Friday, March 29, 2024

ၼႂ်းၵၢတ်ႇလူင် ဝဵင်းသူၺ်ႇၺွင်ႇ မီးၵူၼ်းၸပ်းၶူဝ်ႊဝိတ်ႉ 5 ၵေႃႉ လႄႈ ပိၵ်ႉဢိုတ်းၵၢတ်ႇ 2 ဝူင်ႈ

Must read

တီႈဝဵင်းသူၺ်ႇၺွင်ႇ ၵူတ်ႇထတ်း ႁူပ်ႉႁၼ် ၵူၼ်းတိတ်းၸပ်းၸိူဝ်ႉမႅင်း ၶူဝ်ႊရူဝ်ႊၼႃႊဝၢႆႊရၢတ်ႉ ၶူဝ်ႊ ဝိတ်ႉ 19 လႄႈ ၸဝ်ႈၼႃႈတီႈ ၵုမ်းၵမ်ၸႄႈဝဵင်း လႆႈသင်ႇပိၵ်ႉ ၵၢတ်ႇလူင် ၵၢင်ဝဵင်းဝႆႉ တႃႇၶၢဝ်းတၢင်း 2 ဝူင်ႈ ။

ပၢႆႉတၢင်းၶဝ်ႈဝဵင်းသူၺ်ႇၺွင်ႇ

တႄႇဢဝ် ဝၼ်းတီႈ 6/1/2021 ယၢမ်းဝၢႆးဝၼ်း 3 မူင်း တေႃႇထိုင် ဝၼ်းတီႈ 19/1/2021 တႃႇၶၢဝ်းတၢင်း 2 ဝူင်ႈ ၽူႈမီးပုၼ်ႈၽွၼ်းၸီႉသင်ႇႁႂ်ႈပိၵ်ႉၵၢတ်ႇလူင် ဝဵင်းသူၺ်ႇၺွင်ႇ ယွၼ်ႉပိူဝ်ႈၼႂ်းၸႄႈဝဵင်းသူၺ်ႇၺွင်ႇ မီးၵူၼ်းၸပ်းၶူဝ်ႊဝိတ်ႉ 11 ၵေႃႉ၊ ၼႂ်းၼၼ်ႉ တႃႇ 5 ၵေႃႉ ပဵၼ်ၵူၼ်း ဢၼ်ၵႃႉၶၢႆ ၼႂ်းၵၢတ်ႇ ။

- Subscription -

ဢူးတႅတ်ႉဢူးမွင်ႇ ၽူႈၵွၼ်းၸႄႈဝဵင်းသူၺ်ႇၺွင်ႇလၢတ်ႈဝႃႈ – “တႄႇဢဝ်မိူဝ်ႈဝႃး ယၢမ်းဝၢႆးဝၼ်းမႃး ႁဝ်းၶႃႈ ပိၵ်ႉဝႆႉၵၢတ်ႇ ၸူဝ်ႈၶၢဝ်းယဝ်ႉၶႃႈ။ ယွၼ်ႉဝႃႈ ၼႂ်းၵၢတ်ႇၼၼ်ႉ ထူပ်းႁၼ် ၵူၼ်းတိတ်းၸပ်းၸိူဝ်ႉမႅင်း 5 ၵေႃႉလႄႈ ၵၢတ်ႇၼႆႉ တေပိၵ်ႉ ဢိုတ်းတႃႇၶၢဝ်းတၢင်း 2 ဝူင်ႈ”- ဝႃႈၼႆ။

ယၢမ်းလဵဝ် ၵူၼ်းတိတ်းၸပ်းၸိူဝ်ႉမႅင်းတၢင်းပဵၼ်ၶူဝ်ႊဝိတ်ႉ 19 တင်း 5 ၵေႃႉၼၼ်ႉ သူင်ႇယူတ်းယႃတူဝ် တီႈႁူင်း ယႃလူင် ၸဝ်ႈၸၢမ်ႇထုၼ်းတူၼ်ႈတီးဝႆႉ။

ၼႂ်းမိူင်းတႆး ပတ်းပိုၼ်ႉ ယၢမ်းလဵဝ် ၵူတ်ႇထတ်းထူပ်းႁၼ် ၵူၼ်းတိတ်းၸပ်းၸိူဝ်ႉမႅင်းၶူဝ်ႊဝိတ်ႉ 19 တင်းမူတ်း မီး 1000 ပၢႆ။ လူႉတၢႆ 3 ၵေႃႉ တိုၵ်ႉယူတ်းယႃဝႆႉ 220 ၵေႃႉ၊ ၼႂ်းႁၢင်ႈလိူၼ်တီႊသႅမ်ႊပိူဝ်ႊမႃး တေႃႇယၢမ်းလဵဝ် ၼႂ်းၼႃႈလိၼ်ၽွင်းငမ်းတူဝ်ၵဝ်ႇ ဝႃႉ မိူင်းတႆး ပွတ်းဢွၵ်ႇၵေႃႈ မီးၸပ်းတၢင်းပဵၼ် 153 ၵေႃႉ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း