ၸဝ်ႈပေႃႈသိလ်ထမ်းဝုၼ်းၸုမ့် (ၺႃႇၼသံဝရ)ယေႃးတူဝ်မဵတ့်တႃထမ်းတြႃး တီႈမိူင်းပူႊတၢၼ်ႊ တၵ့်ၵႃႇသတ့်ထႃးမိူင်းပူႊတၢၼ်ႊႁပ့်တွၼ်ႈ တင်းၼမ်။
ဝၼ်းတီႈ 19/01/2019 ၸဝ်ႈပေႃႈသိလ်ထမ်းဝုၼ်းၸုမ့်ယေႃးတူဝ်မဵတ့်တႃတြႃးတီႈ Satsam Chorten, Paro, Kingdom of Bhutan တၵ့်ၵႃႇသတ့်ထႃးတီႈမိူင်းပူႊတၢၼ်ႊ ဢဝ်တၢင်းၾိင်ႈငႄႈ ၾိင်ႈထုင်းၼႂ်းပိုၼ့်တီႈသေ ႁပ့်တွၼ်ႈ။ မီးတၵ့်ၵႃႇသတ့်ထႃးတႆး20 ၵေႃ့ပၢႆ ထႆး 7-8 ၵေႃ့ၸွမ်းၸဝ်ႈၵႂႃႇ ႁပ့်ထွမ်ႇထမ်းတြႃး ၸွမ်း။
ၸၢႆးၸၢႆး တၵ့်ၵႃႇဢၼ်ၸွမ်းၶၢဝ်းတၢင်းၸဝ်ႈပေႃႈသိလ်ထမ်းဝုၼ်းၸုမ့် လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ – “ ႁဝ်းၶႃႈတၵ့်ၵႃႇသတ့်ထႃးဢၼ်မႃးၸွမ်းၸဝ်ႈၼႆ့မီးမွၵ်ႈ 30 ဢေႃႈ တႆးမွၵ်ႈ20 ပၢႆ ထႆးမီးမွၵ်ႈ 7 – 8 ၵေႃ့၊မႃး ႁွတ်ႈထိုင်တီႈ မိူင်းပူႊတၢၼ်ႊယဝ့်တေလႆႈႁၼ်ဝႃႈ ပီႈၼွင့်ၵူၼ်းမိူင်းပူႊတၢၼ်ႊႁပ့်တွၼ်ႈလီတႄ့တႄ့ၶႃႈ ၊ ၾိင်ႈၾႃ့တီႈၼႆႈၵတ်းလီ၊ ၽႃသႃၵႂၢမ်းလၢတ်ႈတႄ့ၵႂၢမ်းဢိင်းၵလဵတ်ႈၵေႃႈၸႂ့်ယူႇ ၶူးဝႃးၸဝ်ႈႁေႃးထမ်းတြႃး ပၼ်ၽႃသႃပူႊတၢၼ်ႊၶႃႈဢေႃႈ ” ဝႃႈၼႆ။
ၸဝ်ႈပေႃႈသိလ်ထမ်းဝုၼ်းၸုမ့်ၼႆႉ ယၢမ်ႈယေႃးတူဝ်ၵႂႃႇတိုဝ်းၵမ်တြႃးတီႈမိူင်းပူႊတၢၼ်ႊၸဵမ်လဵၵ့်။ၸဝ်ႈႁေႃၶမ်း မိူင်းပူႊတၢၼ်ႊလႄႈ ၵူၼ်းဝၢၼ်ႈၵူၼ်းမိူင်းၼပ့်ယမ်ၵိူဝ်းလီဝႆႈသႃၶူးဝႃႈၸဝ်ႈ။ ဝၢႆးသေႁူပ်ႉထူပ်း တၵ်ႉၵႃႇသတ်ႉထႃးၼႂ်းမိူင်းပူႊတၢၼ်ႊယဝ့် တေၶိုၼ်းပွၵ်ႈမႃးမိူင်းတႆးသေ တိုဝ်းၵမ်သိလ်ၽႃဝၼႃတႃႇၶၢဝ်းတၢင်း 3 ပီ3 လိူၼ် 3 ဝၼ်း တီႈထမ်ႈမိူင်းၵႅတ်ႇ ဢိူင်ႇမိူင်းၵႅတ်ႇ ၸႄႈဝဵင်းမိူင်းတူၼ် ၸႄႈတွၼ်ႈမိူင်းသၢတ်ႇ ၸိုင်ႈတႆးပွတ်း ဢွၵ်ႇ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ