မိူင်းဢမေႊရိၵၼ်ႊ မီးၵူၼ်းတိတ်းၸပ်းတၢင်းပဵၼ်ၶူဝ်ႊဝိတ်ႉ 19 ၼမ်သုတ်းၼႂ်းလုမ်ႈၾႃႉမႃးတင်းႁိုင်၊ ၼႂ်းၶၢဝ်းတၢင်း 24 ၸူဝ်ႈမူင်းပူၼ်ႉမႃး မိူင်း Brazil မီးၵူၼ်းတၢႆ ယွၼ်ႉၶူဝ်ႊဝိတ်ႉ 19 ပုင်ႈၶိုၼ်ႈသုင် 800 ၵေႃႉၵမ်းလဵဝ်လႄႈ လႆႈဝႃႈတၢႆၼမ်လိူဝ်မိူင်း ဢမေႊရိၵၼ်ႊ ။
ဝၼ်းတီႈ 26/5/2020 ႁွင်ႈၵၢၼ်ၶၢဝ်ႇ ၵုင်းထဵပ်ႈထုရၵိတ်ႇ မိူင်းထႆးပိုၼ်ၽၢဝ်ႇဝႃႈ ၼႂ်းၶၢဝ်းတၢင်း 24 ၸူဝ်ႈမူင်း သဵၼ်မၢႆႈၵူၼ်းဢၼ် လူႉတၢႆယွၼ်ႉတၢင်းပဵၼ် Covid-19 ၼႂ်းမိူင်း Brazil မီးၵူၼ်းတၢႆ 807 ၵေႃႉ US သမ်ႉမီး 620 ၵေႃႉ ႁဵတ်းႁႂ်ႈသဵၼ်ႈမၢႆၵူၼ်း လူႉတၢႆယွၼ်ႉတၢင်းပဵၼ်ၼမ်လိူဝ် US ပဵၼ်ပွၵ်ႈဢွၼ်တၢင်းသုတ်း- ဝႃႈၼႆ။
ဝၼ်းမိူဝ်ႈၼႆႉ မိူင်း Brazil မီးၵူၼ်းတိတ်းၸပ်းတၢင်းပဵၼ် 376,669 ၵေႃႉလႄႈၵူၼ်းလူႉတၢႆ 23,522 ၵေႃႉ ။ ယဵၼ်းပဵၼ် မိူင်းမီးၵူၼ်းတိတ်းၸပ်းလူႉတၢႆယွၼ်ႉၶူဝ်ႊဝိတ်ႉ 19 ၼမ်သုတ်းထိ 2 ၼႂ်းလုမ်ႈၾႃႉ ။
မိူင်းဢမေႊရိၵၼ်ႊသမ်ႉမီးၵူၼ်းတိတ်းၸပ်းတၢင်းပဵၼ် 1706226 ၵေႃႉလႄႈ ၵူၼ်းတၢႆယွၼ်ႉတၢင်းပဵၼ်မီး 99805 ၵေႃႉ။ပဵၼ်မိူင်းဢၼ်မီးၵူၼ်းၸပ်းလႄႈ ၵူၼ်းတၢႆယွၼ်ႉၶူဝ်ႊဝိတ်ႉ 19 ၼမ်သုတ်းထိၼိုင်ႈ။
ဢၼ်လူင်ပွင်ၸိုင်ႈမိူင်း Brazil ပိၵ်ႉႁပ်းဝၢၼ်ႈမိူင်းတႃႇႁႄႉၵင်ႈၶူဝ်ႊဝိတ်ႉ 19 ၼႆႉ ပူၼ်ႉမႃးမိူဝ်ႈဝၼ်းတီႈ 17/05/2020 ၼၼ်ႉ ၵူၼ်းမိူင်း Brazil သၢၼ်ၶတ်း။ ၸွမ်ၸိုင်ႈမိူင်း Brazil ၵေႃႈၶဝ်ႈပႃးၼႄၵၢင်ၸႂ်သၢၼ်ၶတ်းလွင်ႈၼႆႉ။
တင်ႈတႄႇမီးၸိူဝ်ႉမႅင်းတၢင်းပဵၼ်ၶူဝ်ႊဝိတ်ႉ 19 လၢမ်းၽႄႈမႃး ထိုင်ၼႂ်းဝၢၼ်ႈၼႂ်းမိူင်း Brazil ၼၼ်ႉ ၽွင်းလူင်ၾၢႆႇပၢႆးယူႇလီ ၸိုင်ႈမိူင်း ဢွၵ်ႇၵၢၼ်ၵႂႃႇယဝ်ႉ 2 ၵေႃႉ၊ ၵွပ်ႈပိူဝ်ႈဢမ်ႇပေႃးထုၵ်ႇၵၼ်တင်းၸွမ်ၸိုင်ႈ ယွၼ်ႉပေႃႇလသီႇ ႁႄႉၵင်ႈတၢင်းပဵၼ်ၶူဝ်ႊဝိတ်ႉၼႆႉဝႃႈၼႆ။
ဢိင်ၶေႃႈမုလ်း- PPTVHD 36, Bangkokbiznews