ၶိူင်ႈမိၼ်မိူင်းပင်းၵလႃးတဵတ်ႉသျ်လမ်းၼိုင်ႈ ဢၼ်တၢင်ႇၵူၼ်းမႃး မွၵ်ႈ 40 ၵေႃႉၼၼ်ႉ ပလၢတ်ႈတူၵ်းတၢင်း တီႈၶူင်ႇႁိူဝ်းမိၼ်ၵူႈမိူင်းမိူင်း ဝဵင်းတႃႈၵုင်ႈ ၽွင်းတေလူင်းၸွတ်ႇ ။ တူဝ်ၶိူင်ႈမိၼ်ႁၵ်းပဵၼ် သၢမ်တွၼ်ႈ ၵူၼ်းၶီႇမႃးၸွမ်းဢမ်ႇမီးလွင်ႈမၢတ်ႇၸဵပ်းလုတၢႆ။ ၵူၼ်းၶပ်းၶိူင်ႈမိၼ် ၵေႃႉလဵဝ် ႁူဝ်တႅၵ်ႇ ။
ၵူၼ်းတေဢွၵ်ႇတၢင်းၵႂႃႇၵုင်းထဵပ်ႈ ၵေႃႉၼိုင်ႈလၢတ်ႈဝႃႈ- ယွၼ်ႉပိူဝ်ႈၶိူင်ႈမိၼ်ပဵၼ်ၽေးၵိုင်ႉၵၢင်ႉၸိူင်ႉၼၼ်သေ ၵူၼ်းဢၼ်တေလုၵ်ႉၶူင်ႇႁိူဝ်းမိၼ်တႃႈၵုင်ႈသေ ၵႂႃႇတၢင်ႇတီႈ တၢင်ႇမိူင်းၼၼ်ႉ ၸဝ်ႈၼႃႈတီႈၸႂ်ႉၶၢႆႉသုတ်ႉၶၢဝ်းယၢမ်းပႅတ်ႈ။ ၸိူဝ်းၶိုၼ်ႈၼင်ႈၼိူဝ်ၶိူင်ႈမိၼ်ယူႇယဝ်ႉၸိူဝ်းၼၼ်ႉၵေႃႈၶဝ်ႁွင်ႉလူင်းၶိုၼ်းမူတ်း။ မိူဝ်ႈၽုၵ်ႇယင်းၸွင်ႇတေၸၢင်ႈလႆႈဢွၵ်ႇတၢင်းဢမ်ႇႁူႉ။ ယွၼ်ႉဝႃႈၶိူင်ႈမိၼ်လမ်းၼၼ်ႉ မၼ်းႁၵ်းၶမ်တၢင်းလႅၼ်ႈၶိူင်ႈမိၼ်ဝႆႉ- ဝႃႈၼႆ။
ၶိူင်ႈမိၼ် ပင်းၵလႃးတဵတ်ႉသျ်ၼႆႉ ဢၢၼ်းတေလူင်းၸွတ်ႇတီႈၶူင်ႇႁိူဝ်းမိၼ်တႃႈၵုင်ႈသေ ပလၢတ်ႈတူင်းတၢင်းၵႂႃႇ ၶၢဝ်းယၢမ်းၵၢင်ၶမ်ႈမွၵ်ႈ 8 မူင်းၶိုင်ႈ ဝၼ်းတီႈ 8 လိူၼ်မေႊ 2019 ဝၼ်းမိူဝ်ႈၼႆႉ။
ယၢမ်းလဵဝ် ၶိူင်ႈမိၼ်ၼႂ်းမိူင်း ဢၼ်တေလူင်းၶူင်ႇႁိူဝ်းမိၼ်တႃႈၵုင်ႈၼၼ်ႉ လႆႈပွၵ်ႈဝၢႆႇၵႂႃႇလူင်းၶိုၼ်း ၶူင်ႇႁိူဝ်းမိၼ်တီႈၼေႇပျီႇတေႃႇသေ ၶိူင်ႈမိၼ် ၼွၵ်ႈမိူင်း ဢၼ်တေမႃးလူင်းတႃႈၵုင်ႈၼၼ်ႉၵေႃႈ လႆႈပွၵ်ႈဝၢႆႇၵႂႃႇလူင်းၶိုၼ်း ၶူင်ႇႁိူဝ်းမိၼ် ဝဵင်းၵဵင်းမႆႇ မိူင်းထႆး ပုၼ်ႉၶိုၼ်းဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ