ၵူၼ်းပဵၼ်ၶူဝ်ႊဝိတ်ႉ 19 ၼႂ်းမိူင်းတႆး တိုၵ်ႉယူတ်းယႃတူဝ်ဝႆႉ မီး 96 ၵေႃႉ

0
491

ယၢမ်းလဵဝ် ၼႂ်းမိူင်းတႆး ၵူၼ်းတိတ်းၸပ်းၸိူဝ်ႉမႅင်းတၢင်းပဵၼ်ၶူဝ်ႊဝိတ်ႉ 19 သေတိုၵ်ႉယူတ်းယႃတူဝ်ဝႆႉ တင်းမူတ်းမီး 96 ၵေႃႉ လူႉတၢႆ 4 ၵေႃႉယဝ်ႉ ဝႃႈၼႆ။

Photo Tachielik Youth- ၸဝ်ႈၼႃႈတီႈၾၢႆႇပၢႆးယူႇလီတိုၵ်ႉမႃးႁပ်ႉတူဝ် ၵူၼ်းပဵၼ်ၶူဝ်ႊဝိတ်ႉ-19 တီႈႁိူၼ်း

ၼႂ်းမိူင်းတႆး သၢမ်ပွတ်းတွၼ်ႈ ၵူၼ်းတိတ်းၸပ်းၸိူဝ်ႉမႅင်းတၢင်းပဵၼ်ၶူဝ်ႊဝိတ်ႉ 19 ဢၼ်တိုၵ်ႉယူတ်းယႃတူဝ်ဝႆႉ မီး 96 ၵေႃႉ။ ပဵၼ်ပွတ်းၸၢၼ်း 36 ၵေႃႉ၊ ပွတ်းႁွင်ႇ 54 ၵေႃႉလႄႈ ပွတ်းဢွၵ်ႇၶူင်း 4 ၵေႃႉ ႁွင်ႈၵၢၼ်ပၢႆးယူႇလီ တူၼ်ႈတီး ၸိုင်ႈတႆး ပွတ်းၸၢၼ်း ဢွၵ်ႇဝႆႉၼင်ႇၼႆ။

ၼႂ်းမိူင်းတႆးပတ်းပိုၼ်ႉ ၵူၼ်းတိတ်းၸပ်းၸိူဝ်ႉမႅင်းတၢင်းပဵၼ်ၶူဝ်ႊဝိတ်ႉ 19 တေႃႇထိုင် ဝၼ်းတီႈ 23/1/2021 ၼႆႉ တင်း မူတ်းမီး 1,151 ၵေႃႉ၊ တိုၵ်ႉယူတ်းယႃ 96 ၵေႃႉလႄႈ လူႉတၢႆ 4 ၵေႃႉ  ။

တီႈၼႃႈလိၼ်ဝႃႉ UWSA ၵုမ်းၵမ်သမ်ႉ ယၢမ်းလဵဝ်ၵူၼ်းတိတ်းၸပ်းတၢင်းပဵၼ် မီး 303 ၵေႃႉ ယူတ်းယႃႁၢႆၶႅၼ်းသေလူင်းႁူင်းယႃယဝ်ႉ 155 ၵေႃႈ၊ ဢၼ်တိုၵ်ႉယူတ်းယႃတူဝ်ဝႆႉယူႇ မီး 140 ပၢႆ ႁွင်ႈၵၢၼ်ၾၢႆႇပိုၼ်ၽၢဝ်ႇ WSTV ပိုၼ်ၽၢဝ်ႇဝႆႉၼင်ႇၼႆ။

ၾၢႆႇၼိုင်ႈ ယႃႁႄႉၵင်ႈၸိူဝ်ႉမႅင်းတၢင်းပဵၼ်ၶူဝ်ႊဝိတ်ႉ 19 ဢၼ်လူင်ပွင်ၸိုင်ႈလႆႈ မႃးတီႈ မိူင်းၵြႃးဢိၼ်ႊတီႊယိူဝ်ႊၼၼ်ႉ  ႁွတ်ႈၽႅဝ်မိူင်းႁူမ်ႈတုမ် မိူဝ်ႈဝၼ်းတီႈ 22/1/2021 တႃႇ 1.5 လၢၼ်ႉမူၵ်ႇ/ တဝ်ႈ ။ ပေႃးထိုင်မႃး ဝၼ်းတီႈ 27/1/2021 တေတႄႇသမ်းပၼ် ၸုမ်းၾၢႆႇပၢႆးယူႇလီလႄႈ ၸုမ်းလူင်ပွင်ၸိုင်ႈၵႂႃႇ  ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ