ဝၼ်းတီႈ 25/04/2025 ယၢမ်းၵၢင်ၼႂ် 8 မူင်းပၢႆ ၶိူင်ႈမိၼ်ဢွၼ်ႇ လမ်းၼိုင်ႈ ၶွင်တပ်ႉပလိၵ်ႈထႆး ယၢတ်ႇတူၵ်းတီႈႁၢတ်ႇသၢႆး ၶျဢမ်း ၸႄႈဝဵင်းႁူဝ်ႁိၼ် ၸႄႈတွၼ်ႈပရၵျူပ်ႇ ၶီးရီးၶၼ် မိူင်းထႆး၊ ပလိၵ်ႈထႆးတၢႆ ဢမ်ႇယွမ်း 5 ၵေႃႉ ၼႂ်းၼၼ်ႉပႃး ၽူႈၵွၼ်းပလိၵ်ႈ ဝႃႈၼႆ။
ၶိူင်ႈမိၼ်ဢွၼ်ႇၼၼ်ႉ ၵိုင်ႉၵၢင်ႉယၢတ်ႇတူၵ်းၵႂႃႇ တီႈႁၢတ်ႇသၢႆး ၶျဢမ်း ႁိမ်းႁူင်းႁႅမ်း Baby Grande Hua Hin ။
ၶိူင်ႈမိၼ်ဢွၼ်ႇၼၼ်ႉ ပဵၼ်သႅၼ်း DHC – 6 – 400 Twin Otter ၊ ၽွင်းမိူဝ်ႈတၢင်ႇၵူၼ်းၶီႇၸွင်ႈမိၼ် ဢၼ်တေၵႂႃႇၾိုၵ်းၵၢၼ်ၶီႇၸွင်ႈမိၼ်ၼၼ်ႉ လႆႈယၢတ်ႇတူၵ်းၵႂႃႇ။ ၼိူဝ်ၶိူင်ႈမိၼ်ဢွၼ်ႇၼၼ်ႉ ပႃးၵႂႃႇ ၵူၼ်းၶပ်းၶိူင်ႈမိၼ် 3 ၵေႃႉ၊ ၽူႈလူင်ႉလႅၼ်ႇၾၢႆႇမႄးၶိူင်ႈ 2 ၵေႃႉ၊ ဢိၼ်ႊၵျိၼ်ႊၼီႊယိူဝ်ႊ ၾၢႆႇၶိူင်ႈမိၼ် 1 ၵေႃႉ ႁူမ်ႈသဵၼ်ႈ 6 ၵေႃႉ။
ယွၼ်ႉသင်လႄႈ ၶိူင်ႈမိၼ်ယၢတ်ႇတူၵ်း ဢၼ်ဝႃႈၼၼ်ႉတႄႉ ပႆႇလႆႈႁူႉၸွမ်းၼႆ – သိုဝ်ႇၶၢဝ်ႇ The Irrawaddy ဢွၵ်ႇဝႆႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ