မိူဝ်ႈၼႆႉ ဝၼ်းတီႈ 22/05/2025 ႁွင်ႈၵၢၼ် ၾၢႆႇပၢႆးပၺ်ႇၺႃႇ တႂ်ႈသိုၵ်းမၢၼ်ႈ ၵုမ်းၵမ် ပိုၼ်ၽၢဝ်ႇဢွၵ်ႇပဵၼ်တၢင်းၵၢၼ်ဝႃႈ တႄႇဝၼ်းတီႈ 23 လိူၼ်မေႊတေႃႇထိုင် လိူၼ်ၵျုၼ်ႊ 1 ဝၼ်း ပိုတ်ႇႁပ်ႉသဵၼ်ႈမၢႆ လုၵ်ႈႁဵၼ်းၸိူဝ်းၶႂ်ႈ ၶိုၼ်ႈႁူင်းႁဵၼ်း လူင်ပွင်ၸိုင်ႈမိူင်းႁူမ်ႈတုမ်ယဝ်ႉ ဝႃႈၼႆ။
တႃႇပီၵၢၼ်ႁဵၼ်း 2025-2026 ၼႆႉ ႁွင်ႈၵၢၼ် ၾၢႆႇပၢႆးပၺ်ႇၺႃႇ တႄႇပိုတ်ႇႁပ်ႉလုၵ်ႈဢွၼ်ႇ ၸိူဝ်းဢႃယု 5 ၶူပ်ႇ ၶိုၼ်ႈၼိူဝ် ၶဝ်ႈၼႂ်းႁူင်းႁဵၼ်း။ ၶႃႈႁၢပ်ႇၵၢၼ်ၶုၼ် ၼႂ်းႁွင်ႈၵၢၼ် ပၢႆးပၺ်ႇၺႃႇ ၵူႈၵေႃႉ တိုၼ်းတေဢမ်ႇ လႆႈႁပ်ႉငိုၼ်းတွင်းလႄႈ ၶူဝ်းတွၼ်ႈတီႈပေႃႈမႄႈလုၵ်ႈဢွၼ်ႇႁဵၼ်း။
ၸွမ်းၼင်ႇသဵၼ်ႈမၢႆ ႁွင်ႈၵၢၼ် ၾၢႆႇပၢႆးပၺ်ႇၺႃႇ ၵဵပ်းႁွမ်တွမ်ဝႆႉၼၼ်ႉ ၼႂ်းပီၵၢၼ်ႁဵၼ်း 2024-2025 ၼႆႉ လုၵ်ႈႁဵၼ်းၸိူဝ်းၵႂႃႇလူင်းသဵၼ်ႈၸိုဝ်ႈ ၶိုၼ်ႈႁူင်းႁဵၼ်း ၼႂ်းမိူင်းႁူမ်ႈတုမ်ၼႆႉ မီးယူႇ 6,275,691 ၵေႃႉ။ လုၵ်ႈဢွၼ်ႇ ၸိူဝ်းႁဵၼ်းသွၼ်ဢဝ်လိၵ်ႈလၢႆး တီႈႁူင်းႁဵၼ်းသုၼ်ႇတူဝ် (သုၼ်ႇလဵဝ်) လႄႈ ၵျွင်းၸဝ်ႈမုၼ်ၼႆႉ မီးယူႇ 1,792,808 ၵေႃႉ ဝႃႈၼႆ။
တႅမ်ႈ – ၽူၺ်းၼုမ်ႇ
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ