ၶွမ်ႊမသျိၼ်ႊၵမ်ၵၢၼ်ပၢင်လိူၵ်ႈတင်ႈ မိူင်းႁူမ်ႈတုမ် တႂ်ႈဢၢမ်းၼၢတ်ႈသိုၵ်းမၢၼ်ႈယိုတ်းမိူင်း ပိုၼ်ၽၢဝ်ႇဢွၵ်ႇ မိူဝ်ႈဝၼ်းတီႈ 27/12/2025 ၼၼ်ႉဝႃႈ ပၢင်လိူၵ်ႈတင်ႈ ၵမ်းထူၼ်ႈ 3 ၼႆႉ ဢၼ်တေဢမ်ႇၸၢင်ႈၸတ်းလႃးလႃး ၼႂ်းမိူင်းႁူမ်ႈတုမ် မီး 64 ၸႄႈဝဵင်း ဝႃႈၼႆ။
ၼႂ်းၼၼ်ႉ ၼႂ်းမိူင်းတႆး တေပႃး 4 ၸႄႈဝဵင်း ပဵၼ်ၸႄႈဝဵင်းမၢၵ်ႇမၢင်၊ ၸႄႈဝဵင်းၾၢႆၶုၼ်၊ ၸႄႈဝဵင်းၵျွၵ်ႉမႄး လႄႈ ၸႄႈဝဵင်းသီႇပေႃႉ။
ၼႂ်းၸႄႈဝဵင်းမၢၵ်ႇမၢင်ၼႆႉ ပႃး 17 ဢိူင်ႇ၊ ၸႄႈဝဵင်းၾၢႆၶုၼ် ပႃး 10 ဢိူင်ႇ၊ ၸႄႈဝဵင်းၵျွၵ်ႉမႄး ပႃး 76 ဢိူင်ႇ ၸႄႈဝဵင်းသီႇပေႃႉ ပႃး 50 ဢိူင်ႇ ႁူမ်ႈသဵၼ်ႈ ပဵၼ် 153 ဢိူင်ႇ။ တင်းမူတ်း ႁူမ်ႈၵၼ်ၼႆႉ ပဵၼ် 1064 ဝၢၼ်ႈ ဝႃႈၼႆ။
မိူဝ်ႈပူၼ်ႉမႃးဝၼ်းတီႈ 5 လိူၼ်တီႊသႅမ်ႊပိူဝ်ႊၼၼ်ႉၵေႃႈ ပၢင်လိူၵ်ႈတင်ႈ ၵမ်းထိ ၼိုင်ႈ တင်း ၵမ်းထိ သွင်ၼႆႉ ဢၼ်ၸတ်းႁဵတ်းၵႂႃႇပၢင်လိူၵ်ႈတင်ႈပဵၼ် 2931 ဢိူင်ႇၼႆ ၶွမ်ႊမသျိၼ်ႊၵမ်ၵၢၼ်ပၢင်လိူၵ်ႈတင်ႈယၢမ်ႈပိုၼ်ၽၢဝ်ႇဢွၵ်ႇဝႆႉၼင်ႇၼႆ။
ယွၼ်ႉၼၼ် ပၢင်လိူၵ်ႈတင်ႈ ဢၼ်သိုၵ်းမၢၼ်ႈၼမ်းၸတ်းၼႆႉ ဢွင်ႈတီႈဢမ်ႇပဵၼ်ၸတ်းပၢင်လိူၵ်ႈတင်ႈတင်းမူတ်းမီး 64 ၸႄႈဝဵင်း၊ ဢိူင်ႇၸိူဝ်းဢမ်ႇပဵၼ်ၸတ်းပၢင်လိူၵ်ႈတင်ႈ ႁႂ်ႈပေႃးၸွတ်ႇၸေးၵူႈဝၢၼ်ႈၼၼ်ႉ မီးမွၵ်ႈ 4000 ဢိူင်ႇ ၼႆယဝ်ႉ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ