သိုဝ်ႇၶၢဝ်ႇထႆး Bangkok Post ႁၢႆးငၢၼ်းဝႆႉဝႃႈ – ၼၢင်းယိင်းၵေႃႉၼိုင်ႈ တီႈမိူင်းၵွၵ်ႇ (ၵုင်းထဵပ်ႈ) ၸိုင်ႈထႆး ၵႂႃႇသမ်း filler တီႈႁိမ်းႁွမ်းသူပ်းသေ ဢမ်ႇမႅၼ်ႈယႃႈယႃလႄႈ ႁဵတ်းႁႂ်ႈသီသူပ်း ၸဵပ်းၵႂ်ႈ မႃး ထိုင်တီႈလႆႈၶၢမ်ႇယူတ်းယႃတူဝ် ဝႃႈၼႆ။
ၼၢင်းယိင်းၵေႃႉၼၼ်ႉ ၸိုဝ်ႈႁွင်ႉဝႃႈ ၵိတ်ႇတီႇယႃႇ မီႇၼႃႇရူႇၵျီႇ (Kittiya Menaruji)။ ဢွၼ်တၢင်း သုတ်း မၼ်းၼၢင်းၵႂႃႇသမ်း filler 1 cc တီႈၵၢင်း၊ မိူဝ်ႈၼၼ်ႉ ႁဵတ်းႁႂ်ႈၵႂ်ႈမႃးဢိတ်ႉၼိုင်ႈသေတႃႉ မၼ်းၼၢင်းထၢင်ႇဝႃႈပဵၼ်လွင်ႈထမ်ႇမတႃႇၵူၺ်းၼႆသေ ၶိုၼ်းၵႂႃႇသမ်းထႅင်ႈ ၵမ်းထူၼ်ႈသွင်၊ လိူဝ် ၼၼ်ႉ ၶိုၼ်းသမ်း 2 cc ၼႂ်းၵႄႈသူပ်းလႄႈ ၶူႈၼင် ၵမ်းၼိုင်ႈ၊ သမ်း 1 cc တီႈသူပ်းထႅင်ႈၵမ်းၼိုင်ႈ။
ဝၢႆးၼၼ်ႉ ႁဵတ်းႁႂ်ႈမၼ်းၼၢင်း ဢမ်ႇမႅၼ်ႈတင်းယႃႈယႃႁၢဝ်ႈႁႅင်း ထိုင်တီႈ ၵိုင်ႉၵၢင်ႉ လႆႈၵႂႃႇယူတ်း ယႃတူဝ် တီႈႁူင်းယႃ။ လႆႈၸႂ်ႉၶၢဝ်းယၢမ်းႁိုင် ၼိုင်ႈဝူင်ႈပၢႆသေ ၼႃႈတႃၸင်ႇမိူၼ်ၵဝ်ႇၶိုၼ်း ဝႃႈၼႆ။
ၵွပ်ႈၼၼ်လႄႈ မၼ်းၼၢင်းလၢတ်ႈၾၢင်ႉဝႆႉဝႃႈ ၽႂ်သေဢမ်ႇဝႃႈ သင်တေၵႂႃႇႁဵတ်းႁၢင်ႈႁဵတ်းၾၢင် (ၾၢႆႇလွင်ႈတၢင်းႁၢင်ႈလီ) ၸိုင် ထုၵ်ႇလီၾၢင်ႉသတိဝႃႈ ၸွင်ႇမီးယႃႈယႃ ဢၼ်ဢမ်ႇမႅၼ်ႈၸွမ်း တူဝ်ၸဝ်ႈၵဝ်ႇ ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ