ၵူၼ်းပၢႆႈၽေးသိုၵ်း ပွတ်းႁွင်ႇ ႁူဝ်ၵူၼ်း ၼပ်ႉႁဵင် ပႆႇၸၢင်ႈပွၵ်ႈႁိူၼ်းယေး

0
272

တႄႇဢဝ် ၵၢင်လိူၼ်ၾႅပ်ႊၿိဝ်ႊရီႊ 2021 မႃးတေႃႇထိုင်ယၢမ်းလဵဝ် သိုၵ်း RCSS တင်း TNLA, SSPP ပဵၼ်ပၢင်တိုၵ်းၵၼ် မႃးႁၢဝ်ႈႁႅင်း တၢင်းၸႄႈဝဵင်းသီႇပေႃႉ၊ ၵျွၵ်ႉမႄးလႄႈ ၼမ်ႉတူႈ ၼႂ်းၸိုင်ႈတႆး ပွတ်းႁွင်ႇ ၸိူဝ်းၼႆႉ ၼိုင်ႈၸႄႈဝဵင်းလႂ် ၵူၼ်း ပၢႆႈၽေးသိုၵ်း ဢမ်ႇယွမ်းႁဵင် လႆႈဢွၼ်ၵၼ်ပၢႆႈၽေး၊ထိုင်ယၢမ်းလဵဝ်ပႆႇၸၢင်ႈပွၵ်ႈႁိူၼ်းၶိုၼ်း။

Photo CJ- ၵူၼ်းပၢႆႈၽေးသိုၵ်း တီႈသီႇပေႃႉ

 ၵူၼ်းပၢႆႈၽေးသိုၵ်း ပႆႇၸၢင်ႈပွၵ်ႈႁိူၼ်းယေး ယွၼ်ႉၼႂ်းပိုၼ်ႉတီႈတိုၵ်ႉမီးလွင်ႈပိုတ်းယိုဝ်းၵၼ် ၶဵင်ႈၶႅင်ၵၢၼ်သိုၵ်းတေႃႇၵၼ် ႁၢဝ်ႈႁႅင်းယူႇ ၼႆယဝ်ႉ။

ၽူႈတူင်ႉၼိုင် တူင်ႇဝူင်းၵူၼ်း တီႈၵျွၵ်ႉမႄး ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ – “တီႈၵျွၵ်ႉမႄးႁဝ်းၶႃႈၼႆႉ မွၵ်ႈ 6-7 ဝၢၼ်ႈၼႆႉ ပႆႇၸၢင်ႈပွၵ်ႈႁိူၼ်းယေး။ ၸုမ်းယိပ်းၵွင်ႈတိုၵ်ႉတဝ်ၼႂ်း ဝၢၼ်ႈယူႇလႄႈ ၵူၼ်းဝၢၼ်ႈ ဢမ်ႇႁတ်းပွၵ်ႈႁိူၼ်း ။   ၵူၼ်းၼုမ်ႇၵမ်ႈၼမ် ဢွၼ်ၵၼ်ႁႃႁဵတ်းၵၢၼ် ၸွမ်းၼႂ်းဝဵင်း  ။ တေ ပႂ်ႉၸဝ်ႈတႃႇၼ ၶဝ်မႃးၸွႆႈၵေႃႈ ၽႂ်ၽႂ်ၵေႃႈသမ်ႉၵပ်ႉၵိၼ်းယူႇ မိူဝ်ႈလဵဝ်ၼႆႉ”- ဝႃႈၼႆ။

ယၢမ်းလဵဝ် ၵူၼ်းပၢႆႈၽေးသိုၵ်း ဢၼ်ပၢႆႈမႃးသွၼ်ႈဝႆႉတီႈဝတ်ႉဢုမ်းငႃးသမ်ႉ တေမီးၶၢဝ်းတၢင်း မွၵ်ႈ 2 လိူၼ်ပၢႆယဝ်ႉ ၵမ်ႈ ၼမ် ပဵၼ်ပီႈၼွင်ႉလွႆ၊ တီႈၵၢင်ႉၵၢင်သမ်ႉ  မီးၶၢဝ်းတၢင်း မွၵ်ႈ 1 လိူၼ်ပၢႆ ၵမ်ႈၼမ် ပဵၼ်ပီႈၼွင်ႉတႆး ၼႆယဝ်ႉ။

ၵူၼ်းပၢႆႈၽေးသိုၵ်း ၸိူဝ်း တိုၵ်ႉၵိုတ်းဝႆႉ တီႈၸႄႈဝဵင်းၵျွၵ်ႉမႄးၼႆႉ  ၵမ်ႈၼမ် ပဵၼ်ၵူၼ်း ဝၢၼ်ႈတွင်ႉပလူဝ်ႉ၊ တေႃႉသၢင်ႇ၊ မၢၼ်ႈမႂ်ႇ၊ ပႃႇၶႃး၊ မိူင်းၵူင်း လႄႈ ၵွင်းလွင်းဝွင်း ၸိူဝ်းၼႆႉ တေမီးႁူဝ်ၵူၼ်း မွၵ်ႈ 2 ႁဵင်ပၢႆ  ။

Photo CJ- ၵူၼ်းပၢႆႈၽေးသိုၵ်း တီႈသီႇပေႃႉ

“တၢင်းႁဝ်းၶႃႈ ၼမ်ႉတူႈတႄႉ ပႆႇၸၢင်ႈပွၵ်ႈၶႃႈယူဝ်ႉ သိုၵ်းၼႆႉ တိုၵ်ႉၶဵင်ႈၶႅင်ၵၼ်ယူႇ ပၢင်တိုၵ်းၵေႃႈ ပဵၼ်ယူႇၵူႈဝၼ်း ႁဝ်း ၶႃႈ ပၢႆႈဢွၵ်ႇမႃးၼႆႉ တေမီးၶၢဝ်းတၢင်း 1 လိူၼ်ပၢႆယဝ်ႉ ပႆႇၸၢင်ႈပွၵ်ႈ ၶႃႈ မႆႈၸႂ် ဝူဝ်းၵႂၢႆး ႁိူၼ်းယေး ႁဝ်းၶႃႈဢေႃႈ”- ၵူၼ်းပၢႆႈၽေးသိုၵ်း ဢၼ်ပၢႆႈႁွတ်ႈၽႅဝ်မႃးတီႈသီႇပေႃႉ ၵေႃႉၼိုင်ႈ လၢတ်ႈၼႄၼင်ႇၼႆ။

ယၢမ်းလဵဝ် တီႈၸႄႈဝဵင်းသီႇပေႃႉၵေႃႈ  မီးႁူဝ်ၵူၼ်း  ႁဵင် ပႆႇၸၢင်ႈပွၵ်ႈႁိူၼ်း ။ ၵမ်ႈၼမ်ပဵၼ်ၵူၼ်းမိူင်းၼမ်ႉ တူႈ ပၢႆႈမႃး ။  တီႈၼမ်ႉတူႈၵေႃႈ ၵူၼ်းပၢႆႈၽေးသိုၵ်းမီး မွၵ်ႈ 2 ႁဵင်ပၢႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ