ၸဝ်ႈပေႃႈသိလ်ထမ်းဝုၼ်းၸုမ့် တေယေႃးတူဝ်မႃးမဵတ့်တႃတြႃးတီႈ ဝဵင်းမႄႈရိမ်း ၸႄႈတွၼ်ႈၵဵင်းမႆႇ ၼႂ်းၵၢင်လိူၼ်ၼႆ့။

ဝၼ်းတီႈ 16/01/2019 ၶၢဝ်းယၢမ်းၵၢင်ၼႂ် 10:00 – 12:00 မူင်း ၸဝ်ႈပေႃႈသိလ်ထမ်းဝုၼ်းၸုမ့် လႄႈလုၵ်ႈၼွင့် ပွင်ႈပၢႆ တေယေႃးတူဝ်မဵတ့်တႃႇတြႃးတီႈ ၼႃႈလိၼ်သိုၵ်းမၢႆ 7 (กองพลทหารราบที่ 7 ) ဢိူင်ႇၻွၼ်ႊၵႅဝ်ႊ ၸႄႈဝဵင်းမႄႈရိမ်ႊ ၸႄႈတွၼ်ႈၵဵင်းမႆႇ ၸိုင်ႈထႆး။

ၸဝ်ႈၺႃႇၼသီရိ (ၸဝ်ႈသီရိဢွၼ်ႇ) လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ – “ ဝၢႆးဝၼ်းၵိူတ်ႇမၼ်းၸဝ်ႈယဝ့် ၸဝ်ႈလႆႈၶဝ်ႈၵႂႃႇတၢင်းလႅၼ်လိၼ်တႆး – ထႆး လၢႆလၢႆတီႈလႄႈ တေမဵတ့်တႃႇတြႃးတီႈဝဵင်းၵဵင်းမႆႇဝၢႆးၼၼ့် ၸဝ်ႈတေသိုပ်ႇယေႃးတူဝ်ၵႂႃႇတၢင်းမိူင်းၵွၵ်ႇ ၊ မိူင်းပူႊတၢၼ်ႊယဝ့် ၸင်ႇပွၵ်ႈမႃးမိူင်းတႆးၶိုၼ်းသေ တေၵျၢင့်ၵမ်တီႈထမ်ႈမိူင်းၵႅတ်ႇ ဢိူင်ႇမိူင်းၵႅတ်ႇ ၸႄႈဝဵင်းမိူင်းသၢတ်ႇ ၸိုင်ႈတႆးပွတ်းဢွၵ်ႇၶူင်း တႃႇၶၢဝ်းတၢင်း 3 ပီ3 လိူၼ် 3 ဝၼ်း။ ၸဝ်ႈဢၼ်တိုဝ်းၵမ်လီမိူၼ်ၼင်ႇမၼ်းၸဝ်ႈၼႆ့ မီးဢမ်ႇလၢႆၸဝ်ႈ ၵွပ်ႈၼၼ်လႄႈ ႁဝ်းမီးသႅင်လီ ယူႇၼႂ်းၶိူဝ်းႁဝ်းယဝ့် ႁႂ်ႈဢွၼ်ၵၼ်ႁၼ်ထိုင်သေဝႆ့ၵႃႈၶၼ် ” ဝႃႈၼႆ။

ဝၼ်းတီႈ 15/01/2019 ၼႆ့ပီႈၼွင့်တၵ့်ၵႃႇသတ့်ထႃးတင်းထႆးလႄႈတႆး ၼႂ်းဝဵင်းၵဵင်းမႆႇလႄႈႁိမ်းႁွမ်း ဢွၼ်ၵၼ် ႁၢင်ႈႁႅၼ်းၸတ်းပိုၼ့်တီႈ မၢင်ၸိူဝ်းႁၢင်ႈႁႅၼ်းတၢင်းၵိၼ်တၢင်းယႅမ့်တႃႇတေၸႃႇၵ လဵင့်လူပီႈၼွင့်ၸိူဝ်းမႃးထွမ်ႇတြႃးၸဝ်ႈ ။

ၸဝ်ႈသိလ်ထမ်းဝုၼ်းၸုမ်ႉၼႆႉ ၵိူတ်ႇမိူဝ်ႈဝၼ်းတီႈ 5 လိူၼ်ၵျႅၼ်ႊၼိဝ်ႊရီႊ 1965 တီႈဝၢၼ်ႈမႄႈၶမ်း ၼွင်ဝူဝ်း (ၼွင်မူဝ်) ဢိူင်ႇမႄႈၶမ်း၊ ၸႄႈဝဵင်းမႄႈၸၼ်း၊ ၸႄႈတွၼ်ႈၵဵင်းႁၢႆး မိူင်းထႆးပွတ်းႁွင်ႇ။ ၸိုဝ်ႈပေႃႈႁွင်ႉဝႃႈ ၸၢႆးၶမ်းလႃႈ၊ ၸိုဝ်ႈမႄႈႁွင်ႉဝႃႈ ၼၢင်းသႅင်လႃႈ။ မီးပီႈၼွင်ႉႁူမ်ႈတွင်ႉၵၼ် 4 ၵေႃႉ၊ ၸဝ်ႈပဵၼ်ၵေႃႉငဝ်ႈပိူၼ်ႈ။ ၸၼ်ႉလိၵ်ႈသမ်ႉ လႆႈၶိုၼ်ႈႁူင်းႁဵၼ်းထႆး ထိုင်ၸၼ်ႉသီႇ။ မိူဝ်ႈဢႃယု 11 ပီ ၸဝ်ႈလႆႈၶိုၼ်ႈပဵၼ်ၸဝ်ႈသၢင်ႇ တီႈဝတ်ႉမႄႈၶမ်း ၼွင်ဝူဝ်း။ ၶဝ်ႈႁဵၼ်းၼၵ်ႉထမ်းသွပ်ႇလႆႈၸၼ်ႉ ၼၵ်ႉထမ်းတြီးမိူင်းထႆး (ၸၼ်ႉပထမငႄႇ – မိူင်းမၢၼ်ႈ)။ ထိုင်မႃး ဢႃယု 12 ပီ တၵ်ႉၵႃႇသတ်ႉထႃး ဢိူင်ႇမိူင်းၽူင်း ၵႂႃႇမွၵ်ႇယေႃးမုၼ်ႁပ်ႉဢဝ်ၸဝ်ႈမႃးပူၵ်းပွင်သႃသၼႃ တီႈဝတ်ႉၽရႃႉထၢတ်ႈသီႊ တွၼ်ႊရိူင်း (သီရိတွၼ်းႁိူင်း) ၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း တေႃႇထိုင်ဝၼ်းမိူဝ်ႈၼႆႉ။