ပၢင်ယုၵ်ႉယွင်ႈ ပၼ် သူးငမ်းယဵၼ်ၼူဝ်ႊပႄႊလ် (Nobel Peace Prize) ၼႆႉ ၸတ်းႁဵတ်းၵႂႃႇ ၼႂ်းဝၼ်းတီႈ 10/10/2025 တီႈမိူင်းၼေႃႊဝေႊ။
တႃႇပီ 2025 ၼႆႉ မရီႊယႃႊ ၶေႃႊရီႊၼႃႊ မႃႊၶျႃႊတူဝ်ႊ (Maria Corina Machado) ၽူႈတူင်ႉၼိုင်ၾၢႆႇ တီႊမူဝ်ႊၶရေႊသီႊ မိူင်းဝႅၼ်ႊၼီႊသွႆႊလႃး လႆႈၵႂႃႇ ဝႃႈၼႆ။
မၼ်းၼၢင်းၼႆႉ ပဵၼ်ၽူႈဢွၼ်ႁူဝ်ပႃႇတီႇ ဝႅၼ်ႊတီႊ ဝႅၼ်ႊၼီႊသွႆႊလႃး (Vente Venezuela)။ ၼႂ်းပီ 2017 ၼႆႉ ၶွတ်ႇၽွတ်ႈၸုမ်းဢူၺ်းလီ Soy Venezuela သေ ၸွႆႈထႅမ်ပၼ် တႃႇၸုမ်း တီႊမူဝ်ႊၶရေႊသီႊ ႁူမ်ႈတုမ်ၵၼ်။
ယွၼ်ႉမၼ်းၼၢင်း ႁဵတ်းသၢင်ႈ သုၼ်ႇလႆႈသုၼ်ႇပဵၼ် တီႊမူဝ်ႊၶရေႊသီႊ တႃႇၵူၼ်းမိူင်း ဝႅၼ်ႊၼီႊသွႆႊလႃး၊ လုၵ်ႉတီႈပိူင် ၸဝ်ႈဢႃႇၼႃႇသေ တႃႇတေလႅၵ်ႈလၢႆႈပိူင်ငမ်းယဵၼ်ၽဵင်ႇပဵင်း တီႊမူဝ်ႊၶရေႊသီႊၼၼ်ႉ မၼ်းၼၢင်းတူင်ႉၼိုင်ၶတ်းၸႂ်မႃးလႄႈ ၸင်ႇလႆႈယုၵ်ႉယွင်ႈတွၼ်ႈပၼ်သူးၼႆႉၼႆ ၸုမ်းၾၢႆႇလိူၵ်ႈပၼ်သူးၶဝ် ပိုၼ်ၽၢဝ်ႇဝႆႉ ၼင်ႇၼႆ။
ၵွၼ်ႇပႆႇထိုင်ပၢင်ယိုၼ်ႈမွပ်ႈတွၼ်ႈသူးၼႆႉ ၸွမ်ၸိုင်ႈ မိူင်းဢမေႊရိၵၼ်ႊ တေႃႇၼႄႇလ်ထရမ်ႉ လၢတ်ႈဢွၵ်ႇဝႆႉဝႃႈ မၼ်းၸႆၢး မုင်ႈမွင်းတႃႇလႆႈသူးငမ်းယဵၼ် ၼူဝ်ႊပႄႊလ် ၼႆယူႇ။ ၵူၺ်းၵႃႈ သဵၼ်ႈမၢႆတၢင်ႇယိုၼ်ႈၸိုဝ်ႈ တႃႇပၼ်သူးၼႆႉ လႆႈဢိုတ်းၵႂႃႇ ၼႂ်းလိူၼ်ထူၼ်ႈၼိုင်ႈ (January) ၽွင်းမိူဝ်ႈ ထရမ်ႉ တႄႇၶိုၼ်ႈပဵၼ်ၶိုၼ်း ၸွမ်ၸိုင်ႈ ဢမေႊရိၵၼ်ႊ ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ