ဝၼ်းတီႈ 7/3/2026 ယၢမ်းၵၢင်ၼႂ် 10 မူင်း ၸၢႆးၼုမ်ႇၶပ်းရူတ်ႉၶိူင်ႈသူင်ႇတၢင်းၵိၼ်ၵေႃႉၼိုင်ႈ ၺႃးၼႄးဝႃႈၶပ်းရူတ်ႉၶိူင်ႈပၢတ်ႇၼႃႈၼႆသေ ၸၢႆးၼုမ်ႇၶီႇရူတ်ႉၶိူင်ႈမႃးမိူၼ်ၵၼ် 2 ၵေႃႉလူင်းမႃးထုပ်ႉပေႃႉထိုင်တီႈၵူၼ်းသူင်ႇတၢင်းၵိၼ်လိုမ်းတူဝ်ႁိမ်းၶၢင်ႈတၢင်း တီႈတၢင်းၶွႆႈ ၾႆးၶဵဝ်လႅင်မႄႈႁႄႉ ၸႄႈဝဵင်းမိူင်း ၵဵင်းမႂ်ႇ။
ၽွင်းၽူႈၸၢႆး 2 ၵေႃႉထုပ်ႉပေႃႉၵူၼ်းသူင်ႇတၢင်းၵိၼ်ယူႇၼၼ်ႉ သမ်ႉမီးၵူၼ်းမိူင်းၵေႃႉၼိုင်ႈ မႃးထၢႆႇႁၢင်ႈတူင်ႉဝီႊတီႊဢူဝ်ႊသေတၢင်ႇၶိုၼ်ႈတၢင်းၾဵတ်ႉသ်ပုၵ်ႉ။ ဢိင်ၼိူဝ်ၵၢင်ၸႂ်ၵေႃႉထုၵ်ႇပေႃႉထုပ်ႉၼၼ်ႉသေ ဢွၼ်ၵၼ်ၸႅင်ႈပလိၵ်ႈ။
ၶလိပ်ႉဝီႊတီႊဢူဝ်ႊၵေႃႈၽႄႈလၢမ်းၵႂႃႇတၢင်းဢွၼ်ႊလၢႆႊ ႁဵတ်းႁႂ်ႈၵူၼ်းႁၼ်တင်းၼမ်တင်းလၢႆ။
ၸၢႆးၵေႃႉသူင်ႇတၢင်းၵိၼ်ၼၼ်ႉတႄႉမၢတ်ႇၸဵပ်းႁၢဝ်ႈႁႅင်းထိုင်တီႈလႆႈႁၢမ်သူင်ႇႁူင်းယႃ။
ထိုင်မႃးယၢမ်းၵၢင်ဝၼ်း 1 မူင်းၶိုင်ႈ ၵူၼ်းၸၢႆး 2 ၵေႃႉဢၼ်ထုပ်ႉတီ ၵူၼ်းသူင်ႇတၢင်းၵိၼ်ၼၼ်ႉ ႁွင်ႉပႃးၽူႈတၢင်လၢတ်ႈသေ ၵႂႃႇမွပ်ႈတူဝ်တီႈပလိၵ်ႈ။ ပလိၵ်ႈထႆးတိုၵ်ႉၵူတ်ႇထတ်းထဵတ်ႈထၢမ်လွင်ႈပိူင်ပဵၼ်လႄႈတႃႇဢဝ်လိူင်ႈပၼ်တူတ်ႈတၢမ်ႇၵေႃႉၽိတ်းၼၼ်ႉယူႇဝႃႈၼႆ။
ၼုမ်ႇၸၢႆးၸႂ်ႁၢဝ်ႈၼႂ်းမိူင်းထႆးၼႆႉလွင်ႈၶီႇရူတ်ႉၶိူင်ႈလတ်းၼႃႈၵၼ်ၵူၺ်းၵေႃႈၵႆႉမီးလွင်ႈပေႃႉထုပ်ႉတီၵၼ် ပဵၼ်လွင်ႈပဵၼ်လၢဝ်း ဢဝ်လိူင်ႈၵၼ်။ မၢင်ပွၵ်ႈထိုင်တၢႆၵေႃႈမီး။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ