ဝၼ်းတီႈ 22 - 23/08/2024 ၼႆႉ ၾူၼ်တူၵ်း တီႈဝဵင်းၽူးၵဵတ်ႇ မိူင်းထႆး တွၼ်ႈၸၢၼ်း ႁၢဝ်ႈႁႅင်းသေ ထိုင်မႃးၼႂ်းဝၼ်းတီႈ 23 ယၢမ်းၵၢင်ၼႂ်ၸဝ်ႉၼၼ်ႉ ၾူၼ်သိုပ်ႇတူၵ်းႁႅင်းထႅင်ႈလႄႈ ဢဝ်လိၼ်ၵူၼ်ႇတဵင်ႇသႂ်ႇ ၵူၼ်းလူႉတၢႆ 13 ၵေႃႉ၊ မၢတ်ႇၸဵပ်း19 ၵေႃႉ - ၽူႈၵွၼ်းၾၢႆႇဢုပ်ႉပိူင်ႇ ဝဵင်းၽူးၵဵတ်ႇ ပိုၼ်ၽၢဝ်ႇဝႆႉၼင်ႇၼႆ။ ၼႂ်းၵူၼ်းလူႉတၢႆၵႂႃႇ...

သိုၵ်းမၢၼ်ႈ ယိုတ်းမိူင်း ၶဝ်ႈယိုဝ်း ႁိူၼ်းၽူႈသိုဝ်ႇၶၢဝ်ႇ ၼႂ်းၸႄႈဝဵင်းၵျႅၵ်ႉထူဝ်ႇ မိူင်းမွၼ်း ၽူႈသိုဝ်ႇၶၢဝ်ႇ လူႉတၢႆ 2 ၵေႃႉ ယဝ်ႉၵေႃႈ ၸုမ်းလုၵ်ႉၽိုၼ်ႉ KRF လူႉတၢႆ 2 ၵေႃႉ ဝႃႈၼႆ။ ပူၼ်ႉမႃး ဝၼ်းတီႈ 21/08/2024 ယၢမ်းၵၢင်ၼႂ် ၽွင်းမိူဝ်ႈ ၸုမ်းလုၵ်ႉၽိုၼ်ႉ KRF ၵႂႃႇလႄႇ...

ၸွမ်းၼင်ႇသဵၼ်ႈမၢႆ ယူႇၼီႇသႅပ်ႉ (UNICEF) မိူင်းမၢၼ်ႈ ႁၢႆးငၢၼ်းဝႆႉသေ ၼႂ်းပီ 2024 ၶၢဝ်းတၢင်း 6 လိူၼ်ၼႆႉ ၵူၼ်းမိူင်းႁူမ်ႈတုမ်မၢၼ်ႈ ၸိူဝ်းမၢတ်ႇၸဵပ်းလူႉတၢႆ ယွၼ်ႉမၢၵ်ႇမႅင်းၾင်လိၼ်လႄႈ ၶိူင်ႈၶူဝ်း ဢၼ်ၸၢင်ႈတႅၵ်ႇၼၼ်ႉ မီးၸမ် 700 ၵေႃႉ ၼႂ်းၼၼ်ႉ မိူင်းတႆးပဵၼ်ၼမ်တီႈသုတ်း - ဝႃႈၼႆ။ မိူဝ်ႈပီ 2023 ပူၼ်ႉမႃးၼႆႉ...

ၸုမ်းပၵ်းတႃပႂ်ႉတူၺ်း တႃႇသုၼ်ႇလႆႈသုၼ်ႇပဵၼ်ၵူၼ်းၼႂ်းမိူင်းမွၼ်း လၢတ်ႈဝႃႈ တႃႇၶိုၼ်ႈပၢင်သွၼ်ၵၢၼ်သိုၵ်းၼႆသေ သိုၵ်းမၢၼ်ႈ ပၼ်ႁႅင်းဢီး ၵဵပ်းသဵၼ်ႈမၢႆၼၢင်းယိင်း ၼႂ်းမိူင်းမွၼ်းဝႆႉယူႇ - ဝႃႈၼႆ။ ၵဵဝ်ႇလူၺ်ႈလွင်ႈၼႆႉ ၽူႈၵွၼ်းပွၵ်ႉ၊ ၽူႈၵွၼ်းမူႇဝၢၼ်ႈ ၼႂ်းၸႄႈဝဵင်းတၢၼ်ႇၽိဝ်ႇသယႅၵ်ႉ ၸႄႈမိူင်းမွၼ်း ဢွၼ်ၵၼ်လူင်းၵဵပ်းသဵၼ်ႈမၢႆၼၢင်းယိင်း ၸိူဝ်းၶဝ်ႈပႃးၼႂ်းဢႃယု ႁၢပ်ႇထၢမ်းၵၢၼ်သိုၵ်းသေ တႄႇသူင်ႇပၼ် တီႈပၢင်သွၼ်ၵၢၼ်သိုၵ်း ၼႂ်းလိူၼ်ဢေႃႊၵတ်ႊသ်ၼႆႉ - ဝႃႈၼႆ။   လိူဝ်သေ ၵူၼ်းၸၢႆးယဝ်ႉ...

ၸွမ်းၼင်ႇ ၽႅၼ်ၵၢၼ် 120 ဝၼ်း ၶွင်ႁွင်ႈၵၢၼ် ၾၢႆႇၵူတ်ႇထတ်းၵူၼ်းၶဝ်ႈဢွၵ်ႇမိူင်း မိူင်းထႆးသေ ၼႂ်းၶၢဝ်းတၢင်း ၵူတ်ႇထတ်းမႃး 2 လိူၼ်ပၢႆၼႆႉ ႁႅင်းၵၢၼ်မိူင်းမၢၼ်ႈ ၸိူဝ်းၺႃးတီႉၺွပ်း မီးၸမ် 2 သႅၼ် ယဝ်ႉၼႆ - ဢူးမူဝ်းၵျူဝ်း ႁူဝ်ပဝ်ႈ ၵေႃႇမတီႇ ၾၢႆႇႁူမ်ႈၵၢၼ်တူင်ႉၼိုင် လွင်ႈႁႅင်းၵၢၼ် မိူင်းမၢၼ်ႈ...

သိုၵ်းမၢၼ်ႈ ၸႂ်ႉၶိူင်ႈမိၼ်သိုၵ်း ပိုတ်းယိုဝ်းသႂ်ႇႁိူၼ်းယေးဝၢၼ်ႈသူၼ်ၵူၼ်းမိူင်း ၼႂ်းမိူင်းယၢင်းၽိူၵ်ႇ တိူဝ်ႉသႂ်ႇ ပႃးဝၢၼ်ႈတႆး ႁိူၼ်းယေး ဝတ်ႉဝႃးၽႃသိူဝ်ႇ ၺႃးၾႆးမႆႈဢမ်ႇလိူဝ်သင်။ ဝၼ်းတီႈ 19/08/2024 ၼႆႉ သိုၵ်းမၢၼ်ႈ ဢဝ်ၶိူင်ႈမိၼ်သိုၵ်း ပွႆႇမၢၵ်ႇသႂ်ႇ ဝၢၼ်ႈဢၼၢၼ်းၵုၼ်းလႄႈ ဝၢၼ်ႈတႆး (လုတ်ႉ သျၢၼ်း) ဢၼ်မီး ၼႂ်းၸႄႈဝဵင်းဝိၼ်းယေး ၸႄႈတွၼ်ႈတူးပလႃႇယႃႇ ၼႃႈလိၼ်သိုၵ်းယၢင်းၽိူၵ်ႇ KNU ၵုမ်းၵမ်။ သိုဝ်ႇၶၢဝ်ႇ...

ဝၼ်းတီႈ 19/08/2024 ၼႆႉ ပဵၼ်ဝၼ်းၵူၼ်းလုမ်ႈၾႃႉ ၼင်ႇၵၼ် တူၺ်းထိုင်ၸွႆႈထႅမ်ၵၼ် ယူႇတီႈ UNOCHA သေ လၢတ်ႈဝႃႈ ၵူၼ်းမိူင်းမၢၼ်ႈ 18.6 လၢၼ်ႉ ႁူမ်ႈပႃး လုၵ်ႈဢွၼ်ႇ 6 လၢၼ်ႉ လူဝ်ႇတၢင်းၸွႆႈထႅမ် ၶိုၵ်ႉၶၵ်ႉ ဝႃႈၼႆ။ ၵူၼ်းမိူင်းႁူမ်ႈတုမ်မၢၼ်ႈပတ်းပိုၼ်ႉ လႆႈႁူပ်ႉပၼ်ႁႃပတိၵ်ႈၶၢတ်ႈ လွင်ႈလူႉသုမ်းယႂ်ႇလူင်လႄႈ ၽေးသၽႃႇဝ ၸိူဝ်းၼႆႉတင်းၼမ်။...

ဝၼ်းတီႈ 15/08/2024 ယၢမ်းၵၢင်ၼႂ် မွၵ်ႈ 9 မူင်းၼႆႉ သိုၵ်းၶၢင် KIA ႁူမ်ႈလူၺ်ႈ ၸုမ်း KPDF သေ လေႃႇတိုၵ်းယိုတ်းလႆႈ တပ်ႉပၢင်သဝ်းသိုၵ်းမၢၼ်ႈ လမွင်ႇၵွင်ႉ (လမောင်ကောင့်) တီႈၸႄႈဝဵင်းၽႃၵၢၼ်ႉ ၸႄႈမိူင်းၶၢင်ၼႆ ၸဝ်ႈသိုၵ်းလူင် ၼေႃႇပူႇ ၽူႈမီးပုၼ်ႈၽွၼ်း ၾၢႆႇပွင်ႇၶၢဝ်ႇ KIA လၢတ်ႈ။  တပ်ႉပၢင်သဝ်း...

ၽွင်းလူင် ၾၢႆႇၼွၵ်ႈမိူင်း မိူင်းၶႄႇ ဝၼ်ႊယိ ၽွင်းတေၵႂႃႇၶဝ်ႈႁူမ်ႈပၢင်ၵုမ် မႄႈၶူင် - လၢၼ်ႉၸၢင်ႉ တီႈမိူင်းထႆးၼၼ်ႉ ဝႄႉႁူပ်ႉထူပ်းၵၼ်တင်း ၸွမ်ၸိၵ်းသိုၵ်းမၢၼ်ႈလႄႈ ၽူႈၼမ်းသိုၵ်းမၢၼ်ႈ ၵေႃႉၵဝ်ႇ တီႈၼေႇပျီႇတေႃႇ။ ဝၼ်းတီႈ 14/08/2024 ဝၼ်ႊယိ ႁူပ်ႉထူပ်းၵၼ်တင်း ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ တီႈၼေႇပျီႇတေႃႇ ဢုပ်ႇၵုမ်ၵၼ် လွင်ႈပၢင်တိုၵ်း မိူင်းတႆးပွတ်းႁွင်ႇ၊ လွင်ႈတႃႇၵဵပ်းသဵၼ်ႈမၢႆ...

ဝၼ်းတီႈ 13/08/2024 ယၢမ်းၵၢင်ၶမ်ႈၼႆႉ ၵႃးတၢင်ႇႁႅင်းၵၢၼ် ၶဝ်ႈမိူင်းထႆးဢမ်ႇၸႂ်ႈတၢင်းၵၢၼ် လမ်းၼိုင်ႈ ပိၼ်ၶွမ်ႈ ၽွင်းဝႄႈလၢၼ်ႇၵူတ်ႇထတ်း ၼႂ်းၸႄႈတွၼ်ႈ ပရႃႊၸုပ်ႊၶီႊရီႊၶၼ်ႊ မိူင်းထႆး မၢတ်ႇၸဵပ်း 7 ၵေႃႉ ဝႃႈၼႆ။ ၼႂ်းဝၼ်းၼၼ်ႉ ယၢမ်းၵၢင်ၶမ်ႈ ၽွင်းၸဝ်ႈၼႃႈတီႈထႆး ပႂ်ႉၵူတ်ႇထတ်း ၼႂ်းၸႄႈတွၼ်ႈပရႃႊၸုပ်ႊၶီႊရီႊၶၼ်ႊၼၼ်ႉ ရူတ်ႉၵႃးသီမူၼ်ႇ လမ်းၼိုင်ႈ ဢမ်ႇၶၢမ်ႇၵိုတ်းသေ ႁေႃႈပၢႆႈ၊ ၵႂႃႇပဵၼ်ၽေးၵိုင်ႉၵၢင်ႉပိၼ်ႈၶွမ်ႈတီႈတၢင်းငွၵ်း...

ၸုမ်းၾၢႆႇၵူတ်ႇထတ်းလဵပ်ႈႁဵၼ်း လွတ်ႈလႅဝ်း ၵဵဝ်ႇၵပ်းမိူင်းမၢၼ်ႈ IIMM ပိုၼ်ၽၢဝ်ႇ ၼႂ်းဝၼ်းတီႈ 13 လိူၼ်ၼႆႉဝႃႈ ဢၼ်တပ်ႉသိုၵ်းမၢၼ်ႈ တဵၵ်းငႅၼ်းႁဵတ်းႁၢႆႉတေႃႇၵူၼ်းမိူင်း၊ သိုၵ်းမၢၼ်ႈ ပဵၼ်မူႇပဵၼ်ၸုမ်း ၵၼ်ႉၸၼ်လူလၢႆတေႃႇ ၼၢင်းယိင်းလႄႈ ႁဵတ်းႁၢႆႉတေႃႇလုၵ်ႈဢွၼ်ႇ ႁူမ်ႈပႃး လွင်ႈပူၼ်ႉပႅၼ်ၼိူဝ်ၵူၼ်းၶိူဝ်း ၸိူဝ်းၼႆႉ ပဵၼ်လွင်ႈပူၼ်ႉပႅၼ် ၵၢၼ်သိုၵ်းယဝ်ႉ ဝႃႈၼႆ။ လွင်ႈသိုၵ်းမၢၼ်ႈ ႁဵတ်းႁၢႆႉမိူၵ်ႈမႂ်ႈ တေႃႇၵူၼ်းမိူင်းၼၼ်ႉ မီးဝႆႉလၵ်းထၢၼ်...

ဝၼ်းတီႈ 08/08/2024 ၼႆႉ တဵင်ႉသျီႊၵျွၼ်ႊ ၽူႈတႅၼ်းၶိုၵ်ႉတွၼ်း ၵဵဝ်ႇလူၺ်ႈလွင်ႈဢေႊသျႃႊ ႁွင်ႈၵၢၼ် ၽွင်းလူင် ၾၢႆႇၼွၵ်ႈမိူင်း မိူင်းၶႄႇ ႁူပ်ႉထူပ်းၵၼ်တင်းၸွမ်ၸိၵ်းသိုၵ်းမၢၼ်ႈမိၼ်းဢွင်ႇလၢႆႇ တီႈၼေႇပျီႇတေႃႇ။ ဝၢႆးလင် သိုၵ်းမၢၼ်ပိုၼ်ၽၢဝ်ႇဝႃႈ - တေၸွပ်ႇသွၵ်ႈၵူၼ်း/ ၸုမ်း ဢၼ်ၵမ်ႉထႅမ်ပၼ်ႁႅင်း ၸုမ်းသိုၵ်းၵဝ်ႈၵၢင်ႉလႄႈ ဢူၺ်းလီ ဢၼ်ပိုတ်းယိုဝ်း တိုၵ်းတေႃးသိုၵ်းမၢၼ်ႈသေ တေဢဝ်လိူင်ႈပၼ်တူတ်ႈတၢမ်ႇၵႂႃႇ ႁၢဝ်ႈႁႅင်း ၼႆယဝ်ႉၼၼ်ႉ...

ဝၢႆးလင် သိုၵ်းမၢၼ်ႈ ယိုတ်းဢႃႇၼႃႇ ၸိုင်ႈမိူင်းမႃးၼႆႉ ၸႂ်ႉၶိူင်ႈမိၼ်သိုၵ်း မႃးပွႆႇမၢၵ်ႇပတ်းပိုၼ်ႉတူဝ်ႈမိူင်း 5,800 ၵမ်းယဝ်ႉၼႆ ဢိၼ်ႊသတီႊၵျုတ်ႉ ၾၢႆႇလဵပ်ႈႁဵၼ်း မူႇပိူင်လႄႈ မႁႃႇပိဝ်ႇႁႃႇမၢၼ်ႈ ISP Myanmar ပိုၼ်ၽၢဝ်ႇ မိူဝ်ႈဝၼ်းတီႈ 05/08/2024 ၼၼ်ႉ ၼင်ႇၼႆ။ ၼႂ်းမိူင်းတႆးတႄႉ တင်ႈတႄႇ ၽႅၼ်ယၼ်ႇသိုၵ်း 1027 မႃးၼႆႉ သိုၵ်းမၢၼ်ႈ...

ၶိူင်ႈမိၼ်သိုၵ်းမၢၼ်ႈ ပွႆႇမၢၵ်ႇသႂ်ႇ ၼႂ်းဝဵင်းမိူင်းမွၵ်ႇ (မိုးမောက်မြို့) ၸႄႈမိူင်းၶၢင် တိူဝ်ႉၺႃးၵူၼ်းမိူင်းလူႉတၢႆ 1 ၵေႃႉလႄႈ ႁိူၼ်းယေးၵူၼ်းမိူင်းလူႉၵွႆ ဢမ်ႇယွမ်း 10 လင်။ ဝၼ်းတီႈ 07/08/2024 ယၢမ်းၵၢင်ၶမ်ႈ သိုၵ်းမၢၼ်ႈ ယိုတ်းမိူင်း ၸႂ်ႉၶိူင်ႈမိၼ် မႃးပွႆႇမၢၵ်ႇသႂ်ႇ တီႈဝၢၼ်ႈၶဵဝ်းႁၢႆ (စီဟတ်ကျေးရွာ) ဝဵင်းမိူင်းမွၵ်ႇ ၸႄႈတွၼ်ႈမၢၼ်ႈမေႃႇ ၸႄႈမိူင်းၶၢင် တိူဝ်ႉၺႃး...

လူင်ပွင်ၸိုင်ႈ မိူင်းဢိင်းၵလဵတ်ႈ ပိုၼ်ၽၢဝ်ႇဝႃႈ တေပၼ်ငိုၼ်းၵမ်ႉၸွႆႈ တႃႇၵူၼ်းၼုမ်ႇ မိူင်းမၢၼ်ႈ ႁႂ်ႈလႆႈသုၼ်ႇတိုဝ်ႉတၢင်းႁဵၼ်းလိၵ်ႈလၢႆး တွၼ်ႈတႃႇၸုမ်ႈၶူးမႁႃႇ တီႈၸၼ်ႉၸွမ် မိူင်းဢိင်းၵလဵတ်ႈ ၼႂ်းႁူဝ်ၶေႃႈ Chevening ၵူၼ်းၼုမ်ႇမီးတိုဝ်ႉတၢင်း တႃႇတၢင်ႇယိုၼ်ႈယွၼ်း ၼႂ်းဝၼ်းတီႈ 6 လိူၼ်ဢေႃႊၵတ်ႊသ် ထိုင် ဝၼ်းတီႈ 5 လိူဝ်ၼူဝ်ႊဝႅမ်ႊပိူဝ်ႊ ဝႃႈ ၼႆ။ လွင်ႈၼႆႉ ယူႇတီႈ...