ၼႂ်းလိူၼ်ၵျူႊလၢႆႊ 2019 ၼႆႉၵူၺ်း ပလိၵ်ႈထႆး မွပ်ႈသူင်ႇတူဝ်ႁႅင်းၵၢၼ် မိူင်းႁူမ်ႈတုမ် ပၼ်တၢင်းၾင်ႇၸဝ်ႈၼႃႈတီႈ တႃႈ ၶီႈလဵၵ်း လႅၼ်လိၼ်တႆး – ထႆး မီးၵႂႃႇယဝ်ႉ 98 ၵေႃႉ။
ႁႅင်းၵၢၼ်မိူင်းႁူမ်ႈတုမ်ဢၼ်သူင်ႇပွၵ်ႈမႃး တၢင်းၾင်ႇတႃႈၶီႈလဵၵ်းၼႆႉ မိူဝ်ႈဝၼ်းတီႈ 1/7/2019 လႆႈသူင်ႇပွၵ်ႈမႃး 11 ၵေႃႉ၊ ဝၼ်းတီႈ 2 (13) ၵေႃႉ၊ ဝၼ်းတီႈ 3 (25) ၵေႃႉ၊ ဝၼ်းတီႈ 5 (3) ၵေႃႉလႄႈ ဝၼ်းတီႈ 8 (46) ၵေႃႉ တင်းမူတ်းႁူမ်ႈၵၼ် 98 ၵေႃႉ။
မိူဝ်ႈဝၼ်းတီႈ 8/7/2019 ဢၼ်ပလိၵ်ႈထႆး သူင်ႇတူဝ်ႁႅင်းၵၢၼ် ပွၵ်ႈမႃး 46 ၵေႃႉၼၼ်ႉ ၼႂ်းၼၼ်ႉ ၽူႈၸၢႆး 30 ၵေႃႉ၊ ၼၢင်း ယိင်း 16 ၵေႃႉ။ ႁႅင်းၵၢၼ်တၢင်းၸႄႈမိူင်းယၢင်းလႅင် 1 ၵေႃႉ၊ ၸႄႈမိူင်းယၢင်းၽိူၵ်ႇ 1 ၵေႃႉ၊ ၸိုင်ႈတႆးပွတ်းဢွၵ်ႇ 6 ၵေႃႉ၊ ပွတ်း ၸၢၼ်း 21 ၵေႃႉလႄႈ ပွတ်းႁွင်ႇ 16 ၵေႃႉ လိူဝ်ၼၼ်ႉ တိူင်းပႃႇၵိူဝ် 1 ၵေႃႉ။
ၼႂ်းႁႅင်းၵၢၼ် 46 ၵေႃႉ ဢၼ်ထုၵ်ႇသူင်ႇတူဝ်ပွၵ်ႈမႃးၶိုၼ်းၼၼ်ႉ ၵမ်ႈၼမ်ပဵၼ်ၵူၼ်း လၵ်ႉၶဝ်ႈမိူင်း၊ ၶဝ်ႈမိူင်းဢမ်ႇပဵၼ် တၢင်းၵၢၼ်၊ ၽိတ်း ပၵ်း ပိူင် မၢႆမီႈဝၢၼ်ႈမိူင်း၊ ၶၢမ်ႈပူၼ်ႉလႅၼ် ဢၼ်မၵ်းတတ်းဝႆႉဢမ်ႇၼၼ် ဝၼ်းတႃႇယူႇသဝ်း ႁဵတ်း ၵၢၼ်ၼႂ်းဝတ်းဝႂ် ၼၼ်ႉ မူတ်းဢႃယု ၸဵမ်ၸိူဝ်းၼႆႉ။
ၵဵဝ်ႇၵပ်းလူၺ်ႈႁႅင်းၵၢၼ်မိူင်းႁူမ်ႈတုမ် ဢၼ်လႆႈသူင်ႇပွၵ်ႈမႃး တၢင်းၾင်ႇတႃႈၶီႈလဵၵ်း လႅၼ်လိၼ်တႆး-ထႆးၼႆႉ တႄႇဢဝ် လိူၼ်ၵျႅၼ်ႊၼိဝ်ႊရီႊ ဝၼ်းတီႈ 1 ထိုင် ဝၼ်းတီႈ 8 လိူၼ်ၵျူႊလၢႆႊ 2019 ၼႆႉ တင်းမူတ်း မီးၵႂႃႇယဝ်ႉ 1,184 ၵေႃႉ။ ၼႂ်း ၼၼ်ႉ ၽူႈၸၢႆး 758 ၵေႃႉ၊ ၽူႈယိင်း 387 ၵေႃႉလႄႈ လုၵ်ႈဢွၼ်ႇ 39 ၵေႃႉ။
ၶေႃႈမုလ်း – Tachileik News Agency