ၸဝ်ႈပေႃႈသိလ်ထမ်းဝုၼ်းၸုမ့်လႄႈ လုၵ်ႈၼွင့်ပွင်ႈပၢႆ တေယေႃးမုၼ်ၵႂႃႇမဵတ့်တႃတြႃးထမ်း တီႈမိူင်းၵွၵ်ႇၸိုင်ႈထႆးလႄႈ ပွင်ႇလႅင်းထိုင်တၵ့်ၵႃႇသတ့်ထႃး ၶဝ်ႈႁူမ်ႈထွမ်ႇငိၼ်း။
ဝၼ်းတီႈ 17/01/2019 ၶၢဝ်းယၢမ်းၵၢင်ၶမ်ႈ 18:00 မူင်းၵႂႃႇ ၸဝ်ႈပေႃႈသိလ်ထမ်းဝုၼ်းၸုမ့် တေယေႃးတူဝ်မဵတ့်တႃပွၼ်ႈထမ်းတြႃးတီႈ သမူဝ်းသွၼ်တမ်ႇရူတ်ႇ သဵၼ်ႈတၢင်းဝိၽႃးဝၻီးရင်းသိတ်ႇ ဝဵင်းလူင်မိူင်းၵွၵ်ႇ ၸိုင်ႈထႆး ။
ၸဝ်ႈမႁႃထွင်းသုၵ်ႇ လုၵ်ႈၼွင့်ပွင်ႈပၢႆ ဢၼ်ၸွမ်းၸဝ်ႈပေႃႈသိလ်ထမ်းလၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ – “ ႁဝ်းၸဝ်ႈလႆႈ လုၵ့်ၵဵင်းမႆႇမႃးမိူဝ်ႈဝႃး မိူဝ်ႈလဵဝ်မီးတီႈမိူင်းၵွၵ်ႇ ၶမ်ႈၼႆ့ၸဝ်ႈပေႃႈသိလ်ထမ်း တေယေႃးမုၼ်မဵတ့်တႃထမ်းတီႈ သမူဝ်းသွၼ်တမ်ႇရူတ်ႇ ပီႈၼွင့်တႆးၸိူဝ်းယူႇႁိမ်းၸမ်ဢွၼ်ၵၼ်မႃးႁပ့်ထွမ်ႇလႆႈ ” ဝႃႈၼႆ။
မိူဝ်ႈဝၼ်းတီႈ 16/01/2019 ၼၼ့် ၸဝ်ႈပေႃႈသိလ်ထမ်းဝုၼ်းၸုမ်ႉ ယေႃးတူဝ်မဵတ်ႉတႃတြႃး တီႈၼႃႈလိၼ်သိုၵ်းမၢႆ 7 ဢိူင်ႇ ၻွၼ်းၵႅဝ်ႈ ၸႄႈဝဵင်းမႄႈရိမ်ႊ ၸႄႈတွၼ်ႈၵဵင်းမႆႇ ၸိုင်ႈထႆး ။ မီးပီႈၼွင်ႉတၵ်ႉၵႃႇသတ်ႉထႃးတႆး၊ ထႆး၊ မၢၼ်ႈလႄႈ လၢႆလၢႆၸၢဝ်းၶိူဝ်း ဢၼ်ယူႇသဝ်း ၼႂ်းဝဵင်းၵဵင်းမႆႇလႄႈ ႁိမ်းႁွမ်းၶဝ်ႈႁူမ်ႈၼပ်ႉႁူဝ်မိုၼ်ႇ။
ၸဝ်ႈပေႃႈသိလ်ထမ်းဝုၼ်းၸုမ့်ၼႆႉ ဝၢႆးသေႁူပ်ႉထူပ်းတၵ်ႉၵႃႇသတ်ႉထႃးၼႂ်းမိူင်းၵွၵ်ႇယဝ့် တေသိုပ်ႇၵႂႃႇႁူပ်ႉ ၶုၼ်ႁေႃၶမ်းၸိၵ်ႉမိ မိူင်းပူႊတၼ်ႊ ဝၢႆးသၢင်းၵျၢၼ်ႇၸင်ႇပွၵ်ႈမႃးမိူင်းတႆးသေ တိုဝ်းၵမ်ၽႃဝၼႃတႃႇၶၢဝ်းတၢင်း 3 ပီ3 လိူၼ် 3 ဝၼ်း တီႈထမ်ႈမိူင်းၵႅတ်ႇ ဢိူင်ႇမိူင်းၵႅတ်ႇ ၸႄႈဝဵင်းမိူင်းတူၼ် ၸႄႈတွၼ်ႈမိူင်းသၢတ်ႇ ၸိုင်ႈတႆး ပွတ်းဢွၵ်ႇ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ