Tuesday, June 18, 2024

ၵူၼ်းတၢႆယွၼ်ႉၶူဝ်ႊဝိတ်ႉၼႂ်းၸႄႈဝဵင်းၵၢတ်ႇလေႃႉ မီး 100 ပၢႆ ၼမ်လိူဝ်ပိူၼ်ႈၼႂ်းၸိုင်ႈတႆးပွတ်းၸၢၼ်း

Must read

ၵူၼ်းမိူင်းၼႂ်းၸႄႈဝဵင်းၵၢတ်ႇလေႃႉ ၸိုင်ႈတႆးပွတ်းၸၢၼ်း လူႉတၢႆယွၼ်ႉတၢင်းပဵၼ်ၶူဝ်ႊဝိတ်ႉ 19 မီး 100 ပၢႆယဝ်ႉ ။

Photo ကလောမြို့ကိုဗစ်၁၉ရောဂါအရေးပေါ်ကူညီရေးအဖွဲ့- ၸုမ်းၸွႆႈထႅမ် ဢဝ်ၵူၼ်းဢၼ်မီးၾၢင်ႁၢင်ႈၸပ်းၶူဝ်ႊဝိတ်ႉ ၵႂႃႇႁူင်းယႃ တီႈဝဵင်းၵၢတ်ႇလေႃႉ

တေႃႇထိုင်ဝၼ်းတီႈ 3/8/2021 ၼႆႉၵူၼ်းမိူင်းၵၢတ်ႇလေႃႉ ဢၼ်တိတ်းၸပ်းတၢင်းပဵၼ်ၶူဝ်ႊဝိတ်ႉ မီးထိုင် 191 ၵေႃႉ လူႉတၢႆ 34 ၵေႃႉသေ တီႈဝဵင်းဢုမ်ႇပဝ်း(ဢွင်ႇပၢၼ်း) သမ်ႉ တိတ်းၸပ်းတၢင်းပဵၼ် 404 ၵေႃႉ လူႉတၢႆ မီး 75 ၵေႃႉယဝ်ႉ။ ၼႂ်းၸိုင်ႈတႆးပွတ်းၸၢၼ်းလႆႈဝႃႈ တီႈၸႄႈဝဵင်းၵၢတ်ႇလေႃႉမီးၵူၼ်းတၢႆယွၼ်ႉၶူဝ်ႊဝိတ်ႉၼမ်လိူဝ်ပိူၼ်ႈ။

- Subscription -

တီႈဝဵင်းႁၢႆးဝူဝ်း သမ်ႉမီးၵူၼ်းတိတ်းၸပ်းတၢင်းပဵၼ် 94 ၵေႃႉ လူႉတၢႆ 3 ၵေႃႉ။

“ယၢမ်းလဵဝ် တၢင်းပဵၼ်ၼႆႉမၼ်းၽႄႈလၢမ်းႁၢဝ်ႈႁႅင်း ၼႃႇယဝ်ႉလႄႈ ပေႃးဢမ်ႇမီးလွင်ႈယႂ်ႇၼႃႇ ယႃႇပေဢွၵ်ႇတၢင်းၼွၵ်ႈ။ ပေႃးဢွၵ်ႇၼွၵ်ႈႁိူၼ်းၵေႃႈ ယႃႇလိုမ်းသႂ်ႇၽႃႈတူမ်းပၢၵ်ႇ။ ၵမ်းၵမ်းလၢင်ႉမိုဝ်းပၼ်။ ယႃႇယူႇမဝ်ၵိၼ်မၢင်သေၵမ်းၶႃႈ”- မေႃယႃလူင်တီႈႁူင်းယႃၵၢတ်ႇလေႃႉလၢတ်ႈၼင်ႇၼႆ။

တွၼ်ႈတႃႇတေႁၢမ်ႈလႆႈလွင်ႈတိတ်းၸပ်းၸိူဝ်ႉမႅင်းတၢင်းပဵၼ်ၶူဝ်ႊဝိတ်ႉ 19 ၼႆသေ ၾၢႆႇပၢႆးယူႇလီပိုၼ်ၽၢဝ်ႇဝႆႉဝဵင်းဢုမ်ႇပဝ်း ႁႂ်ႈဢွၼ်ၵၼ်ယူႇသဝ်းတီႈႁိူၼ်းၵူၺ်း Stay at Home ။ ၵၢတ်ႇလူင်ဝဵင်းၵၢတ်ႇလေႃႉၵေႃႈပိုၼ်ၽၢဝ်ႇပိၵ်ႉဝႆႉတေႃႇထိုင်ဝၼ်းတီႈ 17 လိူၼ်ဢေႃႊၵတ်ႉသ် လႆႈႁူႉၼင်ႇၼႆ။

ယၢမ်းလဵဝ်ၼႂ်းမိူင်းတႆး မီးၵူၼ်းၸပ်းတၢင်းပဵၼ်ၶူဝ်ႊဝိတ်ႉ တင်းမူတ်း ႞ မိုၼ်ႇပၢႆ လူႉတၢႆ 300 ပၢႆ။ ၵူၺ်းၵႃႈ ႁွင်ႈၵၢၼ်ၾၢႆႇပၢႆးယူႇလီၶွင်ၶွင်ႇသီႇသိုၵ်းမၢၼ်ႈတႄႉပိုၼ်ၽၢဝ်ႇဝႆႉဝႃႈ ၼႂ်းမိူင်းတႆး တိုၵ်ႉမီးၵူၼ်းၸပ်းတၢင်းပဵၼ် ၼပ်ႉႁူဝ်ႁဵင်ၵူၺ်း ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း