NLD ပႃႇတီႇၼူၵ်ႉယုင်း ပိုၼ်ၽၢဝ်ႇ ၼေႃႇၽူႈတႅၼ်း တႃႇၶဝ်ႈပၢင်လိူၵ်ႈတင်ႈ 2020

0
371

ဝၼ်းတီႈ 23/7/2020 ပႃႇတီႇၼူၵ်ႉယုင်း NLD ပိုၼ်ၽၢဝ်ႇသဵၼ်ႈၸိုဝ်ႈ ၼေႃႇတႅၼ်းၽွင်း ၸိူဝ်းတေၶဝ်ႈၶေႉပၢင်လိူၵ်ႈတင်ႈ 2020 ဢၼ်တေၸတ်းႁဵတ်းၼႂ်း လိူၼ်ၼူဝ်ႊဝႅမ်ႊပိူဝ်ႊ တေမႃးၼႆႉ။

ၵႅမ်ႁူဝ်ပဝ်ႈ 2 ပႃႇတီႇၼူၵ်ႉယုင်း NLD တွၵ်ႊတိူဝ်ႊၸေႃႇမျိၼ်ႉမွင်ႇ ပိုၼ်ၽၢဝ်ႇလၢတ်ႈတီႈသိုဝ်ႇၶၢဝ်ႇ ပဵၼ်တၢင်းၵၢၼ်မိူဝ်ႈဝၼ်းတီႈ 23/7/2020 ဝႃႈၼေႃႇၽူႈတႅၼ်းပႃႇတီႇ ၼူၵ်ႉယုင်း ပတ်းပိုၼ်ႉ ၸိုင်ႈမိူင်း တေၶဝ်ႈလိူၵ်ႈတင်ႈ မီး 1131 ၵေႃႉ ဝႃႈၼႆ။ ပဵၼ်တႃႇ ၽူႈတႅၼ်းသၽႃးၵူၼ်းမိူင်း 319 ၵေႃႉ၊သၽႃးၸိူဝ်ႉၸၢတ်ႈ 161 ၵေႃႈ၊ သၽႃးၸေႈမိူင်း ဢမ်ႇၼၼ် ၸေႈတိူင်း 622 ၵေႃႉ လႄႈ တွၼ်ႈတႃႇၽွင်းလူင်ၾၢႆႇၸၢဝ်းၶိူဝ်း 29 ၵေႃႉ ဝႃႈၼႆ။

တွၼ်ႈတႃႇၼႂ်းမိူင်းတႆးသမ်ႉ NLD လိူၵ်ႈဝႆႉ ၼေႃႇၽူႈတႅၼ်းသၽႃး 156 တီႈၼင်ႈ။ ၼႂ်းၼၼ်ႉ သၽႃးၸေႈမိူင်း 92 တီႈၼင်ႈ၊သၽႃးၵူၼ်းမိူင်း 46 တီႈၼင်ႈ၊ သၽႃးၸိူဝ်ႉၸၢတ်ႈ 11 တီႈၼင်ႈလႄႈ တႃႇၽွင်းလူင်ၸၢဝ်းၶိူဝ်း 7 တီႈၼင်ႈ။

ၽွင်းတႅၼ်း NLD ၸိူဝ်းလႆႈတီႈၼင်ႈဝႆႉၼႂ်းသၽႃးမိူင်းတႆး ယၢမ်းလဵဝ်ၵေႃႈ ၶိုၼ်းတေၶဝ်ႈၶေႉလိူၵ်ႈတင်ႈ တင်းမူတ်း ၊ပႃးၸဵမ်တူဝ်ၸွမ်ၽွင်းလူင်ၸိုင်ႈတႆးတွၵ်ႊတိူဝ်ႊလိၼ်းထုတ်ႉၵေႃႈ တေၶဝ်ႈၶေႉတီႈ ၽွင်းတႅၼ်းသၽႃး ၸေႈမိူင်း ၸေႈဝဵင်းလႃႈသဵဝ်ႈၶိုၼ်း။

ၽူႈပၵ်းတႃၵၢၼ်မိူင်းၵမ်ႈၽွင်ႈတႄႉတူၵ်ႇလၢတ်ႈဝႃႈ ၶွမ်ႊမသျိၼ်ႊ ပၢင်လိူၵ်ႈတင်ႈ UEC ယင်းပႆႇလႆႈပိုၼ်ၽၢဝ်ႇ ပိုၼ်ႉတီႈ တေၸတ်းပၢင်လိူၵ်ႈတင်ႈ ပႃႇတီႇၼူၵ်ႉယုင်းပေႃးပိုၼ်ၽၢဝ်ႇသဵၼ်ႈၸိုဝ်ႈ ၼေႃႇၽူႈတႅၼ်းယူႇယဝ်ႉ – ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

SHARE