Friday, March 29, 2024

ၽွင်းသွၼ်းၼမ်ႉၵေႃႈၵူၼ်းသီႇပေႃႉဢမ်ႇလိုဝ်ႈ သိုပ်ႇၼႄၵၢင်ၸႂ်သၢၼ်ၶတ်းသိုၵ်းယိုတ်းမိူင်းၵူႈဝၼ်း

Must read

ၵူၼ်းမိူင်း/ ၵူၼ်းၼုမ်ႇ သီႇပေႃႉ ဢွၵ်ႇၼႄၵၢင်ၸႂ် ဢမ်ႇၵိုတ်းလိုဝ်ႈ  ၽွင်းၶၢဝ်းသွၼ်းၼမ်ႉသၢင်းၵျၢၼ်ႇ ၵေႃႈသိုပ်ႇၼႄၵၢင်ၸႂ်မႃးမီးၶၢဝ်းတၢင်း 2 လိူၼ်ပၢႆ  ။

Image: CJ/ ပၢင်ၼႄၵၢင်ၸႂ် တီႈသီႇပေႃႉ

ၵူၼ်းၼုမ်ႇ ၽူႈတူင်ႉၼိုင် ဢွၵ်ႇၼႄၵၢင်ၸႂ် ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ -“ယၢမ်းလဵဝ် တီႈသီႇပေႃႉႁဝ်းၶႃႈၼႆႉ ႁဝ်း ၶႃႈ ၸႅၵ်ႇႁဵတ်း လၢႆလၢႆၸုမ်းသေ ႁဵတ်းၵၢၼ်။ မိူၼ်ၼင်ႇၵမ်ႈၽွင်ႈၵေႃႈ ပႆတၢင်း ၼႄၵၢင်ၸႂ်၊ ၵမ်ႈၽွင်ႈသမ်ႉ ၸတ်းၵၢၼ်တႃႇၼႄၵၢင်ၸႂ်လူၺ်ႈလၢႆးဢမ်ႇပႃးၵူၼ်း လူမဲ့သပိတ် ၸဵမ်ၸိူဝ်းၼႆႉ။ ပၢင်ၼႄၵၢင်ၸႂ်တီႈသီႇပေႃႉၼႆႉ ဢမ်ႇၵိုတ်းဢမ်ႇလိုဝ်ႈသေ ဝၼ်းၶႃႈ ႁဵတ်းၵူႈဝၼ်း ဢွၵ်ႇၼႄ ၵူႈဝၼ်းၶႃႈယဝ်ႉ”- ဝႃႈၼႆ။

- Subscription -

ၼင်ႇႁိုဝ် ၵူၼ်းမိူင်း/ ၵူၼ်းၼုမ်ႇ ပေႃးတေဢမ်ႇၸၢင်ႈ ၶွၼ်ႈတုမ်ၵၼ်လႆႈ ဢွၵ်ႇၼႄလႆႈၼၼ်ႉ ယူႇတီႈ ပလိၵ်ႈမၢၼ်ႈ သိုၵ်းမၢၼ်ႈ ၸွမ်းယႃႉၸွမ်းၵဝ်း ႁႂ်ႈပၢင်ယၢႆႈမႃး တႃႇသေႇ ၼႆယဝ်ႉ။

Image: CJ/ ပၢင်ၼႄၵၢင်ၸႂ် တီႈသီႇပေႃႉ

တႄႇဢဝ် ဝၼ်းတီႈ 1/2/2021 ၼႆႉမႃးတေႃႇထိုင်ယၢမ်းလဵဝ် ၶွင်ႇသီႇသိုၵ်းမၢၼ်ႈ ယိုတ်းဢႃႇၼႃႇ ၸိုင်ႈမိူင်းမႃး မီးၶၢဝ်းတၢင်း 78 ဝၼ်း( 2 လိူၼ်ပၢႆ)  ။ တီႉၺွပ်းၵူၼ်းမိူင်း/ ၵူၼ်းၼုမ်ႇ ယဵတ်ႈၶွၵ်ႈ 3,229 ၵေႃႉ၊ ပိုတ်ႇလိူင်ႈၸွႆးတြႃးဝႆႉ 930 ၵေႃႉလႄႈ ၶႃႈႁႅမ်တၢႆ 737 ၵေႃႉယဝ်ႉ ယူႇတီႈ ၸုမ်းၸွႆႈထႅမ် ၵူၼ်းတူၵ်းၶွၵ်ႈ ၵၢၼ်မိူင်း ၼႂ်းမိူင်းမၢၼ်ႈ AAPP – Burma ပိုၼ်ၽၢဝ်ႇဢွၵ်ႇဝႆႉ မိူဝ်ႈဝၼ်းတီႈ 18/4/2021 ၼႆႉ ဝႆႉၼင်ႇၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း