တႃႇႁႂ်ႈပူၼ်ႉလွတ်ႈၽေးသၽႃႇဝ ၼႆသေ ၵူၼ်းမိူင်းဝဵင်းႁူဝ်ပူင်းၸိုင်ႈတႆးပွတ်းၸၢၼ်း ၸတ်းႁဵတ်းပၢင်ပွႆးလူႇတၢၼ်း တီႈထမ်ႈၸၢင်ႉ ဝဵင်းႁူဝ်ပူင်း မီးၵူၼ်းမိူင်းထုင်ႉဝဵင်းႁူဝ်ပူင်း သီႇသႅင်ႇ မႃးၶဝ်ႈႁူမ်ႈတင်းၼမ်။ ပၢင်ပွႆးလူႇတၢၼ်း တီႈထမ်ႈၸၢင်ႉၼႆႉ ၸတ်းႁဵတ်းမိူဝ်ႈဝၼ်းတီႈ 31/10/2024 ။ ပီႈၼွင်ႉ ၸၢဝ်းပဢူဝ်းလႄႈၸၢဝ်းတႆး ၸၢဝ်းမၢၼ်ႈ    ၵူၼ်းမိူင်းတၢင်းထုင်ႉ လွႆမႆ (မႄးၼႄႇတွင်ႇ)၊ ၸိူဝ်းထူပ်းၽေးၼမ်ႉ ၽေးသိုၵ်းသိူဝ်ၸိူဝ်းၼႆႉ မႃးၶဝ်ႈႁူမ်ႈၵိုၼ်းၶွၼ်ႈ။ ယိူင်းဢၢၼ်းတႃႇႁႂ်ႈပူၼ်ႉၽေးသၽႃႇဝ ၼႆသေ ၸတ်းပွႆးယႂ်ႇၵူၼ်းလူင်။...

ၽွင်းဝၢၼ်ႈမိူင်း ဢမ်ႇၼိမ်သဝ်း သိုၵ်းမၢၼ်ႈ ဢဝ်ၶိူင်ႈမိၼ် မိူဝ်းပွႆႇမၢၵ်ႇၼႂ်း မိူင်းတႆးပွတ်းႁွင်ႇၵူႈဝၼ်း တီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်းသမ်ႉ သိုၵ်းမၢၼ်ႈ တဵၵ်းၶိၼ်ႁဵတ်းပွႆး ၸီႉသင်ႇ ႁႂ်ႈၵူၼ်းမိူင်းၸတ်းပွႆး လိူၼ်သိပ်းသွင် ႁူင်း ၾႆးမိၼ် ၵိုၼ်းၶွၼ်ႈၼႆလႄႈ ၵူၼ်းမိူင်းမၢၼ်ႈတူင်ႈပဵင်း သိုပ်ႇၾူၼ်းမႃးၶၢတ်ႈႁွင်ႈဝႆႉ လူင်ႈၼႃႈ - ဝႃႈၼႆ။ ၼႂ်းႁၢင်လိူၼ်ဢွၵ်ႊထူဝ်ႊပိူဝ်ႊ သိုၵ်းမၢၼ်ႈဢွၵ်ႇလိၵ်ႈ သင်ႇႁႂ်ႈၵူၼ်းမိူင်းဝဵင်းတူၼ်ႈတီး ဢွၼ်ၵၼ်ႁဵတ်းပွႆး...

ၼႂ်းပီ 2024 ၸမ်သဵင်ႈၼႆႉ ၶူင်ႇႁိူဝ်းမိၼ်မိူင်းထႆး 6 ဢၼ် တေတႄႇၸႂ်ႉတိုဝ်း လွၵ်းလၢႆးပၢႆးပၺ်ႇၺႃႇ ဢၼ်မၢႆတွင်းဝႆႉ ႁၢင်ႈၾၢင်ၼႃႈတႃ ၵူၼ်းဢွၵ်ႇၶၢဝ်းတၢင်း (Facial Recognition Technology) ယဝ်ႉ ဝႃႈၼႆ။ ယွၼ်ႉတေၸႂ်ႉတိုဝ်းလွၵ်းလၢႆးဢၼ်ၼႆႉလႄႈ ၵူၼ်းၸိူဝ်းဢွၵ်ႇၶၢဝ်းတၢင်း တေလႆႈၼႄၶေႃႈမုလ်း ၽိုၼ်လိၵ်ႈလၢႆး ၼိုင်ႈၵမ်းၵူၺ်းယဝ်ႉၼႆ  - ၶၢဝ်ႇ Bangkok Post...

မိူင်းပႄႊၵျီႊယႅမ်ႊ (Belgium) ဢဝ်မၢၵ်ႇပၵ်ႉႁဵတ်းႁိူဝ်းသေ ႁဵတ်းပွႆးၽၢႆးႁိူဝ်းမၢၵ်ႇပၵ်ႉ ၶေႉၶဵင်ႇၵၼ် တီႈၼႂ်းၼွင်ၼမ်ႉလူင် ဝဵင်းၵႃႊသတိူဝ်ႊလီႊ မီးၵူၼ်းၶဝ်ႈႁူမ်ႈၶေႉၶဵင်ႇ 300 ပၢႆ - ဝႃႈၼႆ။ မၢၵ်ႇပၵ်ႉၼိုင်ႈလုၵ်ႈၼႆႉ ၼမ်ႉၼၵ်းမီး 400 ၵရမ်ႊပၢႆ။ မၢၵ်ႇပၵ်ႉလုၵ်ႈယႂ်ႇလူင်ၼႆႉ ၼွၵ်ႈလိူဝ် ဢဝ်တူမ်ႈႁုင်ႁဵတ်းၽၵ်း ၵိၼ်ယဝ်ႉ တေႁဵတ်းသင်လႆႈထႅင်ႈၼႆသေ ၼႂ်းပီ 2008 ၼၼ်ႉ ၸင်ႇလႆႈပၢႆးဝူၼ်ႉမႂ်ႇမႃး၊...

ဝၼ်းတီႈ 28/10/2024 ယၢမ်းဝၢႆးဝၼ်းမွၵ်ႈ 2 မူင်း ၵႃးတၢင်ႇၵူၼ်းဝႆႈၽြႃး (Mini Bus) လမ်းၼိုင်ႈ ပဵၼ်ၽေးၵိုင်ႉၵၢင်ႉ ပိၼ်ႈတူၵ်းႁူၺ်ႈ ၼႂ်းၵႄႈသဵၼ်ႈတၢင်းယႂႃႇငၢၼ်ႇ - ႁၢၼ်ႇမိၼ်ႉမူဝ်ႇ ၼႂ်းၸႄႈဝဵင်းယႂႃႇငၢၼ်ႇ ၸႄႈတွၼ်ႈတူၼ်ႈတီး ၸိုင်ႈတႆးပွတ်းၸၢၼ်း။ ၽူႈၶဝ်ႈၸုမ်း ပရႁိတ ဝဵင်းယႂႃႇငၢၼ်ႇ ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ - “ၵႃးၼႆႉ လုၵ်ႉတၢင်းႁၢႆးဝူဝ်း...

ႁွင်ႈၵၢၼ်ၾၢႆႇၾႆးၾႃႉ ၸႄႈဝဵင်းယွင်ႁူၺ်ႈ လၢတ်ႈတီႈၵူၼ်းမိူင်းၼႂ်းၼွင်ႁၢႆးယႃႈဝႃႈ -တႃႇပူၵ်းသဝ်ၾႆး တႃႇၸႅၵ်ႇၾႆးၾႃႉပၼ်ၵူၼ်းမိူင်းၼႂ်းၼွင်ႁၢႆးယႃႈၶိုၼ်းၼၼ်ႉ ႁႂ်ႈၵူၼ်းမိူင်းသႂ်ႇငိုၼ်း မႃး ဝႃႈၼႆ။ ဝၢႆးလင်ၼမ့်ထူမ်ႈႁၢဝ်ႈႁႅင်းထုင်ႉၼွင်ႁၢႆးယႃႈယဝ်ႉ ႁိူၼ်းယေးၵူၼ်းမိူင်းၵူၺ်းဢမ်ႇၵႃး ၸိူဝ်းပဵၼ်ႁူင်းႁဵၼ်း ႁူင်းယႃလႄႈ သဝ်လၵ်းၾႆးၾႃႉၸိူဝ်းၼႆႉၵေႃႈလူမ်ႉၵွႆ ။ ၵွပ်ႈၼႆၵူၼ်းမိူင်း ၼွင်ႁၢႆးယႃႈ ဢမ်ႇလႆႈၸႂ်ႉၾႆးၾႃႉမီးလိူၼ်ပၢႆယဝ်ႉ  ။  ယၢမ်းလဵဝ် ႁွင်ႈၵၢၼ်ၾႆးၾႃႉ   EPC မႃးမႄးၾႆးပၼ်ဝႆ့ယူႇ။ ၵူၺ်းၵႃႈလၢတ်ႈၵူၼ်းဝၢၼ်ႈဝႃႈ ၽႂ်ၶႂ်ႈၸႂ်ႉၾႆးၾႃႉၶိုၼ်း တေလႆႈပၼ်ငိုၼ်း...

မိူဝ်ႈၼႆႉ ဝၼ်းတီႈ 25/10/2024 ၵူၼ်းမိူင်း ဢွၼ်ၵၼ်တိုၼ်ႇသၢၼ်ႈ ႁိမ်ၵၼ်သိုဝ်ႉၼမ်ႉမၼ်းၸိူဝ်ႉၾႆး (ၼမ်ႉမၼ်း ၸၢၵ်ႈ) တီႈဝဵင်းမူႇၸေႊ ၸိုင်ႈတႆးပွတ်းႁွင်ႇ လႅၼ်လိၼ်တႆး - ၶႄႇ မၢင်ပၢမ်ႉၼမ်ႉမၼ်း လႆႈၸႅၵ်ႇၶၢႆပၼ် ယွၼ်ႉငဝ်းလၢႆးတၢင်းၾင်ႇမိူင်းၶႄႇ ၵူတ်ႇထတ်းရူတ်ႉၵႃးၶဝ်ႈဢွၵ်ႇ ႁၢဝ်ႈႁႅင်း။ ၵူၼ်းပိုၼ်ႉတီႈ ဝဵင်းမူႇၸေႊ လၢတ်ႈတီႈၽူႈတွႆႇႁွၵ်ႈဝႃႈ - “မိူဝ်ႈၼႆႉ တီႈဝဵင်းမူႇၸေႊ ပၢမ်ႉၼမ်ႉမၼ်း...

ၶၢဝ်းတၢင်း 6 ဝၼ်းမႃးၼႆႉ သၢႆၵၢၼ်မိၼ် မိူင်းဢိၼ်းတီးယိူဝ်ႊ(India) ၺႃးလွၵ်ႇငိုတ်ႈ 70 ၵမ်းပၢႆ ဝႃႈတေပွႆႇမၢၵ်ႇသႂ်ႇ ၼႆသေ ၾၢႆႇႁူမ်ႇလူမ်ႈတင်း ၽူႈၸတ်းၵၢၼ်လူင် တီႈသၢႆၵၢၼ်မိၼ် ၼႅတ်ႈႁွင်ႉပၢင်ၵုမ်ၶိုၵ်ႉၶၵ်ႉဢုပ်ႇဢူဝ်း ၼႂ်းဝၼ်းတီႈ 19 ၼႆႉ - သိုဝ်ႇၶၢဝ်ႇ NDTV ႁၢႆးငၢၼ်းၼင်ႇၼႆ။ ၼႂ်းဝၼ်းတီႈ 19/10/2024 ဝၼ်းလဵဝ်ၵူၺ်း ၺႃးလွတ်ႇငိုတ်ႈ...

သိုၵ်းမၢၼ်ႈ ယိုတ်းမိူင်း ဢွၼ်ၸတ်းပွႆးလွင်းသွမ်းသၢၼ် တီႈဝဵင်းမူႇၸေႊ သင်ၶၸဝ်ႈလူင်းတုင်းသွမ်း မီးမွၵ်ႈ 1,000 တူၼ်။ ဝၼ်းတီႈ 20/10/2024 ယၢမ်းဝၢႆးဝၼ်း 2:00 မူင်းထိုင် 4:30 မူင်း ယူႇတီႈ သိုၵ်းမၢၼ်ႈယိုတ်းမိူင်း ႁူမ်ႈတင်း ၽူႈၵွၼ်း ၸႄႈတွၼ်ႈလႄႈ ႁွင်ႈၵၢၼ် ၶႃႈႁၢပ်ႇၵၢၼ် ၼႂ်းလူင်ပွင်ၸိုင်ႈ ၵူႈႁွင်ႈၵၢၼ် ဢွၼ်ၸတ်းႁဵတ်း...

ၼူၶူပ်းတူၼ်ႈၶဝ်ႈ တီႈဝဵင်းမိူင်းပၢႆး ၸိုင်ႈတႆးပွတ်းၸၢၼ်း လူႉသုမ်းၵႂႃႇ မွၵ်ႈ 700 ဢေႊၶိူဝ်ႊ ၵူၼ်းမိူင်းမႆႈၸႂ် တႃႇၵိၼ်ယႅမ်ႉမိူဝ်းၼႃႈ။ တီႈဝဵင်းမိူင်းပၢႆး လႅၼ်လိၼ်တႆး - ယၢင်းလႅင်ၼႆႉ ယွၼ်ႉၼမ်ႉၼွင်းလုပ်ႇထူမ်ႈ တီႈၶူင်ႈတီႈတႅမ်ႇ ၸဝ်ႈၼႃး ဢွၼ် ၵၼ်ၶၢႆႉၽုၵ်ႇ တီႈၵွင်းလွႆလႄႈ သမ်ႉၺႃးၼူ ပဵၼ်မူႇပဵၼ်ၽုင် သွၵ်ႈတဝ်ၶူပ်းယႃႉတူၼ်ႈၶဝ်ႈ၊ မၢင်လွၵ်း ၺႃးၼူၶူပ်းၵႂႃႇ 2-3...

မိူဝ်ႈၼႆႉ ဝၼ်းတီႈ 20/10/2024 ယၢမ်းၵၢင်ၼႂ် 6:30 မူင်း ထိုင် 10:00 မူင်း တၵ်ႉၵႃႇသတ်ႉထႃး ႁူမ်ႈၵၼ်လူႇတၢၼ်း/ လွင်းသွမ်း ပွႆးၽြႃးလူင်းမိူင်း တႄႇဢဝ်ၼႃႈဝတ်ႉၽြႃးလူင် တေႃႇထိုင်ၾၢႆႇၸၢၼ်းၵၢတ်ႇ ၼႂ်းဝဵင်းလၢႆးၶႃႈ ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း သင်ၶၸဝ်ႈ လူင်းတုင်းသွမ်းမီး 1,250 တူၼ်။ ၵူၼ်းပိုၼ်ႉတီႈ ဝဵင်းလၢႆးၶႃႈ လၢတ်ႈတီႈၽူႈတွႆႇႁွၵ်ႈဝႃႈ...

သိုၵ်းမၢၼ်ႈၵဵပ်းၵႃႈၾႆးၾႃႉသုင်ၼႃႇလႄႈ ၵူၼ်းမိူင်းဝဵင်းတူၼ်ႈတီး ဢမ်ႇသိူဝ်းၸႂ်ႉၾႆးၾႃႉႁုင်ၵိၼ်ႁုင်ယမ်ႉ လႆႈသိုဝ်ႉၾိုၼ်း ထၢၼ်ႇၸႂ်ႉၵႃႈယႂ်ႇၵႃႈပႅင်း။ ဝၼ်းတီႈ 01/09/2024 မႃး ႁွင်ႈၵၢၼ်ၾၢႆႇႁႅင်းထၢတ်ႈၾႆးၾႃႉ ပိုၼ်ၽၢဝ်ႇဝႃႈ တေၵဵပ်းၵႃႈၸႂ်ႉၾႆးၾႃႉသုင်လိူဝ်ၵဝ်ႇ 2 ပုၼ်ႈ   ။ ၼၢင်းယိင်းၵူၼ်းမိူင်းဝဵင်းတူၼ်ႈတီး လၢတ်ႈၽူႈတွႆႇႁွၵ်ႈဝႃႈ - “ၾႆးၾႃ့ ဢၼ်ဢွၵ်ႇၼႂ်းမိူင်းႁဝ်း သမ့်ၶၢႆပၼ် ပိူၼ်ႈသေ ၊ ၵူၼ်းၼႂ်းမိူင်းသမ့် ဢမ်ႇလႆႈၾႆးၾႃႉၸႂ်ႉ ၊ တလဵဝ်...

ၼုမ်ႇၸၢႆး မိူင်းၼီႊပေႃႊ(Nepal) ၵေႃႉၼိုင်ႈ ၶိုၼ်ႈထိုင်ၼိူဝ်ၸိၵ်းလွႆ ဢၼ်မီးတၢင်းသုင် 26,000 ထတ်း တင်းမူတ်း 14 လွႆ ၼိူဝ်လုမ်ႈၾႃႉသေ ပဵၼ်မႃးၵူၼ်း ၵေႃႉဢၼ်ၶိုၼ်ႈထိုင်လႆႈ ၼိူဝ်ၸိၵ်းလွႆသုင် ဢႃယုလဵၵ်ႉလိူဝ်ပိူၼ်ႈသုတ်း - သိုဝ်ႇ ၶၢဝ်ႇ AFP ႁၢႆးငၢၼ်းဝႆႉၼင်ႇၼႆ။ ၼုမ်ႇၸၢႆးၵေႃႉၼႆႉ ၸိုဝ်ႈႁွင်ႉ သျီႊပႃႊ (Sherpa) ဢႃယု...

ဝၼ်းတီႈ 17/10/2024 ယၢမ်းၵၢင်ၶမ်ႈ 8 မူင်းၼႆႉ ၾႆးမႆႈ ႁွင်ႈသဝ်း တီႈလိုဝ်ႈ ၶွင်ၽူႈႁၢပ်ႇၵၢၼ် ၼႂ်းႁူင်းယႃၵူၼ်းမိူင်း ဝဵင်းမူႇၸေႊ ၸိုင်ႈတႆးပွတ်းႁွင်ႇ လႅၼ်လိၼ်တႆး - ၶႄႇ တႃႇႁွင်ႈသဝ်း 3 ႁွင်ႈ မီးလွင်ႈလူႉသုမ်း ဢမ်ႇယွမ်း 30 သႅၼ်ပျႃး။ ၵူၼ်းပိုၼ်ႉတီႈ ဝဵင်းမူႇၸေႊ လၢတ်ႈတီႈၽူႈတွႆႇႁွၵ်ႈ...

ဝၼ်းတီႈ 12/10/2024 ၼႆႉ မိူင်းဢမေႊရိၵၼ်ႊ ၸတ်းႁဵတ်းပွႆးႁူင်းၾႆးမိၼ် ၵူႈမိူင်းမိူင်း ဢႅဝ်ႊပႃႊၵႃႊၵွီႊ (Albuquerque International Balloon Fiesta) တီႈၸႄႈတွၼ်ႈ ၼိဝ်ႊမႅၵ်ႊသီႊၵူဝ်ႊ (New Mexico) မိူင်းဢမေႊရိၵၼ်ႊ၊ ပဵၼ်ပွႆးႁူင်းၾႆးမိၼ် ဢၼ်မီးၵူၼ်းၶီႇၸွမ်းလႄႈ ယႂ်ႇလိူဝ်ပိူၼ်ႈ ၼႂ်း လုမ်ႈၾႃႉ။ ပွႆးႁူင်းၾႆးမိၼ်ၼႆႉ တႄႇၸတ်းႁဵတ်းမႃး ၸဵမ်မိူဝ်ႈပီ 1972...