ဝၼ်းတီႈ 16/11/2025 မိူဝ်ႈဝႃးယၢမ်းၵၢင်ၼႂ် ပလိၵ်ႈထႆး လမ်းတီႉၵူၼ်းၸၢႆးၵေႃႉၼိုင်ႈ ပွႆႇပူၺ်သေ ၶီႇရူတ်ႉၶိူင်ႈၵႂႃႇမႃးၵၢင်ဝဵင်း ၶလွင်ႊလၢၼ်ႊ ၸႄႈတွၼ်ႈၵမ်ႊၽႅင်ႊၽဵတ်ႊ မိူင်းထႆး။
ၵူၼ်းၸၢႆးၵေႃႉၼၼ်ႉ ပဵၼ်ၾရင်ႇ(ၸၢဝ်းတၢင်ႇၸၢတ်ႈ) ဢၼ်မႃးဢဝ်မေးတီႈဝဵင်းၶလွင်ႊလၢၼ်ႊ သေယူႇသဝ်းဝႆႉတီႈၼၼ်ႉ။ မၼ်းၸၢႆးမီးဢႃယုမွၵ်ႈ 30 ပီ။
ၼႂ်းဝႃးၼႆႉမၼ်းၸၢႆးပွႆႇပူၺ်သေၵႂႃႇတဝ်ၼႂ်းၵၢတ်ႇၽတ်းထၼႃး ၶလွင်ႊလၢၼ်ႊ။ ႁဵတ်းႁႂ်ႈၵူၼ်းၼႂ်းၵၢတ်ႇဢွၼ်ၵၼ်တူၵ်းၸႂ်။
ဝၢႆးၼၼ်ႉပလိၵ်ႈၸႄႈဝဵင်းလိုပ်ႈလမ်းၸွမ်းလင်မၼ်းၸၢႆးသေ ႁွတ်ႈထိုင်ႁိူၼ်းယေးမၼ်းၸၢႆး။ ထူပ်းၺႃးတင်းမေးၼၢင်းမၼ်းၸၢႆးလၢတ်ႈဝႃႈ – ၽူဝ်မၼ်းၼၢင်းၼႆႉ ၵိၼ်လဝ်ႈၵိၼ်ပီႊယႃႊၼမ်။ သူႇယႃႈၼမ်သေလႄႈဢဝ်ပဵၼ်ၸႂ်ဢမ်ႇမၢၼ်ႇပႅတ်ႈ။ ၽွင်းတိုၵ်ႉၵႂႃႇႁႃၵူၼ်မႃးၼုင်ႈပၼ်ၽူဝ်မၼ်းယူႇၼၼ်ႉ ၽူဝ်မၼ်းဢွၵ်ႇႁိူၼ်းၵႂႃႇ ဢမ်ႇတၼ်းႁၼ်ဝႃႈၵႂႃႇတၢင်းလႂ်။ ၽူဝ်မၼ်းမီးလွင်ႈသုၵ်ႉၸႂ်- ႁႅင်းၸႂ်တူၵ်း မိူၼ်ၶႂ်ႈပဵၼ်တၢင်းပဵၼ်ပၢႆးၸႂ်ဝႆႉလႄႈတေႁဵတ်းႁိုဝ်ႁႃလၢႆးတၢင်းၵႄႈလိတ်ႈဢမ်ႇႁူႉ – ဝႃႈၼႆ။
ၵူၺ်းၵႃႈယူႇတီႈပလိၵ်ႈတႄႉ ႁွင်ႉဢဝ်ၶႃၽူဝ်မေး ၵႂႃႇတီႈႁူင်းပလိၵ်ႈသေသိုပ်ႇၵူတ်ႇထတ်းထႅင်ႈ။ ဢိင်ၼိူဝ်လွင်ႈယူႇသဝ်းဢမ်ႇထုၵ်ႇမႅၼ်ႉၾိင်ႈပိူင် ၊ ႁဵတ်းႁႂ်ႈၵူၼ်းမိူင်းတူၵ်းၸႂ်ၼႆသေ တေပၼ်တူတ်ႈတၢမ်ႇၵႂႃႇလူၺ်ႈပၵ်းပိူင်မၢႆမီႈၸိုင်ႈမိူင်းမီးဝႆႉ- ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ