Thursday, March 28, 2024

ၵူၼ်းမိူင်းၼီႊပေႃး တၢႆယွၼ်ႉ ၶူဝ်ႊဝိတ်ႉ 19 ၵေႃႉႁႅၵ်ႈ

Must read

200 ၸိုင်ႈမိူင်းပၢႆ ပတ်းပိုၼ်ႉလုမ်ႈၾႃႉ ၸပ်းတၢင်းပဵၼ်ၶူဝ်ႊဝိတ်ႉ 19 သေ တၢႆႁၢႆၼပ်ႉသႅၼ် ယူႇၼၼ်ႉ မိူင်းၼီႊပေႃးတႄႉ တိုၵ်ႉမီးၵူၼ်းတၢႆယွၼ်ႉတၢင်းပဵၼ် ၼႆႉပဵၼ်ၵေႃႉႁႅၵ်ႈ။

Photo AFP- ၸဝ်ႈၼႃႈတီႈ သိတ်းယႃႈယႃၶႃႈၸိူဝ်ႉမႅင်းၼႂ်းပွၵ်ႉယွမ်ႇ တီႈၼီႊပေႃး

လူင်ပွင်ၸိုင်ႈမိူင်းၼီႊပေႃး ႁွင်ႈၵၢၼ်ၾၢႆႇပၢႆးယူႇလီပိုၼ်ၽၢဝ်ႇပဵၼ်တၢင်းၵၢၼ်ဝႃႈ  မိူဝ်ႈဝၼ်းတီႈ 14/5/2020 ၽူႈယိင်းၵေႃႉၼိုင်ႈ ဢႃယု 29 ပီ ယူႇၼႂ်းဝဵင်းၶတ်ႉထမၢၼ်ႊထူႊ တၢႆယွၼ်ႉတၢင်းပဵၼ်ၶူဝ်ႊဝိတ်ႉ 19  ပဵၼ်ၵူၼ်းတၢႆယွၼ်ႉတၢင်းပဵၼ်ၼႆႉၵေႃႉဢွၼ်တၢင်းသုတ်းတႃႇမိူင်း ၼီႊပေႃးဝႃႈၼႆ။

- Subscription -

ၾၢႆႇပၢႆးယူႇလီမိူင်းၼီႊပေႃး သပ်းလႅင်းဝႆႉဝႃႈ –  ၽူႈယိင်းၵေႃႉၼႆႉ  ၵိူတ်ႇလုၵ်ႈတီႈႁူင်းယႃ  ဝဵင်း ၶတ်ႉထမၢၼ်ႊထူႊ မိူဝ်ႈဝၼ်းတီႈ 6/5/2020 သေ ဢွၵ်ႇႁူင်းယႃပွၵ်ႈမိူဝ်းႁိူၼ်းမိူဝ်ႈဝၼ်းတီႈ 7/5/2020 ။  ၽွင်း ယူႇႁိူၼ်းၼၼ်ႉ မၼ်းၼၢင်းမီးလူမ်းၼၢဝ်၊ ထူၺ်ႈၸႂ်ယၢပ်ႇ ၸင်ႇၵႂႃႇၸူးႁွင်ႈယႃ တီႈၼႂ်းဝၢၼ်ႈ ။  တၢင်းပဵၼ်ဢမ်ႇၶႅၼ်းၶိုၼ်ႈမႃးလႄႈ  ၽွင်းဢဝ်တူဝ်မၼ်းၼၢင်းသူင်ႇႁူင်းယႃလူင် မိူဝ်ႈဝၼ်းတီႈ 14   ၼၼ်ႉမၼ်းၼၢင်းလူႉတၢႆၵၢင်တၢင်း- ဝႃႈၼႆ ။

ၵွပ်ႈၼႆလႄႈ ယူႇတီႈၾၢႆႇႁႄႉၵင်ႈတၢင်းပဵၼ်ၶူဝ်ႊဝိတ်ႉ 19 လႆႈပိုၼ်ၽၢဝ်ႇ ပိၵ်ႉဢိုတ်းဝၢၼ်ႈဢၼ်မၼ်း ၼၢင်းယူႇသဝ်းသေ ႁႂ်ႈၵူၼ်းဢၼ်ယူႇၸမ်မၼ်းၼၢင်း ၵူၼ်းၼႂ်း ႁိူၼ်းမၼ်းၼၢင်း ၵၵ်းတူဝ် ၵူတ်ႇထတ်းတၢင်းပဵၼ်- ဝႃႈၼႆ။

ယၢမ်းလဵဝ်မၢင်မိူင်းတၢင်းပဵၼ်တေလူတ်းယွမ်းၵႂႃႇယဝ်ႉၼႆသေတႃႉ မၢင်မိူင်းတႄႉတိုၵ်ႉ တေတႄႇၽႄႇ ယူႇဝႃႈၼႆ ။

မိူဝ်ႈၼႆႉ ဝၼ်းတီႈ 19/5/2020 ၵူၼ်းတိတ်းၸၢပ်းတၢင်းပဵၼ် ၶူဝ်ႊဝိတ်ႊ 19 ၼႂ်းမိူင်းၼီႊ ပေႃးမီး 375 ၵေႃႉ လူႉတၢႆမီး 1 ၵေႃႉ။

Ref; kathmandupoast , Sanook

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း