ႁိူၼ်း တွၵ်ႊတိူဝ်ႊ မၼမ်တူးၵျႃႇ ႁူဝ်ပဝ်ႈပႃႇတီႇၵူၼ်းမိူင်း ၸႄႈမိူင်းၶၢင် KSPP လႄႈ ႁိူၼ်း တေႃႇတွႆးပူႇ ၽူႈၶဝ်ႈၸုမ်း ၾၢႆႇပွင်ၵၢၼ်ၶွင်ႇသီႇသိုၵ်းမၢၼ်ႈ တီႈဝဵင်းၸေႊၼႃး မိူင်းၶၢင်ၼၼ်ႉ ၺႃးၸုမ်းဢမ်ႇႁူႉၾၢႆႇ မႃးပွႆႇမၢၵ်ႇသႂ်ႇ ႁဵတ်းႁႂ်ႈႁိူၼ်းယေးလူႉၵွႆ။
ၼႂ်းဝၼ်းတီႈ 07/07/2025 ယၢမ်းဝၢႆးဝၼ်း 3 မူင်းပၢႆ ၵူၼ်းဢမ်ႇႁူႉၾၢႆႇ မႃးထိုမ်ႈမၢၵ်ႇသႂ်ႇၼႂ်းဝၢင်းႁိူၼ်း တေႃႇတွႆးပူႇ ၼႂ်းပွၵ်ႉၸီႇတႃႇပူႇလႄႈ ႁိူၼ်းႁူဝ်ပဝ်ႈပႃႇတီႇ KSPP ၼႂ်းပွၵ်ႉယူႉၸၼ ဝဵင်းၸေႊၼႃး လွင်ႈၵူၼ်းမၢတ်ႇၸဵပ်းလူႉတၢႆတႄႉ ဢမ်ႇမီး ဝႃႈၼႆ။
တေႃႇတွႆးပူႇၼႆႉ မိူဝ်ႈၼၼ်ႉ ႁပ်ႉပဵၼ်ၵႅမ်ႁူဝ်ပဝ်ႈ 1 ၼႂ်းပႃႇတီႇ KSPP သေ ဝၢႆးတပ်ႉသိုၵ်းမၢၼ်ႈယိုတ်းမိူင်း ထုၵ်ႇယုၵ်ႉယွင်ႈ ပၼ်ပုၼ်ႈၽွၼ်းၼႂ်းၸုမ်းပွင်ၵၢၼ်ၶွင်ႇသီႇသိုၵ်းမၢၼ်ႈမႃး တေႃႇထိုင်ယၢမ်းလဵဝ်။
ပႃႇတီႇၵူၼ်းမိူင်း ၸႄႈမိူင်းၶၢင် KSPP ၼႆႉ ယိုၼ်ႈတၢင်ႇဝႆႉ တႃႇၶဝ်ႈပၢင်လိူၵ်ႈတင်ႈ ဢၼ်သိုၵ်းမၢၼ်ႈ တေၸတ်းၼႂ်းႁၢင်ပီ 2025 ၼႆႉ – သိုဝ်ႇၶၢဝ်ႇ The Irrawaddy ဢွၵ်ႇဝႆႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ