ပလၢတ်ႈတူၵ်းတၢင်း

ၶိူင်ႈမိၼ်မိူင်းပင်းၵလႃးတဵတ်ႉသျ်လမ်းၼိုင်ႈ ဢၼ်တၢင်ႇၵူၼ်းမႃး မွၵ်ႈ 40 ၵေႃႉၼၼ်ႉ ပလၢတ်ႈတူၵ်းတၢင်း တီႈၶူင်ႇႁိူဝ်းမိၼ်ၵူႈမိူင်းမိူင်း ဝဵင်းတႃႈၵုင်ႈ ၽွင်းတေလူင်းၸွတ်ႇ ။ တူဝ်ၶိူင်ႈမိၼ်ႁၵ်းပဵၼ် သၢမ်တွၼ်ႈ ၵူၼ်းၶီႇမႃးၸွမ်းဢမ်ႇမီးလွင်ႈမၢတ်ႇၸဵပ်းလုတၢႆ။ ၵူၼ်းၶပ်းၶိူင်ႈမိၼ် ၵေႃႉလဵဝ် ႁူဝ်တႅၵ်ႇ ။ ၵူၼ်းတေဢွၵ်ႇတၢင်းၵႂႃႇၵုင်းထဵပ်ႈ ၵေႃႉၼိုင်ႈလၢတ်ႈဝႃႈ- ယွၼ်ႉပိူဝ်ႈၶိူင်ႈမိၼ်ပဵၼ်ၽေးၵိုင်ႉၵၢင်ႉၸိူင်ႉၼၼ်သေ ၵူၼ်းဢၼ်တေလုၵ်ႉၶူင်ႇႁိူဝ်းမိၼ်တႃႈၵုင်ႈသေ ၵႂႃႇတၢင်ႇတီႈ တၢင်ႇမိူင်းၼၼ်ႉ ၸဝ်ႈၼႃႈတီႈၸႂ်ႉၶၢႆႉသုတ်ႉၶၢဝ်းယၢမ်းပႅတ်ႈ။  ၸိူဝ်းၶိုၼ်ႈၼင်ႈၼိူဝ်ၶိူင်ႈမိၼ်ယူႇယဝ်ႉၸိူဝ်းၼၼ်ႉၵေႃႈၶဝ်ႁွင်ႉလူင်းၶိုၼ်းမူတ်း။...