ပွႆးသွၼ်းၼမ်ႉ မိူင်းထႆးပီၼႆႉ ၸတ်းႁဵတ်းၵႂၢင်ႈၶႂၢင် ၵိုၼ်းၶွၼ်ႈလၢႆလၢႆတီႈ ႁွင်ႈၵၢၼ်ၽွင်းလူင် ၾၢႆႇလဵၼ်ႈႁႅင်းလႄႈ ၾၢႆႇဢႅဝ်ႇယဵမ်ႈတွင်ႈတဵဝ်းမိူင်းထႆး ပိုၼ်ၽၢဝ်ႇဝႃႈ  မီးၶႅၵ်ႇဢႅဝ်ႇလႄႇတွင်ႈတဵဝ်းၼွၵ်ႈမိူင်း ၶဝ်ႈဢႅဝ်ႇလႄႇ 666,180 ၵေႃႉ၊ လႆႈငိုၼ်းၶဝ်ႈၸိုင်ႈမိူင်း 5 သႅၼ်လၢၼ်ႉဝၢတ်ႇပၢႆ ဝႃႈၼႆ။

ၶၢဝ်းသွၼ်းၼမ်ႉၼႆႉ သင်ၽတ်ႉၽဵင်ႇတူၺ်းၸိုင် ၼိုင်ႈဝၼ်း မီးၶႅၵ်ႇဢႅဝ်ႇလႄႇတွင်ႈတဵဝ်းၼွၵ်ႈမိူင်း ၶဝ်ႈမႃးလႄႇၼႂ်းမိူင်းထႆး မီး 95,169 ၵေႃႉ။ ၼႂ်းၼၼ်ႉ ဢၼ်ၼမ်လိူဝ်ပိူၼ်ႈသုတ်း ပဵၼ်ၵူၼ်းမိူင်းမလေးသျႃး၊ မိူင်းၶႄႇ၊ မိူင်းဢိၼ်ႊတီႊယိူဝ်ႊ၊ မိူင်းရတ်ႉသျႃးလႄႈ UK ၸိူဝ်းၼႆႉ။ လိူဝ်ၼၼ်ႉ ၶႅၵ်ႇၸိူဝ်းလုၵ်ႉၼႂ်းၵုၼ်ယူႊရူပ်ႊသေ မႃးဢႅဝ်ႇလႄႇၵေႃႈ မီးယူႇၵမ်ႈ ၽွင်ႈ ဝႃႈၼႆ။

ဝၢႆးလင်သွၼ်းၼမ်ႉယဝ်ႉ ၶႅၵ်ႇဢႅဝ်ႇလႄႇတွင်ႈတဵဝ်း ၼႂ်းမိူင်းထႆး တေယွမ်းလူင်းၵႂႃႇ။ ၵူၺ်းၵႃႈ ၼင်ႇႁိုဝ် တေၸၢင်ႈမႃးဢႅဝ်ႇလႄႇ ၼႂ်းမိူင်းထႆးလႆႈငၢႆႈငၢႆႈလူမ်လူမ်ၼၼ်ႉ ယူႇတီႈမိူင်းထႆး တေလူတ်းယွၼ်ႇပၼ် မၢႆမီႈပၵ်းပိူင်ၵမ်ႈၽွင်ႈလႄႈ တေသိုပ်ႇတိူဝ်းၶႂၢၵ်ႈ သၢႆၵၢၼ်မိၼ်ၵႂႃႇထႅင်ႈ – သိုဝ်ႇၶၢဝ်ႇ DVB ဢွၵ်ႇဝႆႉၼင်ႇၼႆ။