ဝၼ်းတီႈ16/11/2025 ၼႂ်းဝၼ်းလဵဝ်ၵူၺ်း ပလိၵ်ႈထႆး ၵူတ်ႇထတ်းၵူၼ်းလၵ်ႉလွမ်ၶဝ်ႈမိူင်း ထူပ်းႁၼ်ၵူၼ်းမိူင်းမၢၼ်ႈၸိူဝ်းဢမ်ႇမီးဝတ်းဝႂ်သင် တီႈဝဵင်းၵဵင်းမႂ်ႇလႄႈ ၵၢၼ်ႊၶျၼပူႊရီႊ တီႉၺွပ်းလႆႈ 38 ၵေႃႉဝႃႈၼႆ။
မိူဝ်ႈဝႃးယၢမ်းၵၢင်ၼႂ်ၸဝ်ႉပလိၵ်ႈထႆး ပႂ်ႉၵူတ်ႇထတ်းၼိူဝ်သဵၼ်ႈတၢင်းၵဵင်းမႂ်ႇလူင်းၵုင်းထဵပ်ႈမိူင်းၵွၵ်ႇ ၵူတ်ႇထတ်းရူတ်ႉၵႃးလမ်းၼိုင်ႈ တၢင်ႇၵူၼ်းမိူင်းမၢၼ်ႈဢမ်ႇမီးဝတ်းဝႂ်သင်မႃး 9 ၵေႃႉ။ ၸိူဝ်းၶဝ်လၢတ်ႈဝႃႈလႆႈပၼ်ၵႃႈၸၢင်ႈၵေႃႉ 700 ဝၢတ်ႇ တႃႇၵႂႃႇႁႃၵၢၼ်တီႈဝဵင်းလူင်ၵုင်းထဵပ်ႈဝႃႈၼႆ။
မိူၼ်ၼႆၼင်ႇၵဝ်ႇၼႂ်းဝၼ်းတီႈ 16/11/2025 ၼႆႉၵူၺ်း ပလိၵ်ႈထႆးၵူတ်ႇထတ်းတီႈၺွပ်းလႆႈထႅင်ႈၵူၼ်းမိူင်းမၢၼ်ႈ 29 ၵေႃႉဢၼ်ပႂ်ႉဝႆႉတီႈႁွင်ႈႁွင်ႈၼိုင်ႈ တီႈဝၢၼ်ႈ ၼွင်ပူဝ်ႊ ၸႄႈတွၼ်ႈၵၢၼ်ႊၶျၼပူႊရီႊ ဢၢၼ်းတေၵႂႃႇႁဵတ်းၵၢၼ်မိူင်းမလေးသျႃႊဝႃႈၼႆ။
ၸိူဝ်းၶဝ်ၼႆႉ လုၵ်ႉမိူင်းမၢၼ်ႈမႃး တေလတ်းမိူင်းထႆးသေတေၵႂႃႇမလေးသျႃႊ -လႆႈပၼ်ၵႃႈၸၢင်ႈ ၼိုင်ႈၵေႃႉ 55000 ထိုင် 65000 ဝၢတ်ႇ ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ