သိုၵ်းမၢၼ်ႈ ပိုၼ်ၽၢဝ်ႇ ၼႂ်းလိၵ်ႈၽိုၼ်ၶၢဝ်ႇသိုၵ်းမၢၼ်ႈၵုမ်းၵမ် မိူဝ်ႈဝၼ်းတီႈ 05/05/2025 ၼႆႉမႃး ၼင်ႇႁိုဝ် တေပိုတ်ႇႁွင်ႈၵၢၼ်ၽွင်းလူင် တင်းသဵင်ႈၼၼ်ႉ ယၢမ်းလဵဝ် ၵေႃႇသၢင်ႈဝႆႉ ႁိူၼ်းယေးဢၼ်ယႃႉလႆႈ သႂ်ႇလႆႈငၢႆႈ (Modular House) ၼၼ်ႉယူႇ ဝႃႈၼႆ။
ၽိုၼ်လိၵ်ႈ ၽိုၼ်လၢႆးလႄႈ ၶိူင်ႈၸႂ်ႉတိုဝ်း ဢၼ်တေလူဝ်ႇၸႂ်ႉ ၼႂ်းၶၵ်ႉၵၢၼ်ပၢင်လိူၵ်ႈတင်ႈ ဢၼ်တေ ၸတ်းႁဵတ်း ၼႂ်းႁၢင်ပီ 2025 ဢမ်ႇၼၼ် ၼႂ်းႁူဝ်ပီ 2026 ၼၼ်ႉ တေႁူမ်ႈဝႆႉၸွမ်း ၾၢႆႇတႂ်ႈႁွင်ႈၵၢၼ် ၽွင်းလူင် ၾၢႆႇၵူတ်ႇထတ်း ၶဝ်ႈဢွၵ်ႇမိူင်း။ ယၢမ်းလဵဝ် တိုၵ်ႉႁၢင်ႈႁႅၼ်း တႃႇသိုပ်ႇႁဵတ်းၼႃႈၵၢၼ်ၵႂႃႇယူႇ ဝႃႈၼႆ။
ႁွင်ႈၵဵပ်းၶေႃႈမုလ်း (server room) တႃႇပၢင်လိူၵ်ႈတင်ႈၼႆႉ တၢမ်တူဝ် ၵႅမ်ႁူဝ်ပဝ်ႈ သိုၵ်းမၢၼ်ႈ ၵႅမ်ၸွမ်သိုၵ်းလူင် ၸူဝ်းဝိၼ်း ၵေႃႉၵႂႃႇၵူတ်ႇထတ်းတူၺ်း မိူဝ်ႈဝၼ်းတီႈ 04/05/2025 ၼၼ်ႉ ၼႆယဝ်ႉ။
လႆႈႁူႉဝႃႈ ၼႂ်းႁွင်ႈၵဵပ်းၶေႃႈမုလ်း တႃႇပၢင်လိူၵ်ႈတင်ႈၼၼ်ႉ ဢွၼ်တၢင်းသုတ်း တေလႆႈၸတ်းတမ်းဝႆႉ ၶိူင်ႈၶွမ်း (ၶွမ်ႊပိဝ်ႊတိူဝ်ႊ) တႃႇၸႂ်ႉတိုဝ်းသေ တေလႆႈၵမ်ၵိၼ်းလွင်ႈၵၢၼ်ႁူမ်ႇလူမ်ႈတႄႉတႄႉ။ လိူဝ်ၼၼ်ႉဢမ်ႇၵႃး တွၼ်ႈတႃႇ ႁွင်ႈလုမ်းၽွင်းလူင်တၢင်ႇႁွင်ႈၵၢၼ်ၵေႃႈ တေသိုပ်ႇႁဵတ်းသၢင်ႈပၼ်ၵႂႃႇယူႇ ၼႆယဝ်ႉ။
တႅမ်ႈ – ၽူၺ်းၼုမ်ႇ
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ