ၾူၼ်လူင်တူၵ်းႁႅင်းလၢႆဝၼ်းထပ်းၵၼ်လႄႈ ၼမ်ႉႁူၺ်ႈၼမ်ႉလွႆၼွင်း လႆၶဝ်ႈထူမ်ႈ ႁိူၼ်းယေးၵူၼ်းဝၢၼ်ႈ ၼႂ်းဝၢၼ်ႈမိူင်းတၢတ်ႇ ၼႂ်းၸႄႈဝဵင်းၼမ်ႉတူႈ လုသုမ်းၵွႆၼမ်၊ ၶူဝ်လင်ၼိုင်ႈ လႆလွင်ႈၸွမ်းၼမ်ႉ ။
ဝၼ်းတီႈ 02/10/2018 ၾူၼ်တူၵ်းႁႃႇယႂ်ႇ ၼမ်ႉၼွင်းလူင်လႄႈ ၶူဝ် တၢင်းၶဝ်ႈဝၢၼ်ႈမိူင်းတၢတ်ႇ ၵူၼ်ႇပၢင်းလႆလွင်ႈ ၸွမ်းၼမ်ႉ လင်ၼိုင်ႈ ႁဵတ်းႁႂ်ႈၵူၼ်းမိူင်းဢမ်ႇၸၢင်ႈၵႂႃႇမႃး ။ လိူဝ်ၼၼ်ႉ ၼမ်ႉထူမ်ႈပႃးထႅင်ႈ ၼႂ်း ဝၢၼ်ႈမိူင်း တၢတ်ႇ ၼႂ်းၸႄႈဝဵင်းၼမ်ႉတူႈ ၸိုင်ႈတႆးပွတ်းႁွင်ႇ ဝႃႈၼႆ။
ၼၢင်းႁွမ် ၵူၼ်းမိူင်းၼမ်ႉတူႈ လၢတ်ႈတီႈၽူႈတွႆႇႁွၵ်ႈဝႃႈ “ ၾူၼ်တူၵ်းႁႃႇယႂ်ႇ ၼမ်ႉတူႈၼွင်းယိုင်ႈၶိုၼ်ႈသေ တီႈၶူဝ် တၢင်းမိူင်းတၢတ်ႇၼၼ်ႉ လႆႈလႆလွင်ႈၸွမ်းၼမ်ႉလင်ၼိုင်ႈ။ တေႃႈလဵဝ် ၵူၼ်းမိူင်းၵႂႃႇမႃးႁူပ်ႉလွင်ႈယၢပ်ႇ၊ လႆႈ ၶီႇပႄးၶၢမ်ႈၵႂႃႇမႃး။ တေႃႈလဵဝ် ၼမ်ႉပႆႇယွမ်းလူင်း။ ၶူဝ်ၵူၼ်ႇပင်းၼၼ်ႉ ပဵၼ်ၶူဝ်မႄႈၼမ်ႉ တၢတ်ႇ”ဝႃႈၼႆ။
မိူဝ်ႈၼႆႉ ဝၼ်းတီႈ 4 ၼမ်ႉထူမ်ႈ ၼႂ်းဝၢၼ်ႈမိူင်းတၢတ်ႇ တင်းၼမ်။ လိူဝ်ၼၼ်ႉ ႁၢၼ်ႉၶၢႆၶူဝ်းတင်းဝၢၼ်ႈမိူင်းသဵင် လင်ႁိူၼ်းၵူၼ်းၵေႃႈထူမ်ႈပႃးၵမ်ႈၽွင်ႈ။
ၵူၼ်းဝၢၼ်ႈမိူင်းတၢတ်ႇ လၢတ်ႈဝႃႈ “ ပွၵ်ႈၼႆႉ ၼမ်ႉထူမ်ႈယႂ်ႇႁႅင်းလိူဝ်ၵူႈပွၵ်ႈ ၼမ်ႉထူမ်ႈထိုင်တိၼ်လွႆသၢင်းၶႅင်း လူးၵွၼ်ႇ” ဝႃႈၼႆ။
ဝၢၼ်ႈမိူင်းတၢတ်ႇ တင်းမူတ်း လင်ႁိူၼ်းမီး 100 ပၢႆယူႇတၢင်းၾၢႆႇႁွင်ႇဝဵင်းၼမ်ႉတူႈ ယၢၼ်ၵႆဝဵင်း မွၵ်ႈ 7 လၵ်း ဝႃႈၼႆ။
မိူဝ်ႈဝႃး ဝၼ်းတီႈ 03/10/2018 ၼၼ်ႉၵေႃႈ ဝၢႆးလင်ၾူၼ်လူင်တူၵ်းႁိူတ်ႇယဝ်ႉ ၼမ်ႉလႆၶဝ်ႈထူမ်ႈ တၢင်းၶဝ်ႈဢွၵ်ႇ ဝဵင်းလႄႈ ၼႃးၵူၼ်းဝၢၼ်ႈတင်းၼမ်တေႃႇထိုင်မိူဝ်ႈလဵဝ်ပႆႇယွမ်းလူင်း ၼႂ်းၸႄႈဝဵင်းမိူင်းပၼ်ႇ ဝႃႈၼႆ။
