ၽိူမ့်ၶိုၼ်ႈၵူႈဝၼ်းၶႃႈ။ ၵူၼ်းဢွၵ်ႇၼွၵ်ႈႁိူၼ်းၵေႃႈ မီးယူႇၵူႈဝၼ်း ယွၼ့်ၵၢၼ်ႁႃ ၵိၼ်လဵင့်တွင့်ၼၼ့်ၶႃႈၼႃႇ၊ ဢမ်ႇဢွၵ်ႇႁိူၼ်းဢမ်ႇၸၢင်ႈဝႃႈၶႃႈလူးၼေႃႈ”- ဝႃႈၼႆ။
ၾၢႆႇၼိုင်ႈ ၵူၼ်းတိတ်းၸပ်းၸိူဝ့်မႅင်း မၢင်ၵေႃ့ ဢမ်ႇယွမ်းၵႂႃႇႁူင်းယႃ ၊ မူၵ်းယူႇတီႈႁိူၼ်းယေး ယူတ်း ယႃတူဝ်ႁင်းၵူၺ်းၵေႃႈမီးတင်းၼမ်။ ။
“တေႃႇၼင်ႇ ၶႃႈၵေႃႈ ပဵၼ်ဢေႃႈ ။ ၵူၺ်းၵႃႈ ၶႃႈ ယူႇႁိူၼ်းယူတ်းယႃ ႁင်းၵူၺ်း ၵူၺ်းၶႃႈ။ ယၢမ်းလဵဝ်ၼႆ့ ၶႅၼ်း မႃး တင်းၼမ်ယဝ့်ၶႃႈ။ ဢမ်ႇထိုင်တီႈလႆႈမႆႈၸႂ်ၶႃႈ။ ၵူၼ်းၵဵင်းတုင် ဢၼ်ပဵၼ်သေ ယူတ်းယႃ တီႈႁိူၼ်းႁင်းၵူၺ်းၸိူင့်ၼႆ မီးထႅင်ႈတင်း ၼမ်ၶႃႈဢေႃႈ”- ၵူၼ်းပိုၼ့်တီႈ ၵဵင်းတုင် ၵေႃ့ၼိုင်ႈ လၢတ်ႈတီႈၽူႈတွႆႇႁွၵ်ႈၼင်ႇၼႆ။
ၼႂ်းၸႄႈဝဵင်းၵဵင်းတုင် တႄႇဢဝ် ၵၢင်လိူၼ်သႅပ်ႊထႅမ်ႊပိူဝ်ႊၼႆ့မႃး မီးၵူၼ်းလူ့တၢႆမႃး ၵူႈဝၼ်း၊ မိူဝ်ႈဝၼ်းတီႈ 15 လူ့တၢႆ 2 ၵေႃ့၊ ဝၼ်းတီႈ 16 လူ့တၢႆ 1 ၵေႃ့၊ ဝၼ်းတီႈ 17 လူ့တၢႆ 4 ၵေႃ့၊ ဝၼ်း တီႈ 18 လူ့တၢႆ 2 ၵေႃ့လႄႈ ဝၼ်းတီႈ 19 သမ့် လူ့တၢႆ 3 ၵေႃ့ ၼႆယဝ့်။
လိူဝ်ၼၼ့် ၼႂ်းၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်းၵေႃႈ တေႃႇထိုင် ဝၼ်းတီႈ 19/9/2021 ၼႆ့ မီးၵူၼ်းတိတ်းၸပ်း ၸိူဝ့်မႅင်း တၢင်းပဵၼ်ၶူဝ်ႊဝိတ့် 19 တင်းမူတ်း 2,660 ၵေႃ့၊ လူ့တၢႆ 95 ၵေႃ့၊ ယႃၶႅၼ်း 1,498 ၵေႃ့လႄႈ တိုၵ်းယူတ်းယႃ 64 ၵေႃ့ သိုဝ်ႇၶၢဝ်ႇၼႂ်းပိုၼ့် တီႈတႃႈၶီႈလဵၵ်း ဢွၵ်ႇဝႆ့ၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ