ဝၼ်းတီႈ 28/05/2025 ယၢမ်းၵၢင်ၼႂ်မွၵ်ႈ 10 မူင်း ၾႆးမႆႈႁၢၼ်ႉၵျေႃႇမူၼ်ႈ Cowboy Bar ဢၼ်မီး တီႈၼႂ်းၸႄႈဝဵင်းၶျၢၼ်းဢေးတႃႇသၢၼ်ႇ ဝဵင်းလိူဝ်ႇ ၼၢင်းယိင်း 4 ၵေႃႉ တၢႆၵိုၵ်း ၾႆး ဝႃႈၼႆ။
ၼၢင်းယိင်း 4 ၵေႃႉၼၼ်ႉ ပဵၼ်ၵူၼ်းႁဵတ်းၵၢၼ်ၼႂ်းႁၢၼ်ႉၵျေႃႇမူၼ်ႈ။ ၽွင်းမိူဝ်ႈဢွၵ်ႉလဵၵ်း (သေႃႇလဵၵ်း) ယူႇၼၼ်ႉ ၾႆးတႄႇလၢမ်းမႆႈၵႂႃႇၼႂ်းႁၢၼ်ႉ၊ လွင်ႈလူႉသုမ်းမီးၵႃႈႁိုဝ် ဢၼ်ဝႃႈၼၼ်ႉတႄႉ ပႆႇၸၢင်ႈယိုၼ်ယၼ်ၼႆ ၽူႈၸမ်ၸႂ်တင်း ႁွင်ႈၵၢၼ် ၾၢႆႇၶႄၾႆး တွပ်ႇဝႆႉတီႈသိုဝ်ႇ VOM ၼင်ႇၼႆ။
ၽႅၼ်ႇလိၼ်ဝႆႁၢဝ်ႈႁႅင်း မိူဝ်ႈႁၢင်လိူၼ်မၢတ်ႊၶျ်ပူၼ်ႉမႃးၼၼ်ႉ ႁၢၼ်ႉၵျေႃႇမူၼ်ႈ Cowboy Bar ၵေႃႈ မီးလွင်ႈလူႉၵွႆၼမ်သေ တိုၵ်ႉမူၼ်ႉမႄးဝႆႉ တေႃႇထိုင်ယၢမ်းလဵဝ် ယင်းပႆႇပိုတ်ႇ ၶိုၼ်း။
မိူဝ်ႈဝူင်ႈပူၼ်ႉမႃး ဝၼ်းတီႈ 22 ၼၼ်ႉၵေႃႈ ၾႆးမႆႈတီႈဝဵင်းၵျွၵ်ႉသႄႇ တိူင်းဝဵင်းလိူဝ်ႇ ၼၢင်းယိင်း 4 ၵေႃႉ ပဵၼ်ၵူၼ်းႁိူၼ်းလဵဝ်ၵၼ် တၢႆၵိုၵ်းၾႆး၊ ၶူဝ်းၶွင်ႁိူၼ်းယေးၵေႃႈ လူႉသုမ်းၵႂႃႇတင်းၼမ်။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ