ၼႂ်းဝၼ်းတီႈ 29/10/2025 ၼႆႉ သိုၵ်းမၢၼ်ႈယိုတ်းမိူင်း တင်း သိုၵ်းတဢၢင်း TNLA ၵိုတ်းတိုၵ်းၵၼ်ပဵၼ်တၢင်းၵၢၼ်။

ဝဵင်းမိူင်းၵုတ်ႈ တင်း ဝဵင်းမိူင်းမိတ်ႈ ဢၼ်ၸုမ်း PDF လႄႈ သိုၵ်းတဢၢင်းႁူမ်ႈၵၼ် ယိုတ်းၵုမ်းဝႆႉၼၼ်ႉ တေလႆႈပၼ်သိုၵ်းမၢၼ်ႈ ၽွင်းငမ်းၶိုၼ်း။
ဢိင်ၼိူဝ်လွင်ႈၼႆႉသေ PDF မိူင်းၵုတ်ႈ (မိူင်းၵုတ်ႈ ပိဝ်ႇႁႃႇ) ပိုၼ်ၽၢဝ်ႇဢွၵ်ႇမႃးဝႃႈ – ဝဵင်းမိူင်းၵုတ်ႈၼႆႉ သိုၵ်းတဢၢင်း တေပွႆႇပၼ်သိုၵ်းမၢၼ်ႈ ၶဝ်ႈၵုမ်းၶိုၼ်းသေတႃႉ၊ တေဢမ်ႇၵူဝ် လၢႆးမိူၵ်ႈလိူင်း လၢႆးႁုၵ်ႉႁၢႆႉသိုၵ်းမၢၼ်ႈသေ တေသိုပ်ႇလုၵ်ႉၽိုၼ်ႉၵႂႃႇ။ တႃႇတေဢွၵ်ႇပဵၼ်မႃးလႆႈ ၾႅၼ်ႊတရႄႊတီႊမူဝ်ႊၶရေႊသီႇၼၼ်ႉ တေႁူမ်ႈႁွမ်းၵၼ်တင်း ၸုမ်းလုၵ်ႉၽိုၼ်ႉတၢင်ႇၸုမ်းၵႂႃႇထႅင်ႈ ဝႃႈၼႆ။

မိူဝ်ႈၽႅၼ်ၵၢၼ်ယၼ်ႇသိုၵ်း တႆး – မၼ်းတလေး ၼၼ်ႉ တပ်ႉၸုမ်း မိူင်းၵုတ်ႈပိဝ်ႇႁႃႇၶဝ် လႆႈႁူမ်ႈၵၼ်တင်း ၸုမ်းလုၵ်ႉၽိုၼ်ႉဝဵင်းလိူဝ်ႇ MDY PDF သေ ၶဝ်ႈပၢင်တိုၵ်းမႃး။

ဝၢႆးလင် သိုၵ်းတဢၢင်း ပိုၼ်ၽၢဝ်ႇၵိုတ်းတင်းသိုၵ်းမၢၼ်ႈၼၼ်ႉ ၸုမ်းၽုၵ်ႉၽိုၼ်ႉဝဵင်းလိူဝ်ႇ MDY PDF ၵေႃႈ ပိုၼ်ႇၽၢဝ်ႇဢွၵ်ႇမႃးဝႃႈ တေသိုပ်ႇၶဝ်ႈပၢင်တိုၵ်း လုၵ်ႉၽိုၼ်ႉသိုၵ်းမၢၼ်ႈၵႂႃႇ ဝႃႈၼႆ။