ၵူႈလွင်ႈလွင်ႈ

ၽူႈၼမ်းမုၵ်ႉမူႇၾုင်ၸုမ်း 5 ၵေႃႉ  ၼႂ်းမိူင်းတႆး  လႆႈႁပ့်သူးဢၼ်သိုၵ်းမၢၼ်ႈယိုတ်းမိူင်း ယိုတ်ႈမွပ်ႈပၼ် ႁႂ်ႈပဵၼ်တီႈမၢႆတွင်းဝၼ်းလွတ်ႈလႅဝ်းမိူင်းႁူမ်ႈတုမ် 75 ပီ။ မိူဝ်ႈဝၼ်းတီႈ 2/1/2023 ၼၼ့်  ၽူႈၼမ်းမုၵ်ႉၸုမ်း ၼႂ်းမိူင်းတႆး 5 ၵေႃ့ လႆႈႁပ့်သူး   သီရိပျံချီ ၊ ဝဏ္ဏကျော်ထင်ဘွဲ့   ဢၼ်သိုၵ်းမၢၼ်ႈမွပ်ႈပၼ်ႁႂ်ႈပဵၼ်တီႈမၢႆတွင်းဝၼ်းလွတ်ႈလႅဝ်းမိူင်းႁူမ်ႈတုမ် 75 ပီ။ ႁူဝ်ပဝ်ႈပႃႇတီႇသိူဝ်ၽိူၵ်ႇ လုင်းၸၢႆးဢၢႆႈပဝ်း လၢတ်ႈတီႈၽူႈတွႆႇႁွၵ်ႈဝႃႈ-...

ၽူႈၸၢႆးၵေႃႉၼိုင်ႈ ဢႃႇယုမွၵ်ႈ 40 ဢၼ်ၶဝ်ႈဝၢၼ်ႈဢွၵ်ႇဝၢၼ်ႈဢႅဝ်ႇႁႃသိုဝ်ႉၶူဝ်းၵဝ်ႇ တၢင်းဝၢၼ်ႈၼႃးၸွၵ်ႇ ၸႄႈဝဵင်းလႃႈသဵဝ်ႈ ၼၼ်ႉ ၺႃးၶႃႈႁႅမ်တၢႆ ။ မိူဝ်ႈဝၼ်းထီႉ 01/01/2023 ၶၢဝ်းယၢမ်း ဝၢႆးဝၼ်း 14:50 ၼၼ်ႉ ၵူၼ်းဝၢၼ်ႈ ၵႂႃႇထူပ်းႁၼ်တူဝ်တၢႆ ၽူႈ ၸၢႆးၵေႃႉၼိုင်ႈ (ၵူၼ်းပႅၵ်ႇၼႃႈ ပႅၵ်ႇတႃ) ဢမ်ႇႁူႉၸိုဝ်ႈ ဢမ်ႇႁူႉတီႈယူႇ  ၺႃးယိုဝ်းတၢႆ တီႈႁိမ်းသူၼ်ယၢင်...

လုၵ်ႈလၢင်းမေးၼၢင်းလႄႈ ပီႈၼွင်ႈၵူၼ်းမိူင်းပဵင်းလူင် ဝဵင်းႁႅင် ၸႄႈတွၼ်ႈၵဵင်းမႆႇ ၸိုင်ႈထႆးတေႁူမ်ႈ ၵၼ်သၢင်ႈ ၶုမ်ၵုတ်း ၸဝ်ႈၼွႆႉသေႃးယၼ်ႇတ (ၸဝ်ႈပေႃႈလူင်ၼႂ်းၵၢၼ်လုၵ်ႉၽိုၼ်ႉၼႂ်းၸိုင်ႈတႆး)  တေၵေႃႇသၢင်ႈပဵၼ်ႁၢင်ႈၵွင်းမူးသေ ဢဝ်ၽဝ်တဝ်ႈလုပ်ႇ မၼ်းၸဝ်ႈ ၵႂႃႇ ၾင် ထႃႇပၼဝႆႉ တႃႇႁႂ်ႈပဵၼ်တီႈမၢႆတွင်း ၵိုၵ်းပိုၼ်း ၽူႈႁၵ်ႉၸၢတ်ႈ  ၼင်ႇႁိုဝ် ၵူၼ်းမိူင်း တႆး ၵူႈတီႈ ပေႃးတေၵႂႃႇဢႅဝ်ႈယဵမ်ႉ တၵ်ႉယမ်ၵၼ်...

လုၵ်ႈဢွၼ်ႇလႄႈၵူၼ်းထဝ်ႈ  ၼႂ်းၸႄႈဝဵင်းတၢင်ႉယၢၼ်း  ၸပ်းတၢင်းပဵၼ် တႃၸဵပ်းတႃယဵၼ်း    ၊  သမ်ႉယူႇတၢင်းဝၢၼ်ႈ ၵႆဝဵင်းလႄႈ လူဝ်ႇတၢင်းၸွႆႈထႅမ်ၵႃႈယူတ်းယႃ ။ ဢိင်ၼိူဝ်ၵူၼ်းတၢင်းဝၢၼ်ႈ ဢမ်ႇမီးပိုၼ်ႉႁူႉၵဵဝ်ႇၵပ်းပၢႆးယူႇလီ၊ ဢိင်ၼိူဝ်ငဝ်းလၢႆး ၵၢၼ်မိူင်း ၵၢၼ်မၢၵ်ႈမီးဢမ်ႇလီသေ ၵူၼ်းၸိူဝ်းပဵၼ်တၢင်းပဵၼ်တႃ ၸိူဝ်းၼႆႉ ဢမ်ႇႁူႉလၢႆးႁႄႉၵင်ႈယူတ်းယႃ၊ ဢမ်ႇမီးတိုဝ်ႉတၢင်းၵႂႃႇယူတ်းယႃတႃလႄႈထိုင်တီႈလႆႈမီးၵူၼ်းတႃၽၢင်းမႃး ၼမ် ။ ၼႂ်းပီယဝ်ႉမႃးၼႆႉ ၵူၼ်းဝၢၼ်ႈဢၼ်လူဝ်ႇတၢင်းၸွႆႈၵႃႈယူတ်းယႃတႃၼႆႉ မီးပဵၼ် 5 ၵေႃႉ။  လူၺ်းဢေးလူႇ...

သူးရၢင်းဝလ်း (ဝဏ္ဏကျော်ထင်ဘွဲ့) ဢၼ်သိုၵ်းမၢၼ်ႈယိုၼ်ႈမွပ်ႈပၼ် ႁူဝ်ပဝ်ႈၶွင်ႇသီႇဢဝ်ၶိုၼ်းၸိုင်ႈတႆး RCSS/SSA ၼၼ့် တၢမ်တူဝ်ၸဝ်ႈယွတ်ႈသိုၵ်းတေဢမ်ႇၵႂႃႇႁပ်ႉၵမ်းသိုဝ်ႈ၊ တေသူင်ႇတူဝ်တႅၼ်းၵႂႃႇၵူၺ်းဝႃႈၼႆ။ ပေႃးထိုင်မႃးဝၼ်းတီႈ 4/1/2023 ဝၼ်းလွတ်ႈလႅဝ်းၸိုင်ႈမိူင်းႁူမ်ႈတုမ်မျၢၼ်ႇမႃႇၼၼ့် ၾၢႆႇသိုၵ်းမၢၼ်ႈ တေမွပ်ႈသူးဢၼ်ၶဝ်ပိုၼ်ၽၢဝ်ႇပၼ်ၸဝ်ႈပၢႆးမွၼ်းလႄႈ ၽူႈၸိုဝ်ႈသဵင်လိုဝ်းလင်တၢင်းၵၢၼ်မိူင်းၵၢၼ်သိုၵ်း တႃႇ 128 ၵေႃႉမိူဝ်ႈလိူၼ်ထူၼ်ႈ 4 ပီ 2022 ပူၼ်ႉမႃး။ ၵွပ်ႈၼႆလႄႈ ၽိတ်ႈမွၵ်ႇၸူးထိုင်ၽူႈထုၵ်ႇပိုၼ်ၽၢဝ်ႇၸိုဝ်ႈ ဢၼ်လႆႈႁပ်ႉသူးၸိူဝ်းၼၼ်ႉ ႁႂ်ႈလႆႈယုၵ်ႉတူဝ်ယေႃးၶိင်း...

ပွႆးၵႂၢႆးတေႃး ပီၼႆႉ တီႈၸႄႈဝဵင်းမိူင်းယၢင်း ၸတ်းယႂ်ႇ မီးပီႈၼွင်ႉတီႈၸမ်/ ၵႆၶဝ်ႈႁူမ်ႈ ၵိုၼ်းၶွၼ်ႈ မီးၵႂၢႆးၶဝ်ႈတေႃး ၶဵင်ႇၵၼ် ဢမ်ႇယွမ်း 20 တူဝ်။ ပူၼ်ႉမႃး မိူဝ်ႈဝၼ်းတီႈ 29/12/2022 ၼၼ်ႉ ယူႇတီႈပီႈၼွင်ႉမိူင်းလူၺ် ႁူမ်ႈၵၼ် ၸတ်းႁဵတ်း ပွႆးၵႂၢႆးတေႃး တီႈၼႂ်းဢိူင်ႇမိူင်း လူၺ် ၸႄႈဝဵင်းမိူင်းယၢင်း ၸႄႈတွၼ်ႈၵဵင်းတုင် ၸိုင်ႈတႆးပွတ်းဢွၵ်ႇၶူင်း...

တႄႇဢဝ်ပီ 2021-2022 မႃးၼႆ့ တီႈဝဵင်းၵဵင်းတုင် ၾၢႆႇၾႆးၾႃ့လႄႈ ၶွမ်ႊပၼီႊ ဢိၼ်ႊတၼႅတ်ႉ ဝၢႆႊၾၢႆႊ  ၽႅၼ်သၢႆဝၢႆႊယႃႊ သၢႆၶေႊပႄႊလ်(cable)ၸွမ်းလၵ်းၾႆး ၸွမ်းသဵၼ်ႈတႃႈသၢႆတၢင်းၵၢင်ဝဵင်း၊ ၽႅၼ်ဝႆႉတႅမ်ႇၼႃႇလႄႈ ရူတ်ႉၵႃး ရူတ်ႉၶိူင်ႈၵႂႃႇမႃးယၢပ်ႇ ၸၢင်ႈပဵၼ်ၽေးတေႃႇၵူၼ်းမိူင်း၊ ပေႃးပဵၼ်ရူတ်ႉယႂ်ႇယိင်ႈၶႅၼ်းဢမ်ႇၸၢင်ႈၵႂႃႇမႃးၶဝ်ႈဢွၵ်ႇၸွမ်းၵိဝ်ႇၸွမ်းပွၵ်ႉ  ။ ၵူၼ်း ၵဵင်းတုင်ၵေႃ့ၼိုင်ႈလၢတ်ႈတီႈ ၽူႈတွႆႇႁွၵ်ႈဝႃႈ-“ ၸႂ်ႈဢေႃႈ သဝ်ၾႆးၾႃ့ၵေႃႈ ပေႃးတႅမ်ႇဝႆ့ ယူႇယဝ့်ၼႃႇၼေႃႈ။ သၢႆဝၢႆႊၾၢႆႊသမ့်မႃးၽႅၼ်ၸွမ်းထႅင်ႈ...

ဝၢႆးသေသိုၵ်းမၢၼ်ႈ ယိုတ်းမိူင်းမႃးၼႆႉ ၸုမ်းသိုဝ်ႇၶၢဝ်ႇၸၢဝ်းၶိူဝ်း  ၼႂ်းမိူင်းႁူမ်ႈတုမ်ႁၢႆၵႂႃႇ ၸမ် 10 ၸုမ်းယဝ်ႉဝႃႈၼႆ။ ၵဵဝ်ႇၵပ်းလွင်ႈၼႆႉ မိူဝ်ႈဝၼ်းတီႈ 30/12/2022 ၸုမ်းၶၢဝ်ႇ BNI ၸတ်းပၢင်သပ်းၸႅင်ႈၶၢဝ်ႇ သိုပ်ႇမိုတ်ႈပပ်ႉလိၵ်ႈ (စစ်အာဏာသိမ်းကာလအတွင်း တိုင်းရင်းသားမီဒီယာများကိုလေ့လာခြင်း ) လဵပ်ႈႁဵၼ်း သိုဝ်ႇၶၢဝ်ႇၸၢဝ်းၶိူဝ်း ၶၢဝ်းသိုၵ်းမၢၼ်ႈယိုတ်းမိူင်း တီႈလုမ်း BNI  ဢၼ်မီးတီႈဝဵင်းၵဵင်းမႆႇ ၸိုင်ႈထႆး။ ဝၢႆးသိုၵ်းမၢၼ်ႈ ယိုတ်းမိူင်းမႃးၼႆႉ...

ၵူၼ်းလၢၵ်ႇလၢႆၼႂ်းလူၵ်ႈ(လုမ်ႈၾႃႉ)ၼႆႉ ၼပ်ႉႁဵင်လၢၼ်ႉၵေႃႉဢၼ်ယူႇၶူၼ်းၶဝ်ႈၵၼ် မီးတင်းလိူင်ႈလၢႆလၢၼ်ႉလၢၼ်ႉ လိူင်ႈ တင်းမိူၼ်ၵၼ်လႄႈဢမ်ႇမိူၼ်ၵၼ် လူၺ်ႈပၢႆးဝူၼ်ႉလႄႈလၢႆးႁဵတ်းသၢင်ႈ ၵၢၼ်ႁႃၵိၼ်လဵင်ႉတွင်ႉၽႂ်မၼ်းသေ တႃႉၵေႃႈ တင်းမီးဝႅပ်ႇပိူင်ဢၼ်လႆႈႁဵၼ်းႁူႉမႃးလႄႈဝႅပ်ႇပိူင်တူဝ်ၵဝ်ႇ ႁူမ်ႈတင်းၵၢၼ်ၶူၼ်ႉၶႂႃႉႁႃလႄႈဝူၼ်ႉၶႆႈၸႂ်ဢဝ် ႁင်းၵွႆးသေႁႃၵိၼ်လၢႆးၽႂ်လၢႆးမၼ်းယူႇ။ ပိူင်လူင်မၼ်းၵေႃႈ “ၸႂ်” လႄႈ “ပၢႆးဝူၼ်ႉ” တေၶူၼ်ႉဢွၵ်ႇမႃးလႄႈလႅၵ်ႈလၢႆႈၸွမ်း သၢႆငၢႆ ငဝ်းလၢႆး ၸွမ်းလူၵ်ႈဢၼ် ပၼ်ႇမုၼ်ၵႂႃႇယူႇၵူႈဝၼ်းၼႆႉလႄႈ မီးၵၢၼ်ၶူင်ဢွၵ်ႇမႂ်ႇမႃးၵူႈမိုဝ်ႉၵူႈဝၼ်း တူဝ်ယၢင်ႇ ၸိူင်ႉၼင်ႇ ၵၢပ်ႈတေႃႈလဵဝ် လႆႈဝႃႈၾူၼ်းမိုဝ်းထိုဝ်...

ၵေႃႁူမ်ႈသၢင်ႈၵူၼ်းၼုမ်ႇတႆး Tai Youth Network ၸတ်းႁဵတ်းပၢင်ၵုမ်ၶွပ်ႈပီ တီႈဝဵင်းၵႃလီ့ ၸိုင်ႈတႆး ပွတ်းၸၢၼ်း။ တႄႇမိူဝ်ႈဝၼ်းတီႈ 27 ထိုင် ဝၼ်းတီႈ 29 လိူၼ်တီႊသိမ်ႊပိူဝ်ႊ ၶၢဝ်းတၢင်း 3 ဝၼ်း ၵေႃႁူမ်ႈသၢင်ႈ ၵူၼ်း ၼုမ်ႇတႆး Tai Youth Network  ၸတ်းႁဵတ်းပၢင်ၵုမ်ၶွပ်ႈပီ တီႈဝဵင်းၵႃလီ့...

ႁွင်ႈၵၢၼ်ၽွင်းလူင်ၾၢႆႇၼႂ်းမိူင်း မိူင်းထႆး ပိုၼ်ၽၢဝ်ႇဝႃႈ ပၢင်ႁူမ်ၸူမ်းႁပ့်တွၼ်ႈပီမႂ်ႇလုမ်ႈၾႃ့ၼၼ့် ၸတ်းႁဵတ်းၵႂႃႇလႆႈ ၼင်ႇႁၢင်ႈႁႅၼ်းဝႆႉယူႇ ၊ ၵူၺ်းၵႃႈတေလႆႈႁဵတ်းၸွမ်းပၵ်းပိူင်ဝၢၼ်ႈမိူင်းလႄႈ ပိူင်ႁႄ့ၵင်ႈၶူဝ်းဝိတ့်။ ဝၼ်းတီႈ26/12/2022 ႁွင်ႈၵၢၼ်ၽွင်းလူင်ၾၢႆႇၼႂ်းမိူင်း တႅမ်ႈလိၵ်ႈသူင်ႇထိုင် ၽူႈၵွၼ်းၸႄႈတွၼ်ႈၵူႈၸႄႈတွၼ်ႈဝႃႈ ၸတ်းႁဵတ်းပၢင်မူၼ်ႈသိူဝ်းႁပ့်ပီမႂ်ႇလႆႈၼင်ႇပၵ်းၵဝ်ႇပိူင်ၵဝ်ႇ ၵူၺ်းၵႃႈႁႂ်ႈႁဵတ်းၸွမ်းၼင်ႇပိူင်ဢၼ်တမ်းဝႆ့ မိူၼ်ၼင်ႇ ႁၢၼ့်တၢင်းၵိၼ် ႁၢၼ့်မူၼ်ႈသိူဝ်း ႁႂ်ႈပိၵ့်ၸွမ်းၼင်ႇၶၢဝ်းယၢမ်းဢၼ်မၵ်းမၼ်ႈဝႆႉ ၊ ႁၢမ်ႈၵူၼ်းၼုမ်ႇဢၼ်ဢႃယုပႆႇထိုင်ၶဝ်ႈၵိၼ်ၵျေႃႇမူၼ်ႈသိူဝ်း၊ ႁႂ်ႈၵဵပ်းသဵၼ်ႈမၢႆၵူၼ်းၶဝ်ႈလိုဝ်ႈၸွမ်းႁူင်းသဝ်းလီလီ ၊ၵူတ်ႇထတ်းပၵ်းတႃ လွင်ႈၵူၼ်းၵႃ့ၵူၼ်း၊ လွင်ႈလွၵ်ႇလႅၼ်ၼၢင်းယိင်းၶၢႆတူဝ်...

မိူဝ်ႈၼႆႉ ဝၼ်းတီႈ 26/12/2022 ယၢမ်းၵၢင်ၼႂ် သင်ၶၸဝ်ႈလႄႈ လုၵ်ႈၼွင်ႉပွင်ႈပၢႆ ဢိၵ်ႇလူၺ်ႈ ၽူႈၸမ်ၸႂ် မိုတ်ႈၵိုဝ်း ႁူမ်ႈ ၵၼ် ၸတ်းႁဵတ်းၵၢၼ်လီၵုသူလ် ၵၢပ်ႇသွမ်းလူႇတၢၼ်း ယိုၼ်ႈၸူးထိုင် မေႃၵႂၢမ်းတႆးၸိုဝ်ႈသဵင်ယႂ်ႇ ၸၢႆးမူး(မေႃသွၼ်ႁူၺ်ႈၸွႆး) လူႉၶွႆႈတဵမ် 28 ပီ တီႈၶုမ်ပႃႇႁဵဝ်ႈ မၼ်းၸၢႆး ၾၢႆႇဢွၵ်ႇ ဝၢၼ်ႈလၵ်းတႅင်ႇ ဢိူင်ႇပဵင်းလူင်...

ၽူႈၵွၼ်းပွၵ့် ဝဵင်းလႃႈသဵဝ်ႈ ဢွၵ်ႇလိၵ်ႈပိုၼ်ၽၢဝ်ႇ ၸိသင်ႇၵူၼ်းမိူင်းပွၵ်ႉယွမ်ႇပူၵ်းတုင်း(ၸွမ်ပိဝ်) မၢၼ်ႈၼႃႈႁိူၼ်းၽႂ်မၼ်းလႄႈၸွမ်းသဵၼ်ႈတႃႈသၢႆတၢင်းၵူႈၵိဝ်ႇၵူႈငွၼ်ႈတႃႇၶၢဝ်းတၢင်း 10 ဝၼ်းပၢႆ တေႃႇထိုင်ဝၼ်းလွတ်ႈလႅဝ်းၵွၼ်းၶေႃမိူင်းမၢၼ်ႈ။  တုင်းၸိုင်ႈမိူင်းဢၼ်တပ်ႉသိုၵ်းမၵ်းမၼ်ႈၸႂ်ႉမႃးၸဵမ်မိူဝ်ႈပီ 2008 ဢၼ်မီးသီလိူင်ၶဵဝ်လႅင် ၼႂ်းၵၢင် လုၵ်ႈလၢဝ်လုၵ်ႈလဵဝ်ၼၼ်ႉ တၵ်းလႆႈပူၵ်းတင်ႈၼႃႈႁိူၼ်းၽႂ်မၼ်း တႄႇဝၼ်းတီႈ 23/12/2022 ထိုင် 4/1/2023 ။  ႁႂ်ႈပဵၼ်လွင်ႈယုၵ်ႉယွင်ႈ ဢဝ်ၵုင်ႇမုၼ် ဝၼ်းလွတ်ႈလႅဝ်းမိူင်းမၢၼ်ႈ ၶွပ်ႈတဵမ် 75 ပီ-...

 ၵူၼ်းသီႇပေႃႉ ၵေႃႉၼိုင်ႈ ႁၢႆၵႂႃႇလႆႈ 5 ဝၼ်းယဝ်ႉပႆႇႁၼ်တူဝ်ၶိုၼ်း ပေႃႈမႄႈၵူၼ်းႁိူၼ်း မႆႈၸႂ်။ ၸၢႆးၼုမ်ႇၵူၼ်း ပွၵ့်မၢၼ်ႈ ၶဵတ်ႇ/ၼႃႈလိၼ် 2 (နယ်မြေ ၂) ၸိုဝ်ႈႁွင်ႉ ၽဵဝ်းဝိၼ်းသေႃႇ(ႁွင့်) ဢၵျီးၵွင်ႇ ဢႃယု 24 ပီ ႁၢႆတူဝ်ၵႂႃႇ မိူဝ်ႈဝၼ်းတီႈ 21/12/2022 ၵၢင်ဝၼ်း 2 မူင်း...

သိုၵ်းမၢၼ်ႈဝဵင်းလႃႈသဵဝ်ႈပိုၼ်ၽၢဝ်ႇဝႃႈ တေလူင်းၵူတ်ႇထတ်းသဵၼ်ႈသၢႆမၢႆၶႅၵ်ႇလႄႈ ၽႂ်မီးၶႅၵ်ႇမႃးလိုဝ်ႈသဝ်းတီႈႁိူၼ်း ႁႂ်ႈလႆႈၵႂႃႇတၢင်ႇသဵၼ်ႈမၢႆၶႅၵ်ႇဝႃႈၼႆ။ ဝၼ်းတီႈ 21/12/2022 သိုၵ်းမၢၼ်ႈလႄႈ ၽူႈၵွၼ်းၸႄႈဝဵင်းဢိၵ်ႇ ၽူႈၵွၼ်းပွၵ်ႉယွမ်ႇ လူင်းၼႂ်းပွၵ်ႉယွမ်ႇသေ ၶိုၼ်ႈႁိူၼ်းလူင်းႁိူၼ်းသေ ၵူတ်ႇထတ်းသဵၼ်ႈသၢႆမၢႆၶႅၵ်ႇ လိူဝ်ၼၼ်ႉၵူတ်ႇထတ်းတူၺ်းပႃးသဵၼ်ႈသၢႆမၢႆႁူဝ်ႁိူၼ်း ထၢမ်ႁႃပႃးၵူၼ်းၼႂ်းသဵၼ်ႈမၢႆႁူဝ်ႁိူၼ်းၼၼ်ႉ- လႆႈႁူႉၼင်ႇၼႆ။ “ၶဝ်လႆႈၶၢဝ်ႇသင်တႄႉဢမ်ႇႁူႉ ။ၶိုၼ်ႈႁိူၼ်းလူင်းႁိူၼ်းသေ ထတ်းသဵၼ်ႈသၢႆမၢႆၶႅၵ်ႇၵူႈလင်ႁိူၼ်းဢေႃႈ။ ၵူၼ်းၼႂ်းပွၵ်ႉၵေႃႈ လႆႈထၢႆႇႁၢင်ႈၵူၼ်းၼႂ်းမုင်ႉႁေႃႁိူၼ်းၽႂ်မၼ်းႁူမ်ႈၵၼ်သေလႄႈ ဢဝ်ပႃးသဵၼ်ႈမၢႆႁူဝ်ႁိူၼ်းသေ လႆႈၵႂႃႇတီႈလုမ်းၵွၼ်းပွၵ်ႉဢေႃႈ။ၶဝ်ၵေႃႈထၢမ်ဝႃႈ ၵူၼ်းဢၼ်မီးသဵၼ်ႈၸိုဝ်ႈသေလႄႈ ဢမ်ႇပႃးၼႂ်းႁၢင်ႈၼႆႉ ပဵၼ်ၽႂ်မၼ်းယူႇလႂ် ၼႆၸိူဝ်းၼႆႉဢေႃႈ။”-...