မိူဝ်ႈဝႃး ဝၼ်းတီႈ 5/08/2026 ၸုမ်းၸွႆႈထႅမ်ၶဝ်ႈၼမ်ႉတၢင်းၵိၼ်လုမ်ႈၾႃႉ (WFP) ႁၢႆးငၢၼ်းဝႃႈ – ၶၢဝ်းမႆႈ(မိူင်းဝၼ်းတူၵ်း) ပီၼႆႉ (လိူၼ်ဢေႃႊၵတ်ႉသ် ထိုင် ဢွၵ်ႊထူဝ်ႊပိူဝ်ႊ) ဢႄႊၼီႊၺဵဝ်ႊ လတ်း၊ ႁႅင်းလူမ်းမႆႈသုင် ၶဝ်ႈၼမ်ႉတၢင်းၵိၼ်တေၶၢတ်ႇ ၵူၼ်းမိူင်းႁူဝ်ၼပ်ႉ 49 လၢၼ်ႉ တေထူပ်းတၢင်းယၢပ်ႇၽိုတ်ႇ ဝႃႈၼႆ။
ယွၼ်ႉတၢင်ႉႁႅင်းလူမ်းမႆႈၼႂ်းပၢင်ႇလၢႆႇပသိၾဵၵ်ႊသုင်သေ ယဵၼ်းပဵၼ်လူမ်းဢႄႊၼီႊၺဵဝ်ႊၽတ်ႉၶိုၼ်ႈၵုင်း တေႁဵတ်းႁႂ်ႈၾိင်ႈၾႃႉရႃႇသီႇ လုမ်ႈၾႃႉလႅၵ်ႈလၢႆႈ ။ ၼမ်ႉတေႁႅင်ႈ ၾူၼ်တေဢႄႇ ပွတ်းဢႅပ်ႉၾ်ရိၵၸၢၼ်းၸိူဝ်းၼႆႉ ယၢပ်ႇၽိုတ်ႇလွင်ႈၼမ်ႉပၼ်ႁႃၼမ်ႉဢေႇ ၾူၼ်ဢေႇ တၢင်းဢႃႊၾရိၵပွတ်းၸၢၼ်း လႄႈ ၾိင်ႈၾႃႉရႃႇသီႇလႅၵ်ႈလၢႆႈ ၾူၼ်တူၵ်းဢမ်ႇမႅၼ်ႈၸွမ်းၶၢဝ်းၼႂ်းပိုၼ်ႉတီႈၵမ်ႈၽွင်ႈ ဢေႊသျႃႊၸိူဝ်းၼႆႉ ဝႃႈၼႆ။
ၾၢႆႇၸုမ်းၸွႆႈထႅမ်ၶဝ်ႈၼမ်ႉတၢင်းၵိၼ်လုမ်ႈၾႃႉ (WFP) တႄႉႁၢႆးငၢၼ်းဝႃႈ – ၵွပ်ႈၶဝ်ႈၼမ်ႉတၢင်းၵိၼ် ဢမ်ႇၵုမ်ႇထူၼ်ႈလႄႈ ၵူၼ်းၸိူဝ်းလႆႈႁူပ်ႉပၼ်ႁႃၼႆႉယူႇၼၼ်ႉ တေၼမ်မႃးမွၵ်ႈ 49 လၢၼ်ႉၵေႃႉ ႁူဝ်ၼပ်ႉၵူၼ်းၸိူဝ်းႁူပ်ႉတၢင်းယၢပ်ႇၼႆႉ ၸၢင်ႈထိုင်ၵႂႃႇ 274 လၢၼ်ႉၵေႃႉ- ဝႃႈၼႆ။
လႆႈႁူႉဝႃႈ ၸိုင်ႈမိူင်းၸိူဝ်းၸၢင်ႈႁူပ်ႉၺႃးပၼ်ႁႃ တၢင်းမႆႈႁႅင်းဢႄႊၼီႊၺူဝ်ႊၼႆႉ မီးယူႇ 45 ၸိုင်ႈမိူင်း။ ဢိင်ၼိူဝ်ၼၼ်ႉသေ ၼပ်ႉသၢင်ႈတူၺ်းလွင်ႈပၼ်ႁႃတၢင်းၵိၼ်ယႅမ်ႉဢမ်ႇၵုမ်ႇထူၼ်ႈ ပေႃးၼပ်ႉသွၼ်ႇတူၺ်းၸွမ်း မိူဝ်ႈပူၼ်ႉမႃးၼၼ်ႉၸိုင် ႁူဝ်ၼပ်ႉၵူၼ်းၸိူဝ်းတူၵ်းတၢင်းယၢပ်ႇၽိုတ်ႇ တိူဝ်းၼမ်မႃးထႅင်ႈ 22 % ၼႆယဝ်ႉ။
ၼွၵ်ႈလိူဝ်ၵူၼ်းမိူင်းဢႃႊၾရိၵၸၢၼ်းယဝ်ႉ ၵူၼ်းမိူင်းၸိူဝ်းယူႇသဝ်းၼႂ်း ဢမေႊရိၵၸၢၼ်း လႄႈ ၵရိတ်ႊသ်ပီႊယၼ်ႊ မွၵ်ႈ 12 လၢၼ်ႉပၢႆၼၼ်ႉၵေႃႈ ၸၢင်ႈတူၵ်းယူႇၼႂ်းငဝ်းလၢႆး ၶဝ်ႈၼမ်ႉတၢင်းၵိၼ်ဢမ်ႇၵုမ်ႇထူၼ်ႈႁၢဝ်ႈႁႅင်းယူႇၼႆ WFP ႁၢႆးငၢၼ်းဝႆႉ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ