ၸဝ်ႈပေႃႈသိလ်ထမ်းဝုၼ်းၸုမ့် ပွၼ်ႈထမ်းတြႃးတီႈ သမူဝ်းသွၼ်တမ်ႇရူတ်ႇ သဵၼ်ႈတၢင်းဝိၽႃးဝၻီး ရင်းသိတ်ႇ ဝဵင်းလူင်မိူင်းၵွၵ်ႇ ၸိုင်ႈထႆး တၵ့်ၵႃႇသတ့်ထႃးတႆး၊ ထႆးလႄႈ လၢႆၸၢဝ်းၶိူဝ်းၶဝ်ႈႁူမ်ႈထွမ်ႇငိၼ်း။
ၸဝ်ႈပေႃႈသိလ်ထမ်းဝုၼ်းၸုမ့် (ၺႃၼသံဝရ) မိူင်းၽူင်း ယေႃးတူဝ်မဵတ့်တႃတြႃး ပၼ်ပီႈၼွင့်တၵ့်ၵႃႇသတ့်ထႃးတီႈမိူင်းၵွၵ်ႇၸိုင်ႈထႆး။
ၸၢႆးသႅင်ၸၢႆး ၵူၼ်းမိူင်းၵွၵ်ႇလၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ – “ ၵူၼ်းမႃးထွမ်ႇတြႃးၸဝ်ႈမီးၼမ်တႄ့တႄ့ၶႃႈ မီးႁိမ်းၸမ်မိုၼ်ႇၶႃႈ မၼ်းၸဝ်ႈပွၼ်ႈထမ်းတြႃးဝႃႈ ၵူၼ်းႁဝ်းဢၼ်ၵိူတ်ႇမႃးၼႆ့ ယွၼ့်ၵၢမ်ႇၵုသူလ်ႇလီ ၵွပ်ႈၼၼ်လႄႈ မိူဝ်ႈတိုၵ့်မီးသၢႆၸႂ်ယူႇၼႆ့ ႁႂ်ႈမေႃယူႇ မေႃၵိၼ် ပဵၼ်ၵူၼ်းလီ တႃႇတူဝ်ၵဝ်ႇ၊ တႃႇပေႃႈမႄႈ တႃႇဝၢၼ်ႈမိူင်းၸိူဝ့် ၶိူဝ်း ၊ ႁႂ်ႈပဵၼ်ၵူၼ်းဝူၼ့်လီ၊ ႁဵတ်းလီ၊ လၢတ်ႈလီ ၸၢတ်ႈပၢၼ်ႁဝ်းၵေႃႈတေလီ တေၶိုၼ်ႈယႂ်ႇ ” ဝႃႈၼႆ။
ဝၼ်းမိူဝ်ႈၼႆ့ဝၼ်းတီႈ 18/01/2019 ယၢမ်းၵၢင်ဝၼ်းၼႆ့ၵေႃႈ ၸဝ်ႈပေႃႈသိလ်ထမ်းဝုၼ်းၸုမ့် ယေႃးတူဝ်မဵတ့်တႃႇတြႃးတီႈ Indoor Stadium ႁူဝ်မၢၵ်ႇ သဵၼ်ႈတၢင်းရၢမ်းၶမ်းႁႅင် ပၢင်ၵပီႇ မိူင်းၵွၵ်ႇ ၸိုင်ႈထႆး။
ၸဝ်ႈပေႃႈသိလ်ထမ်းဝုၼ်းၸုမ့်ၼႆႉ ဝၢႆးသေႁူပ်ႉထူပ်းတၵ်ႉၵႃႇသတ်ႉထႃးၼႂ်းမိူင်းၵွၵ်ႇယဝ့် တေသိုပ်ႇယေႃႈတူဝ်ၵႂႃႇ မိူင်းပူႊတၼ်ႊ ဝၢႆးသၢင်းၵျၢၼ်ႇၸင်ႇပွၵ်ႈမႃးမိူင်းတႆးသေ တိုဝ်းၵမ်ၽႃ ဝၼႃတႃႇၶၢဝ်းတၢင်း 3 ပီ3 လိူၼ် 3 ဝၼ်း တီႈထမ်ႈမိူင်းၵႅတ်ႇ ဢိူင်ႇမိူင်းၵႅတ်ႇ ၸႄႈဝဵင်းမိူင်းတူၼ် ၸႄႈတွၼ်ႈမိူင်းသၢတ်ႇ ၸိုင်ႈတႆး ပွတ်းဢွၵ်ႇ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ