Thursday, May 30, 2024

ဝဵင်းၼမ်ႉလၼ်ႈတေ Lockdown ဝႆႉၸူဝ်ႈၶၢဝ်း တႃႇၵုမ်းၵမ် တၢင်းပဵၼ်ၶူဝ်ႊဝိတ်ႉ 19

Must read

ယၢမ်းလဵဝ် ၼႂ်းဝဵင်းၼမ်ႉလၼ်ႈ ၸိုင်ႈတႆးပွတ်းႁွင်ႇ မီးၵူၼ်းတိတ်းၸပ်းၸိူဝ်ႉမႅင်း ၶူဝ်ႊဝိတ်ႉ 19 ၼမ်ၶိုၼ်ႈမႃးၵူႈဝၼ်း  မီး ထိုင် 240 ပၢႆ လူႉတၢႆ 20 ပၢႆ ဝႃႈၼႆ။

Photo ၵူၼ်းၼမ်ႉလၼ်ႈ- ၸုမ်းၸွႆႈထႅမ်ၸဵပ်းမႆႈၶႆႈၼၢဝ် ဝဵင်းၼမ်ႉလၼ်ႈ ႁပ်ႉၵူၼ်းပဵၼ်ၶူဝ်ႊဝိတ်ႉ ၵႂႃႇသူင်ႇႁူင်းယႃ

မိူဝ်ႈၼႆႉ ဝၼ်းတီႈ 8/9/2021 ယၢမ်းၵၢင်ၼႂ် ၼႂ်းဝဵင်းၼမ်ႉလၼ်ႈ ၸႄႈဝဵင်းသီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ ၵူတ်ႇထတ်းၵူၼ်းပိုၼ်ႉတီႈထႅင်ႈ 19 ၵေႃႉ ထူပ်းႁၼ် ၵူၼ်းမီးၸိူဝ်ႉမႅင်း 5 ၵေႃႉ ၼႆယဝ်ႉ။

- Subscription -

ၸုမ်းၸွႆႈထႅမ် ပရႁိတ ၼမ်ႉလၼ်ႈ ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ – “ယၢမ်းလဵဝ် ၵူၼ်းတိတ်းၸပ်းတၢင်းပဵၼ်ၶူဝ်ႊ ဝိတ်ႉ 19 ၼႆႉ တိူဝ်းၶိုၼ်ႈၵူႈဝၼ်းလႄႈ ၼင်ႇႁိုဝ် တၢင်းပဵၼ်ပေႃးတေဢမ်ႇတိူဝ်းထႅင်ႈ ပေႃးတေႁႄႉၵင်ႈလႆႈၼၼ်ႉ တႄႇ ဢဝ် မိူဝ်ႈၽုၵ်ႈ ဝၼ်းတီႈ 9 ၵႂႃႇ တီႈဝဵင်းၼမ်ႉလၼ်ႈ တေလွၵ်ႊတွင်ႊဝႆႉၸူဝ်ႈၶၢဝ်း တႃႇၶၢဝ်း 7 ဝၼ်း”- ဝႃႈၼႆ။

ဢိင်ၼိူဝ် တၢင်းပဵၼ်ၶူဝ်ႊဝိတ်ႉ 19 ပွၵ်ႈၵမ်းသၢမ် ၽႄႈလၢမ်းႁၢဝ်ႈႁႅင်းၼႆႉသေ ၵူၼ်းမိူင်းပိုၼ်ႉတီႈ ဝဵင်းၼမ်ႉလၼ်ႈ လႆႈ တိတ်းၸပ်းၸိူဝ်ႉမႅင်းတၢင်းပဵၼ်ၶူဝ်ႊဝိတ်ႉ 19 ၼမ်ထိုင် 245 ၵေႃႉ လူႉတၢႆ 21 ၵေႃႉ လူင်းႁူင်းယႃ 180 ပၢႆ ၼႆယဝ်ႉ။

“တီႈၼမ်ႉလၼ်ႈၼႆႉ ၵၢတ်ႇၵေႃႈ ပိၵ်ႉဢိုတ်းဝႆႉ မီးၶၢဝ်းတၢင်း မွၵ်ႈ 15 ဝၼ်းယဝ်ႉ။ ၵူၺ်းၵႃႈ လွင်ႈၵူၼ်းဢွၵ်ႇႁိူၼ်းၼႆႉ ႁၢမ်ႈ ၵၼ်ဢမ်ႇလႆႈၼၼ်ႉၵူၺ်းၶႃႈ။ ပၼ်ဝႂ်ၶႂၢင်ႉဝႆႉ ၼိုင်ႈႁိူၼ်းလႂ် တေလႆႈဢွၵ်ႇႁိူၼ်းၼိုင်ႈၵေႃႉ တႃႇသိုဝ်ႉၸၢႆႇၽၵ်းၸိူဝ်းၼႆႉ။ သမ်ႉဢမ်ႇၸႂ်ႈၸိူင်ႉၼႆ ၵမ်ႈၼမ် ဢွၼ်ၵၼ်ဢွၵ်ႇတၢင်းႁိူၼ်း ႁဵတ်းၼၼ်ၶႃႈဢေႃႈ။ ၼႆႉၵေႃႈ ယၢပ်ႇတႄႉၶႃႈဢေႃႈ”- ၽူႈ ၸွႆႈထႅမ် ၸုမ်းပရႁိတ ၼမ်ႉလၼ်ႈ သိုပ်ႇလၢတ်ႈ ၼႄၼင်ႇၼႆ။

ယွၼ်ႉတၢင်းပဵၼ်ၶူဝ်ႊဝိတ်ႉ 19 ၼႆႉသေ မိူဝ်ႈဝႃး ဝၼ်းတီႈ 7/9/2021 ယၢမ်းၵၢင်ၶမ်ႈ ၵူၼ်းထဝ်ႈ ဢႃယု 70 ပၢႆ တီႈဝဵင်းၼမ်ႉ လၼ်ႈ ၵေႃႉၼိုင်ႈ လူႉတၢႆ ယွၼ်ႉတၢင်းပဵၼ် ၶူဝ်ႊဝိတ်ႉ တီႈႁိူၼ်းယေး ၽူႈၸွႆႈထႅမ် ၸုမ်းပရႁိတလၢတ်ႈ။

ယၢမ်းလဵဝ် ၼႂ်းၸႄႈဝဵင်းသီႇပေႃႉ တေႃႇထိုင် ဝၼ်းတီႈ 7/9/2021 ယၢမ်းၵၢင်ၼႂ် မီးၵူၼ်းတိတ်းၸပ်း ၸိူဝ်ႉမႅင်းတၢင်း ပဵၼ်ၶူဝ်ႊဝိတ်ႉ 19 ယဝ်ႉ 1,200 ပၢႆ ၼႆယဝ်ႉ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း