လူင်ပွင်ၸိုင်ႈမႂ်ႇမိူင်းထႆးပိုၼ်ၽၢဝ်ႇပၵ်းပိူင်မၢႆမီႈမႂ်ႇ ႁၢမ်ႈၶၢႆလဝ်ႈ/ပီႊယႃႊတေႃႇၵူၼ်းၼုမ်ႇဢႃယုပႃႈတႂ်ႈ 20 ပီ ။
မၢႆမီႈၼႆႉ တေတႄႇၸႂ်ႉဝၼ်းတီႈ 8/11/2025 ။ ၵူၼ်းၶၢႆလဝ်ႈ ၶၢႆပီႊယႃႊ လႄႈ ၼမ်ႉဢၼ်ၸၢင်ႈမိင်းမဝ်းတင်းသဵင်ႈ ပေႃးပဵၼ်ၵူၼ်းၼုမ်ႇမႃးသိုဝ်ႉ တေလႆႈယွၼ်းတူၺ်း ဝတ်းဝႂ်(မၢႆၾၢင်)ၵွၼ်ႇ၊ သင်ၵူၼ်းသိုဝ်ႉမီးဢႃယု 20 ပီလူင်းတႂ်ႈ တိုၼ်းတေဢမ်ႇလႆႈၶၢႆပၼ်။
ၽႂ်ပူၼ်ႉပႅၼ်တေပၼ်တူတ်ႈတၢမ်ႇၶွၵ်ႈ 1 ပီ လႄႈ တၢမ်ႇငိုၼ်း 1 သႅၼ်ဝၢတ်ႇဝႃႈၼႆ။
ပၵ်းပိူင်မၢႆမီႈၼႆႉ ႁွင်ႈၵၢၼ်ၽွင်းလူင်ၾၢႆႇၵုမ်းလွင်ႈၵႃႉၶၢႆၼမ်ႉမိင်းမဝ်း ၶိုၼ်းမူၼ်ႉမႄးထႅမ်ထွၼ်ၽိူမ်ႉသႂ်ႇမႂ်ႇမႂ်ႇ၊ ဢဝ်မႃးဢုပ်ႇၵုမ် တူၵ်းလူင်းၵၼ်ၼႂ်းသၽႃးသေ ၸဝ်ႈမုၼ်ယႂ်ႇၶုၼ်ႁေႃၶမ်းထႆး လူင်းလၢႆးမိုဝ်းမၵ်းမၼ်ႈပၼ်ၸဵမ်မိူဝ်ႈ ဝၼ်းတီႈ 09/09/2025 ။ ဝၢႆးလင်ၼၼ်ႉၶၢဝ်းတၢင်း 60 ဝၼ်းၸင်ႇတေၸႂ်ႉပဵၼ်တၢင်းၵၢၼ်ၼႆလႄႈ တေတူၵ်းမႅၼ်ႈဝၼ်းတီႈ 8/11/2025 တေမႃးၼႆႉ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ