ၾင်ႇၼမ်ႉတူႈ (ၻူၵ်ႉထဝတီႇ/မျိတ်ႉငႄႇမျိတ်ႉ) ၼႂ်းဝဵင်းတတႃးဢူး တိူင်းမၼ်းတလေးၼၼ်ႉ ယၢတ်ႇပင်းလႄႈႁဵတ်းႁႂ်ႈ ၵွင်းမူးၵဝ်ႇၵႄႇသူႇၼိုင်ႈလူင်းသူႇပိုၼ်ႉၼမ်ႉ ။
ပဵၼ်ၵွင်းမူးၵဝ်ႇၵႄႇ (မၢႆၵွင်းမူး 541 ) ဢၼ်မီးၼႂ်း ပွၵ်ႉၵၢတ်ႇတႆး (သျၢၼ်းၸေးယၢတ်ႉ) မီးၼႂ်းဢိူင်ႇ ႁူင်သႃဝတီ ဝဵင်းၵဝ်ႇဢၢင်ႇဝ။
ၽွင်းၵွင်းမူးပႆႇၸူမ်ၼမ်ႉၼၼ်ႉ ယူႇတီႈၵူၼ်းလူင်ဝၢၼ်ႈလႄႈ သင်ၶၸဝ်ႈ ဢိၵ်ႇ ၽူႈမီးပုၼ်ႈၽွၼ်း ၾၢႆႇႁၵ်ႉသႃၶူဝ်းၶွင်ၵဝ်ႇၵႄႇ မႃးထုပ်ႉတွႆႇၵွင်းမူး ဢဝ်ၶူဝ်းၶွင်ထႃပၼႃ ဝႆႉၼၼ်ႉဢွၵ်ႇ။ လႆႈၸႂ်တႅပ်းတတ်းဝႃႈ တေၶၢႆႉၵႂႃႇၵေႃႇၶိုၼ်းၼႂ်းပိုၼ်ႉတီႈဢၼ်လွတ်ႈၽေး ဝႃႈၼႆ။
ၵွင်းမူးၵဝ်ႇၵႄႇသူႇၼႆႉ ၵူၼ်းဝၢၼ်ႈလႄႈၵူၼ်းပိုၼ်ႉတီႈ ၵုမ်းၵေႃႇလုမ်းလႃးမႃးပၢၼ်သိုပ်ႇပၢၼ်။ ၵူၼ်းလူင်ဝၢၼ်ႈတႄႉလၢတ်ႈဝႃႈ ပဵၼ်ယွၼ်ႉသၢႆၼမ်ႉလႅၵ်ႈလၢႆႈ၊ မႃးတွင်ႈၾင်ႇႁႅင်း လႄႈၾင်ႇၸင်ႇယၢတ်ႇ ဝႃႈၼႆ။
ၼမ်ႉတူႈ ဢမ်ႇၼၼ် ၻူၵ်ႉထဝတီႇ ဢမ်ႇၼၼ် မျိတ်ႉငႄႇမျိတ်ႉၼႆႉ လူင်ပွင်ၸိုင်ႈမၢၼ်ႈလႄႈၶွမ်ႊပၼီႊႁူမ်ႈၵၼ်တေႁဵတ်းၾၢႆယႂ်ႇၼိူဝ်မႄႈၼမ်ႉ မီး 5 တီႈ။ ၼႂ်းမိူင်းတႆး 3 တီႈလႄႈ ၼႂ်းတိူင်းတႃႈလိူဝ်ႇ 2 တီႈ။
ဢိင်ၶၢဝ်ႇ – Eleven Media Group
