ၵူၼ်းပၢႆႈၽေးသိုၵ်းတီႈသီႇပေႃႉ 102 ၵေႃႉ ဢၼ်မီးဝႆႉတီႈ ဝတ်ႉၼႃးမၢၵ်ႇၶေႃ တင်း သိုင်ႇလုင်းလႃႉၽူၼ်း ဝၢၼ်ႈၼႃး လွႆၼၼ်ႉ ပႆႇႁတ်းပွၵ်ႈၶိုၼ်းဝၢၼ်ႈ၊ ပၢင်တိုၵ်းယဵၼ်ဝႆႉယူႇသေတႃႉသိုၵ်းယင်းတူင်ႉၼိုင်ၵႂႃႇမႃးယူႇဝႃႈၼႆ။
တေႃႈလဵဝ် ၵူၼ်းပၢႆႈၽေးသိုၵ်း 102 ၵေႃႉ ဢၼ်တိုၵ်ႉၵိုတ်းၶၢင်ႉဝႆႉသမ်ႉ တီႈဝတ်ႉၼႃးမၢၵ်ႇၶေႃ ပဵၼ်ၵူၼ်းဝၢၼ်ႈတူၼ်ႈၵႅင်း ဢိူင်ႇ ၼႃးမၢၵ်ႇၶေႃ ႁူဝ်ၵူၼ်း 33 ၵေႃႉ။ တီႈသိုင်ႇလုင်းလႃႉၽူၼ်း ဝၢၼ်ႈၼႃးလွႆ ႁူဝ်ၵူၼ်း 69 ၵေႃႉ ၵူၼ်းဝၢၼ်ႈလွႆမွၵ်ႇ ဢိူင်ႇၵုင်းသေႃႉ ၶဝ်ၸိူဝ်းၼႆႉ ယင်းပႆႇႁတ်းပွၵ်ႈ။
ၶွမ်ႊမတီႊ ၸွႆႈထႅမ်ၵူၼ်းပၢႆႈၽေးသိုၵ်း လၢတ်ႈတီႈၽူႈတွႆႇႁွၵ်ႈဝႃႈ “ မိူဝ်ႈဝႃးတႄႉ ပဵၼ်ၵူၼ်းဝၢၼ်ႈတူၼ်ႈၵႅင်းဢၼ်မႃး သွၼ်ႈဝႆႉတီႈ ဝတ်ႉၼႃႈမၢၵ်ႇၶေႃၼၼ်ႉ ဢွၼ်ၵၼ်ပွၵ်ႈမိူဝ်းၵမ်ႈၽွင်ႈယဝ်ႉၶႃႈ။ လႅပ်ႈငဝ်းလၢႆး ၼႂ်းပိုၼ်ႉတီႈ ၼိမ်ဝႆႉ ၵမ်ႈ ၽွင်ႈယဝ်ႉ။ လႆႈငိၼ်းဝႃႈ ၵၢၼ်ၶဵင်ႈၶႅင်ၵၢၼ်သိုၵ်းတေႃႇၵၼ်ၵေႃႈ တိုၵ်ႉမီးယူႇ မၢင်တီႈမၢင်ပွတ်း”ဝႃႈၼႆ။
ဝၼ်းတီႈ 01/04/2019 ယၢမ်းၵၢင်ၼႂ် မွၵ်ႈ 9 မူင်းၶိုင်ႈၼၼ်ႉ ၵူၼ်းဝၢၼ်ႈတူၼ်ႈၵႅင်း ဢၼ်မႃးသွၼ်ႈဝႆႉတီႈဝတ်ႉၼႃးမၢၵ်ႇ ၶေႃ ၸႄႈဝဵင်းသီႇပေႃႉ ႁူဝ်ၵူၼ်း 55 ၵေႃႉၼၼ်ႉ ၶိုၼ်းဢွၼ်ၵၼ်ပွၵ်ႈၶိုၼ်းႁိူၼ်းၽႂ်မၼ်းယဝ်ႉ ဝႃႈၼႆ။
ႁူဝ်ပီ 2019 ၼႆႉ သိုၵ်းတႆး သွင်တပ်ႉ ၽိုတ်ႉႁိမ်တီႈယူႇၵၼ်၊ ထဵင်မေႃး တိုၵ်းတေႃးၵၼ်လႄႈ ႁဵတ်းႁႂ်ႈၵူၼ်းဝၢၼ်ႈၵူၼ်းမိူင်း ၼပ်ႉႁူဝ်ႁဵင် လႆႈပၢႆႈယၢၼ်ႁိူၼ်းယေးတီႈယူႇ။ ယွၼ်ႉပၢင်တိုၵ်းသေ ၵူၼ်းမိူင်းတိူဝ်ႉမၢတ်ႇ တၢႆႁၢႆၸွမ်းၵေႃႈမီးၼမ်။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ