တႄႇဝၼ်းတီႈ 25/12/2025 ၶႃႈႁၢပ်ႇၵၢၼ်ၶုၼ် ၼႂ်းၸုမ်းၶွမ်ႊမသျိၼ်ႊၵမ်ၵၢၼ်ပၢင်လိူၵ်ႈတင်ႈ မိူင်းႁူမ်ႈတုမ် တႂ်ႈဢၢမ်းၼၢတ်ႈသိုၵ်းမၢၼ်ႈယိုတ်းမိူင်း ႁၢင်ႈႁႅၼ်း ဢဝ်ၶိူင်ႈၸၢၵ်ႈတႃႇၵူၼ်းမိူင်းၼဵၵ်း (တဵၵ်း) ပၼ်သဵင်ၵၢင်ၸႂ် ၸႅၵ်ႇ ပၼ်ၸႄႈဝဵင်းဢၼ်တေမီးပၢင်လိူၵ်ႈတင်ႈ တင်း 3 ၸုပ်ႈ 3 ၵမ်းၼႂ်းမိူင်းတႆး ။
ၸွမ်းၼင်ႇ ႁွင်ႈၵၢၼ်သိုဝ်ႇတႂ်ႈသိုၵ်းမၢၼ်ႈ ယိုၼ်ယၼ်ဢွၵ်ႇဝႆႉတႄႉ ၶိူင်ႈၸၢၵ်ႈၸိူဝ်းၼႆႉ သူင်ႇၵႂႃႇဝႆႉၸွမ်း ႁူင်းပၼ်သဵင် တႃႇတွတ်ႈၶႅပ်းၵၢင်ၸႂ် ၼႂ်းဝဵင်းမူႇၸေႊ၊ ဝဵင်းလႃႈသဵဝ်ႈ၊ ဝဵင်း ၼွင်ၶဵဝ်၊ ဝဵင်းပင်ႈတရႃႉ(ပၢင်လႃႈ)၊ ဝဵင်းႁူဝ်ပူင်း၊ ဝဵင်းတူၼ်ႈတီး၊ ဝဵင်းၼမ်ႉၸၢင်၊ ဝဵင်းလၢင်းၶိူဝ်း၊ ဝဵင်းလွႆလႅမ်၊ ဝဵင်းၵဵင်းတုင်၊ ဝဵင်းတႃႈၶီႈလဵၵ်း၊ ဝဵင်းမိူင်းသၢတ်ႇ ယဝ်ႉတူဝ်ႈလီငၢမ်း ၼႆယဝ်ႉ။
လိူဝ်ၼၼ်ႉ ၶိူင်ႈၸၢၵ်ႈတႃႇႁူင်းပၼ်သဵင်ၸိူဝ်းတေလႆႈၸတ်းႁဵတ်းၼႂ်းၵမ်းထိ 2 လႄႈ ၵမ်းထိ 3 ၼၼ်ႉၵေႃႈ ၸႅၵ်ႇပၼ်ဝႆႉပႃးၵမ်းသိုဝ်ႈ ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ