ၼႃႇယၵလူင် ပႃႇတီႇၼူၵ်းယုင်း NLD ဢူးတိၼ်ႇဢူး ဢႃယု 98 ပီ ပၢႆးယူႇလီဢမ်ႇၶႅမ်ႉ ၶဝ်ႈယူတ်းယႃတူဝ်တီႈႁူင်းယႃလူင်ဝဵင်းတႃႈၵုင်ႈမိူဝ်ႈဝႃးသေ ထိုင်မႃးၼႂ်ၼႆႉ ဝၼ်းတီႈ 1/6/2024 ယၢမ်းၵၢင်ၼႂ် 8 မူင်းပၢႆ လူႉသဵင်ႈသုတ်းမုၼ်ၵႂႃႇတီႈႁူင်းယႃ။ လုၵ်ႈၸၢႆးမၼ်းဢူးတၢၼ်ႉၸိၼ်ႇလၢတ်ႈတီႈသိုဝ်ႇၶၢဝ်ႇမၢၼ်ႈဝႃႈတေၵဵပ်းၶၢပ်ႈတူဝ်ဝႆႉ 5 ဝၼ်း ၊ ဝၼ်းပုတ်ႉတေၽဝ်ဝႃႈၼႆ။ ဢူးတိၼ်ႇဢူးၼႆႉ ၵိူတ်ႇမိူဝ်ႈပီ 1927 ၼီႈလိူၼ်မၢတ်ႉၶျ်...

ၶၢဝ်းႁူဝ်ၾူၼ်ပီၼႆႉ ၶႄႇလူင်းမႃးသိုဝ်ႉပိင် မိူင်းမၢၼ်ႈ - မိူင်းတႆးၼမ် ၶၼ်ပိင်တူဝ်တူင်ႉ ၼိုင်ႈၸွႆႉ လႆႈၶၢႆယူႇ 95,000 ပျႃး လုၵ်ႈဢွၼ်ႇတၢင်းၵုၼ်ပၢၵ်ႇၼမ်ႉ တိူင်းၼမ်ႉၵဵဝ် ဢွၼ်ၵၼ်ႁႃပိင်ၶၢႆ။ တၢင်းထုင်ႉတိူင်းဢေႊရႃႊဝတီႊ (ၼမ်ႉၵဵဝ်)ၼၼ်ႉ ၶဝ်တႄႇႁႃပိင်ၶၢႆ တႄႇလိူၼ်မေႊၼႆႉၵႂႃႇ တင်းပီ တေႃႇထိုင်ႁူဝ်ပီ ပီတေမႃး မွၵ်ႈလိူၼ်ၾႅပ်ႊပိဝ်ႊရီႊ 2025 ဝႃႈၼႆ။ ၸိူဝ်းၶဝ်လူင်းၼႂ်းမႄႈၼမ်ႉ ၵေးၼမ်ႉ ၼွင်ၶၢႆး...

ႁူင်းႁဵၼ်း ပရႁိတ တုမ်ႇမူဝ်ၼႃးလိၼ်း ဝဵင်းမိူင်းၼၢႆး လူဝ်ႇတၢင်းၸွႆႈထႅမ် လွင်ႈငိုၼ်းတွင်းလႄႈ ၶိူင်ႈၵမ်ႉ ၵႅမ် ၼႂ်းႁူင်းႁဵၼ်းထႅင်ႈ တင်းၼမ်။ ယၢမ်းလဵဝ် ႁူင်းႁဵၼ်း ပရႁိတ တုမ်ႇမူဝ်ၼႃးလိၼ်း ဝဵင်းမိူင်းၼၢႆး ၸႄႈတွၼ်ႈလၢင်းၶိူဝ်း ၸိုင်ႈတႆးပွတ်း ၸၢၼ်းၼႆႉ တင်းမူတ်းမီး လုၵ်ႈႁဵၼ်း 237 ၵေႃႉ ယၢပ်ႇၽိုတ်ႇလိူဝ်ႁႅင်းဝႆႉ မိူၼ်ၼင်ႇ မေႃသွၼ်ပႆႇၵုမ်ႇထူၼ်ႈ၊...

SSPP ဢွၵ်ႇလိၵ်ႈပိုၼ်ၽၢဝ်ႇဝႃႈ   လွၵ်းလၢႆးသိုၵ်း  TNLA  ႁဵတ်းသၢင်ႈလႄႈလၢတ်ႈၸႃတီႈသိုဝ်ႇၶၢဝ်ႇၸိူဝ်းၼၼ်ႉ ဢမ်ႇၼပ်ႉယမ် ဢူၺ်းလီ ၊ ၼႄၾၢင်ႁၢင်ႈ ဢမ်ႇမီးၵၢင်ၸႂ်ၶႂ်ႈယူႇႁူမ်ႈၵၼ်ၵတ်းၵတ်းယဵၼ်ယဵၼ် ပဵၼ်လၢႆးပိုတ်ႇႁွင်ႉပၢင်တိုၵ်း ဝႃႈၼႆ။ ၶေႃႈပိုၼ်ၽၢဝ်ႇၼႆႉ SSPP တႅမ်ႈတၢင်ႇပိုၼ်ၽၢဝ်ႇပဵၼ်တၢင်းၵၢၼ်တီႈၼႃႈ SSPP Info ႁွင်ႈၵၢၼ်ၾၢႆႇပိုၼ်ၽၢဝ်ႇၶဝ် မိူဝ်ႈဝၼ်းတီႈ 31/05/2024 မွၵ်ႈယၢမ်းဝၢႆးဝၼ်း 4 မူင်း။ ပိူင်လူင်ပႃးဝႆႉဝႃႈ - “လႆႈႁူႉတႅၵ်ႇလႅင်းဝႃႈ...

ၾူၼ်တူၵ်းႁႅင်းလိၼ်ၵူၼ်ႇ တီႈၸႄႈဝဵင်းလႁႄႇ ၼႃႈလိၼ်ၽွင်းငမ်းတူဝ်ၵဝ်ႇၼႃႇၵ တိူင်းၸႄႈၵႅင်းၼၼ်ႉ လုၵ်ႈ ဢွၼ်ႇတၢႆ 3 ၵေႃႉ ၵူၼ်းလူင်တၢႆ ၵေႃႉၼိုင်ႈ။ ဝၼ်းတီႈ 28/05/2024 ပူၼ်ႉမႃးၼႆႉ ၵူၼ်းမိူင်း ၼႂ်းတိူင်းၸႄႈၵႅင်း ၸိူဝ်းၶဝ်ပေႃႈလုၵ်ႈၵၼ် လုၵ်ႉတီႈႁႆႈသေပွၵ်ႈမႃး ၶိုၼ်း မႃးၺႃးၼမ်ႉလွႆၼွင်း လိၼ်ၵူၼ်ႇတဵင်ၺႃးသေ လူႉတၢႆ ဝႃႈၼႆ။ ၵေႃႉပဵၼ်ပေႃႈ ဢႃယု 50 ပီ။...

တႃႇပီၵၢၼ်ႁဵၼ်း 2024 - 2025 ၼႆႉ မၢင်ၸႄႈဝဵင်း တႄႇႁပ်ႉၾၢၵ်ႇလုၵ်ႈႁဵၼ်းယူႇယဝ်ႉသေတႃႉ မၢင် ၸႄႈဝဵင်းတႄႉ ယွၼ်ႉပၢင်တိုၵ်းသိုၵ်းသိူဝ်သေ ပႆႇၸၢင်ႈပိုတ်ႇႁူင်းႁဵၼ်း မိူၼ်ၼင်ႇ တီႈဝၢၼ်ႈဢီႇၼၢႆး ၸႄႈဝဵင်းလႃႈသဵဝ်ႈၼႆႉ ၸုမ်းယိပ်းၵွင်ႈၵၢင်ႇ တူင်ႉၼိုင်ဝႆႉၼမ်၊ ပေႃႈမႄႈလုၵ်ႈဢွၼ်ႇ ဢမ်ႇႁတ်းဢဝ် လုၵ်ႈလၢင်း ၵႂႃႇလူင်းသဵၼ်ႈမၢႆ တႃႇႁဵၼ်းလိၵ်ႈလၢႆးတီႈႁူင်းႁဵၼ်း။ ၵမ်ႈၼမ်တႄႉ ဢွၼ်ၵၼ် ယွၼ်းဝႂ် ႁပ်ႉႁွင်းတီႈၽူႈၵွၼ်းႁူင်းႁဵၼ်းဢီႇၼၢႆးသေ...

တီႈဝဵင်းၸေးတီးသၢမ်ဢူင်း (ဢၼ်မၢၼ်ႈႁွင်ႉဝႃႈ ၽြႃးတူင်းသူႇ) ၸႄႈဝဵင်းမျႃႉဝတီႇ မိူင်းယၢင်းၽိူၵ်ႇ ၼၼ်ႉ ႁူင်းတေႃႇလွင်းၵႃႊသီႊၼူဝ်ႊ ဢၼ်ပေႃႈလဵင်ႉၶႄႇၶဝ် မႃးတင်ႈဝႆႉသေ ႁဵတ်းၵၢၼ်လွၵ်ႇ ငိုတ်ႈလႅၼ်ၵိၼ်ငိုၼ်း တၢင်းဢွၼ်ႊလၢႆႊ လိူင်ႇၼမ်ၵိုၼ်းၶွၼ်ႈမႃး မီးထိုင် 4 - 5 ႁူင်းယဝ်ႉ ဝႃႈၼႆ။ ႁူင်းတေႃႇလွင်းလႄႈ လွၵ်ႇလႅၼ်ၵိၼ်ငိုၼ်းတၢင်းဢွၼ်ႊလၢႆႊၼႆႉ မီးၼႂ်းပွၵ်ႉ 2 ပွၵ်ႉၼိုင်ႈ ၸွမ်းလႅၼ်လိၼ်...

တီႈဝဵင်းတီးတိမ်ႇ မိူင်းၶျၢင်းၼၼ်ႉ ဝၢႆးလင် ပၢင်တိုၵ်းတင်း သိုၵ်းၶျၢင်းယဝ်ႉ သိုၵ်းမၢၼ်ႈ ၽဝ်ႁိူၼ်း ယေး ၵူၼ်းဝၢၼ်ႈ ပဵၼ်ၽဝ်ႇၵႂႃႇ မွၵ်ႈ 30 လင်။ ဝၼ်းတီႈ 27 လိူၼ်မေႊၼႆႉ သိုၵ်းမၢၼ်ႈ ၶဝ်ႈၽဝ်ႁိူၼ်း ၼႂ်းပွၵ်ႉမဵဝ်ႉမ ဝဵင်းတီးတိမ်ႇ ယၢမ်းဝၢႆးဝၼ်း 4 မူင်းၵမ်းၼိုင်ႈလႄႈ ႁူဝ်ၶမ်ႈ 6 မူင်းထႅင်ႈ...

တီႈမိူင်းယၢင်းလႅင် ဝဵင်းလွႆၶေႃၼၼ်ႉ ပလိၵ်ႈမၢၼ်ႈ လူတ်းယွမ်း လွင်ႈၵိၼ်ယႅမ်ႉ ဢၼ်ၸႅၵ်ႇပၼ် ၵူၼ်းတူၵ်းၶွၵ်ႈလႄႈ ႁဵတ်းႁႂ်ႈၵူၼ်းတူၵ်းၶွၵ်ႈ ဢမ်ႇလႆႈဢႁႃႇရတဵမ် ဢွၼ်ၵၼ် ၸပ်းတၢင်းပဵၼ် ဢမ်ႇယွမ်း 20 ၵေႃႉယဝ်ႉ ဝႃႈၼႆ။ တီႈၶွၵ်ႈလူင် ဝဵင်းလွႆၶေႃၼႆႉ ႁၢမ်ႈပီႈၼွင်ႉမႃး သူႇၸႂ်းၵူၼ်းတူၵ်းၶွၵ်ႈ ၸဵမ်မိူဝ်ႈပီၵၢႆမွၵ်ႈ လိူၼ်ဢေႃႊၵတ်ႊသ် ဝၢႆးၼၼ်ႉ ၾၢႆႇတၢင်းပလိၵ်ႈၵုမ်းၶွၵ်ႈ လူတ်းတၢင်းၵိၼ် တၢင်းယႅမ်ႉ...

ၸုမ်းငိုၼ်းၵွင်ၵၢင်လုမ်ႈၾႃႉ IMF ပိုၼ်ၽၢဝ်ႇဝႆႉဝႃႈ -ၼႂ်း ASEAN ၼႆႉ မိူင်းမၢၼ်ႈ၊ မိူင်းလၢဝ်းလႄႈ မိူင်းတီႇမေႃးဝၼ်းဢွၵ်ႇၼႆႉ ၵူၼ်းမိူင်းလႆႈၵႃႈႁႅင်းဢႄႇလိူဝ်ပိူၼ်ႈသုတ်း ဝႃႈၼႆ။ ပေႃးၼပ်ႉတူၺ်း ၼႂ်းႁူဝ်ပီ 2024 ၼႆႉၵူၺ်း တေႃႇထိုင်လိူၼ်ဢေႊပရိူဝ်ႊသဵင်ႈ ၶၢဝ်းတၢင်း 4 လိူၼ်ၼႆႉ ၵူၼ်းမိူင်းမၢၼ်ႈၸိူဝ်းႁႃၸဝ်ႉၵိၼ်ၶမ်ႈ ပေႃးၽတ်ႉၽဵင်ႇၸိုင် ငိုၼ်းၶဝ်ႈၶဝ် ၼိုင်ႈ ၵေႃႉ မီး...

ၶၢဝ်းတၢင်းသိုၵ်းမၢၼ်ႈ ယိုတ်းမိူင်းမႃး 3 ပီပၢႆၼႆႉ ၶဝ်ၵႆႉၵႆႉ တူၵ်ႇတၵ်ႉတႃႇၸတ်းပၢင်လိူၵ်ႈတင်ႈလၢႆၵမ်း သေတႃႉ တေႃႇထိုင်မိူဝ်ႈလဵဝ် ပႆႇၽေႃႇၼမ်ႉၼႄတူဝ်လႆႈ။ ၼႂ်းလိူၼ်မေႊၼႆႉၵေႃႈ ၵေႃႊမသျိၼ်ႊ ပၢင် လိူၵ်ႈတင်ႈ တႂ်ႈသိုၵ်းမၢၼ်ႈ ယိုတ်းမိူင်း ၶိုၼ်းမႄးထတ်းထွင် ၸုမ်းပႃႇတီႇၵၢၼ်မိူင်းသေ လိူၵ်ႈၽူႈၼမ်း ၵေႃႇမတီႇဢုပ်ႇၵုမ် လွင်ႈငမ်းယဵၼ် UPDJC ထႅင်ႈ 4 ၸုမ်း။...

ပႃႇတီႇၵၢၼ်မိူင်း 25 ဢၼ် ဢၼ်တၢင်ႇမၢႆၾၢင်ဝႆႉဝႃႈ တေၶဝ်ႈပၢင်လိူၵ်ႈတင်ႈ ဢၼ်သိုၵ်းမၢၼ်ႈ ဢွၼ်ၼမ်းၸတ်းႁဵတ်းၼၼ်ႉ ပိုၼ်ၽၢဝ်ႇ မိူဝ်ႈဝၼ်းတီႈ 28 လိူၼ်မေႊဝႃႈ - တိုၵ်းသူၼ်းလုမ်ႈၾႃႉ ဢၼ် ႁၢမ်ႈႁႅတ်ႉပၢႆးမၢၵ်ႈမီးတေႃႇၸုမ်းသိုၵ်းမၢၼ်ႈဝႆႉၼၼ်ႉ ႁႂ်ႈပိုတ်ႇပၼ်ၶိုၼ်းဝႆးဝႆး ဝႃႈၼႆ။ ယိူင်းဢၢၼ်း ဢိုတ်းႁႅတ်ႉပၢႆးမၢၵ်ႈမီးတေႃႇ သိုၵ်းမၢၼ်ႈၼႆသေတႃႉ ဢၼ်လႆႈႁပ်ႉမိုဝ်းထူပ်းပၼ်ႁႃ ယၢပ်ႇၽိုတ်ႇၵိၼ်း ၸႂ်သမ်ႉ ပဵၼ်ၵူၼ်းမိူင်းလႄႈ ယိင်ႈဢိုတ်းႁႅတ်ႉပၢႆးမၢၵ်ႈမီးသိုၵ်းမၢၼ်ႈ...

ၼႂ်းပီ 2023 ပူၼ်ႉမႃး ၼႂ်းၸဵင်ႇၸၢၼ်းဝၼ်းဢွၵ်ႇၵုၼ်ၶဵဝ်ဢေႊသျႃႊ ၶိုၼ်းတီႉလႆႈယႃႈမဝ်းၵမ် ၼမ်ၶိုၼ်ႈမႃးၶိုၼ်းလိူဝ်တၢင်ႇပီ တီႉလႆႈထိုင် 190 တၼ်ႊၼႆ UNODC ပိုၼ်ၽၢဝ်ႇဝႆႉၼင်ႇၼႆ။ ဢၼ်တီႉလႆႈၼႆႉ ပဵၼ်ၼႂ်းမိူင်းမၢၼ်ႈၵမ်ႈၼမ်သေ ၼႂ်းၼၼ်ႉသမ်ႉ တီႉလႆႈၼႂ်းမိူင်းတႆးၼမ်သုတ်း ၵမ်ႈၼမ်ပဵၼ်ယႃႈမဝ်းၵမ် ဢၼ်ၸႂ်ႉထၢတ်ႈၶႄႊမီႊၶိူဝ်ႊသေ ၶိုၼ်းႁဵတ်းဢွၵ်ႇဝႆႉၼၼ်ႉၼႆ UNODC ဢွၵ်ႇၶေႃႈပိုၼ်ၽၢဝ်ႇ ၼႂ်းဝၼ်းတီႈ 29 လိူၼ်မေႊၼႆႉ ၼင်ႇၼႆ။ ၼႂ်းလိၵ်ႈၼၼ်ႉ တႅမ်ႈဝႆႉဝႃႈ...

လူမ်းလႅင်ႉသၢႆႊၶလူၼ်ႊ Remal ၽတ်ႉပဝ်ႇၼႂ်းၸႄႈမိူင်းမီႊၸူဝ်ႊရမ်ႊ ၸိုင်ႈမိူင်းၵြႃး ဢိၼ်ႊ တီႊယႃႊ ၵူၼ်းမိူင်းပိုၼ်ႉတီႈ တၢႆ 30 ပၢႆ။ ဝၢႆးလူမ်းလႅင်ႉၽတ်ႉပဝ်ႇယဝ်ႉ ၼႂ်းဝၼ်းတီႈ 27 လႄႈ 28 လိူၼ်မေႊၼႆႉၵေႃႈ ၾူၼ်သိုပ်ႇတူၵ်း ထႅင်ႈဢမ်ႇထၢတ်ႇ ႁိူၼ်းယေးၵူၼ်းမိူင်းၵူၼ်ႇပင်းတဵင်ၵူၼ်းတၢႆ ဢမ်ႇယွမ်း 30 ၵေႃႉ ၶၢဝ်ႇ The Heindu...

ၼုမ်ႇၸၢႆး ဢႃယု 30 ပၢႆ ၵေႃႉၼိုင်ႈ ယဵပ်ႇၺႃးမၢၵ်ႇမႅင်းၾင်လိၼ် တႅၵ်ႇသႂ်ႇ လႆႈတိူဝ်ႉမၢတ်ႇၸဵပ်းႁႅင်း ထိုင်တီႈလႆႈႁၢမ်သူင်ႇႁူင်းယႃ။ ဝၼ်းတီႈ 28/05/2024 ယၢမ်းၵၢင်ၼႂ် ၼုမ်ႇၸၢႆး ဢႃယု 30 ပၢႆ ၵေႃႉၼိုင်ႈ ၵႂႃႇႁႃၽိုၼ်းသေ ယဵပ်ႇၺႃးမၢၵ်ႇ မႅင်းၾင်လိၼ် တီႈႁိမ်းဝၢၼ်ႈဝဵင်းၼၢင်း ဝဵင်းမူႇၸေႊ ၸိုင်ႈတႆးပွတ်းႁွင်ႇ လႅၼ်လိၼ်တႆး -...