ၸဝ်ႈၼႃႈတီႈပလိၵ်ႈထႆး ဢၼ်ပႂ်ႉၽၵ်းတူမိူင်း မႄႈသၢႆ ၵူတ်ႇထတ်းတီႉၺွပ်း သၢဝ်တႆး သွင်ၵေႃႉ ပႃးယႃႈမႃႉၼပ်ႉႁူဝ်မိုၼ်ႇမဵတ်ႉတင်းယႃႈဢၢႆႉသ် ဢၼ်လုၵ်ႉတၢင်းတႃႈၶီႈလဵၵ်း ၶဝ်ႈၸူးမိူင်းထႆး။
ၼၢင်းၼူၼ်းဢွင်ႇ ဢႃယု 22 ပီလႄႈ ၼၢင်းၼူၼ်းမူဝ် ဢႃယု 33 ပီ ၶီႇလူတ်ႉသၢမ်လေႃႉၶၢမ်ႈၶူဝ် လုၵ်ႉတႃႈၶီႈလဵၵ်းမႃး တေၶဝ်မႄႈသၢႆ မိူင်းထႆး။ ၸဝ်ႈၼႃႈတီႈထႆး ထတ်းႁၼ်မႅၼ်ႈ ယႃႈမႃႉ 40000 မဵတ်ႉ (ဢၼ်တွၵ်ႇဝႆႉမိၵ်ႈ 999 ၼိူဝ်ႁေႃႇယႃႈ) လႄႈ ယႃႈဢၢႆႉသ် 2 ၵီႊလူဝ်ႊ လၵ်ႉသိူင်ႇသႂ်ႇမႃးၼႂ်းဢႅပ်ႇၶဝ်ႈမုၼ်းလႄႈ တဝ်ႈၼမ်ႉသူမ်ႈၼမ်ႉဝၢၼ် ၵိုၵ်းလေႃးထူင်ၶူဝ်းၶဝ်မႃး- ၶၢဝ်ႇမႄႈသၢႆ ဢေႊဢီႊသီႊ ႁၢႆးငၢၼ်းဝႆႉၼင်ႇၼႆ။
ယၢမ်းလဵဝ်လႆႈဢဝ်တူဝ်ၶဝ်သွင်ၵေႃႉ ၵုမ်းၶင်ဝႆႉတီႈ ႁူင်းပလိၵ်ႈတီႈမႄႈသၢႆ တႃႇပၼ်တူတ်ႈတၢမ်ႇၸွမ်းၼင်ႇမၢႆမီႈဝၢၼ်ႈမိူင်း မိူင်းထႆးမီးဝႆႉၼၼ်ႉဝႃႈၼႆ။
