တပ်ႉသိုၵ်းလုၵ်ႉၽိုၼ်ႉမိူင်းဢီႊရၼ်ႊ IRGC ပိုၼ်ၽၢဝ်ႇတီႈ ႁူင်းပွႆႇငဝ်းႁၢင်ႈသဵင် ၸိုင်ႈမိူင်းၶဝ်ၼႂ်ၼႆ့ဝႃႈ ပိုတ်းယိုဝ်းတၢင်းၵၢင်ႁၢဝ်သႂ်ႇတပ်ႉပၢင်သဝ်း ဢမေႊရိၵၼ်ႊဢၼ်မီးမိူင်းႁိမ်းႁွမ်းယဝ်ႉ 14 ဢၼ် ၵူၼ်းသိုၵ်းဢမေႊရိၵၼ်ႊတၢႆယဝ်ႉ 200 ပၢႆဝႃႈၼႆ။
IRGC ပိုၼ်ၽၢဝ်ႇဝႃႈ ယိုဝ်းယႃႉလႆႈပႃး တပ်ႉ ရေႊၻႃႊ FP-132 ၶွင်ဢမေႊရိၵၼ်ႊဢၼ်မီးတီႈ တပ်ႉပၢင်သဝ်း ဢႄႊလ်ဢူႊတဵတ်ႊ ၸိုင်ႈမိူင်းၵႃႊၻႃႊ ဝႃႈၼႆ။
တပ်ႉရေႊၻႃႊဢၼ်ၼႆႉ ၸွပ်ႇၶၢဝ်ႇၶိူင်ႈမိၼ်လႆႈထိုင် 5000 ၵီႊလူဝ်ႊမီႊတႃႊ ဢီႊရၼ်ႊ လၢတ်ႈၼင်ႇၼႆ။
လိူဝ်ၼၼ်ႉ ၽွင်းလူင်ၾၢႆႇၼွၵ်ႈမိူင်း မိူင်းဢီႊရၼ်ႊ လႆႈသူင်ႇလိၵ်ႈၸူး ႁူဝ်ပဝ်ႈၶွင်ႇသီႇၾၢႆႇႁူမ်ႇလူမ်ႈ ၸၢတ်ႈၸိုင်ႈလုမ်ႈၾႃႉ ဝႃႈ ၵႃႈပဵၼ်တပ်ႉပၢင်သဝ်းၶွင် ဢမေႊရိၵၼ်ႊလႄႈ ဢိတ်ႉသ်ရေႊလ်ၼႆႉ ပဵၼ်ပဝ်ႉမၢႆၵၢၼ်သိုၵ်းၶဝ်ယဝ်ႉ ဝႃႈၼႆထႅင်ႈ သိုင်ႇၶၢဝ်ႇဢီႊရၼ်ႊ IRIB ပိုၼ်ၽၢဝ်ႇၼင်ႇၼႆ ။
သိုၵ်းဢမေႊရိၵၼ်ႊ လႄႈ ဢိတ်ႉသ်ရေႊ ပိုတ်းယိုဝ်းၸူးဢီႊရၼ်ႊ တၢင်းၵၢင်ႁၢဝ်ၸိူင်ႉၼႆၼႆႉ ပူၼ်ႉပႅၼ်လိၵ်ႈၵိၼ်ၵႅၼ်ႇၸၢတ်ႈၸိုင်ႈလုမ်ႈၾႃ့ တွၼ်ႈ 2 လႄႈ တွၼ်ႈ 4 ၵွပ်ႈၼႆ ဢီႊရၼ်ႊ ၵေႃႈ ႁဵတ်းၸွမ်း လိၵ်ႈၵိၼ်ၵႅၼ်ႇ ၸၢတ်ႈၸိုင်ႈလုမ်ႈၾႃႉ တွၼ်ႈ 51 ၵႅတ်ႇၶႄတူဝ် လႄႈၵႅတ်ႇၵင်ႈသုၼ်ႇလႆႈၵူၼ်း ဢၼ်ၵိူတ်ႇပႃးမႃးၸွမ်း ။
ၵွပ်ႈၼႆ တႃႇၵႅတ်ႇၶႄတူဝ်ၼၼ်ႉ တေၸႂ်ႉၶိူင်ႈၵႅတ်ႇၶႄတူဝ် မၢၵ်ႇၼူၾႆးဢၼ်ႁႅင်းသုတ်းၼၼ်ႉ ၼႆ ဢီႊပရႃႊႁိမ်ႊ ၵျႅပ်ႊပႃႊရီႊ ၽူႈၵွၼ်းတပ်ႉၸၼ်ႉသုင်ၼႂ်း IRGC လၢတ်ႈမိူဝ်ႈဝၼ်းတီႈ 28:02/2026 ၼၼ်ႉၼင်ႇၼႆ ။
Source; BBC, FOX
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ