ၸဝ်ႈပေႃႈသိလ်ထမ်းဝုၼ်းၸုမ့် (ၶူးဝႃးဝုၼ်းၸုမ့် ၺႃႇၼသံဝရူဝ်ႊ) တေယေႃးတူဝ်တၢင်ႇထီးၵွင်းမူး လၢႆတီႈၼႂ်းမိူင် း တႆးသေ တေၶဝ်ႈတိုဝ်းၵမ်သိလ်ၼႂ်းထမ်ႈ တႃႇၼႂ်းၶၢဝ်းတၢင်း 3 ပီ 3 လိူၼ် 3 ဝၼ်း ၼင်ႇဝၢင်းၽႅၼ်ဝႆ့ၼၼ့် – ဝႃႈၼႆ။

ဝၼ်းတီႈ 29/04/2019 ၼႆ့ ၸဝ်ႈပေႃႈသိလ်ထမ်းဝုၼ်းၸုမ့် တေယေႃးတူဝ်ၶဝ်ႈထမ်ႈ တိုဝ်းၵမ်သိလ်ၼႂ်းၶၢဝ်းတၢင်း 3 ပီ 3 လိူၼ် 3 ဝၼ်း တီႈထမ်ႈမိူင်းၵႅတ်ႇ ဢိူင်ႇမိူင်းၵႅတ်ႇ ၸႄႈဝဵင်းမိူင်းတူၼ် ၸႄႈတွၼ်ႈမိူင်းသၢတ်ႇ ၸိုင်ႈတႆး ပွတ်းဢွၵ်ႇ ၶူင်း။

ၸဝ်ႈၺႃႇၼသီရိ (ၸဝ်ႈသီရိဢွၼ်ႇ) လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ – “ မိူဝ်ႈတႄႇၼႆ့ ၸဝ်ႈႁဝ်းဢၢင်ႈ တေၶဝ်ႈထမ်ႈဝၼ်းတီႈ 19 ။ ၵူၺ်းၵႃႈၸဝ်ႈႁဝ်းသမ့် လူဝ်ႇၵႂႃႇတၢင်ႇထီးၵွင်းမူးလၢႆလၢႆတီႈ ၸွမ်းၼင်ႇ ဢၼ်မၼ်းၸဝ်ႈလၢတ်ႈဝႆ့တီႈၵူၼ်းဝၢၼ်ႈ ၸင်ႇလႆႈသုတ့်ၶၢႆ့ၵႂႃႇထႅင်ႈ 10 ဝၼ်း ၼႂ်းၶၢဝ်းတၢင်းၼၼ့် ယုမ်ႇယမ်ဝႃႈ ၼႃႈၵၢၼ် ဢွၵ်ႇၶၢဝ်းတၢင်းပိုၼ်ၽႄႈသႃသၼႃမၼ်းၸဝ်ႈၵေႃႈ တေယဝ့်တူဝ်ႈသေ ပေႃးဝၼ်းတီႈ 29 မႃးမၼ်းၸဝ်ႈတေၶဝ်ႈထမ်ႈ တိုဝ်းၵမ်သိလ်ထမ်းယဝ့် ” ဝႃႈၼႆ။

ၸဝ်ႈပေႃႈသိလ်ထမ်းဝုၼ်းၸုမ့်ၼႆ့ ဝၢႆးသေပၢင်ပွႆးဝၼ်းၵိူတ်ႇမၼ်းၸဝ်ႈယဝ့် ဢွၵ်ႇၶၢဝ်းတၢင်းပိုၼ်ၽႄႈသႃသၼႃတၢင်းမိူင်းတႆး၊ လႅၼ်လိၼ် တႆး – ထႆး ၊ ၼႂ်းမိူင်းထႆးလၢႆတီႈမိူၼ်ၼင်ႇၵဵင်းမႆႇ၊ မိူင်းၵွၵ်ႇၸိူဝ်းၼႆ့ လိူဝ်ၼၼ့် သိုပ်ႇၵႂႃႇတၢင်းမိူင်းပူႊတၢၼ်ႊ၊ မိူင်းသိင်ႊၵပူဝ်ႊ၊ မိူင်းၼီႊပေႃႊ ၊ ၼေႇပျီႇတေႃႇ၊ တႃႈၵုင်ႈ ၊ မိူင်းလႃး ဢိၵ်ႇထႅင်ႈ လၢႆလၢႆ ၸႄႈဝဵင်းၼႂ်းၸိုင်ႈတႆး ၸိူဝ်းၼႆ့သေ ပေႃးဝၼ်းတီႈ 29/04/2019 ၼႆ့ တေၶဝ်ႈတိုဝ်းၵမ်တီႈထမ်ႈမိူင်းၵႅတ်ႇဢၼ်မီးၼႂ်းဢိူင်ႇမိူင်းၵႅတ်ႇ ၸႄႈဝဵင်းမိူင်းတူၼ် ၸႄႈတွၼ်ႈမိူင်းသၢတ်ႇ ။