သိုၵ်းမၢၼ်ႈ ႁၢမ်ႈၵူၼ်းမိူင်းသၢတ်ႇၸတ်းပၢင်ပွႆးသွၼ်းၼမ်ႉၶိုၵ်ႉယႂ်ႇလႄႈ ပီၼႆႉ ၵူၼ်းဢႅဝ်ႇ ယဵမ်ႈ လဵၼ်ႈၼမ်ႉ ဢမ်ႇၵိုၼ်းၶွၼ်ႈ။
ၵူၼ်းၼုမ်ႇမိူင်းသၢတ်ႇၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ -“ ပီၼႆႉတႄႉ ဢမ်ႇၵိုၼ်းၶႃႈ ။ ယွၼ်ႉဝႃႈ ဢိင်ႇသၼ်ႇၼၼ်ႉသေၵေႃႈ သိုၵ်းမၢၼ်ႈၶဝ်ၵေႃႈ ႁၢမ်ႈႁဵတ်းယႂ်ႇလူင်။ ၵူႈပီတႄႉ ၶဝ်တေမီးၶဵင်ႇၶဝ် ယႂ်ႇဝႃႈယႂ်ႇဢေႃႈ။ ပီၼႆႉတႄႉ တေႃႉတႄႉႁဵတ်းၽႂ်ႁဵတ်းမၼ်းႁဵတ်းၼၼ် ၵူၺ်း။ ၸုမ်းတၢင်းၵႃႈၸိူဝ်းၼႆႉၵေႃႈ ဢမ်ႇႁၼ်တူင်ႉတိုၼ်ႇသင် ” – ဝႃႈၼႆ။
သုမ်ႉတၢင်းၶၢႆ ဢၼ်ၵူၼ်းမိူင်းသၢတ်ႇ ပိုတ်ႇၶၢႆၸွမ်းၾင်ႇၼမ်ႉၵူၵ်းၸိူဝ်းၼၼ်ႉတႄႉ ပီၼႆႉ မီးယူႇသေတႃႉ ႁႂ်ႈလႆႈၶၢႆမိူၼ်ၵူႈပီတႄႉဢမ်ႇမီးၼႆ ၵူၼ်းမိူင်းသၢတ်ႇသိုပ်ႇလၢတ်ႈ။
ၵူၼ်းမိူင်းသၢတ်ႇၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ – “ၼမ်ႉၵူၵ်းၵေႃႈ ၽႂ်ဢမ်ႇပေႃးႁတ်းလဵၼ်ႈပဵင်းၵူႈပီယဝ်ႉ ။ ယွၼ်ႉဝႃႈ ထႆးၶဝ်ပိုၼ်ၽၢဝ်ႇၵမ်းပူၼ်ႉၼၼ်ႉဝႃႈ မၼ်းဢမ်ႇလီၼႆလူးၼေႃႈ ” -ဝႃႈၼႆ။
မေႃႇၶမ်းၼႂ်းၸႄႈဝဵင်းမိူင်းသၢတ်ႇ ၸိုင်ႈတႆးပွတ်းဢွၵ်ႇၼၼ်ႉ လၢႆႇၼမ်ႉၶုတ်းၶမ်း ဢၼ်ပႃးထၢတ်ႈ ၶႅမ်ႊမီႊၶိူဝ်ႊၼၼ်ႉ ပွႆႇလူင်းၼႂ်းၵႄးၼမ်ႉၵူၵ်းလႄႈ ႁဵတ်းႁႂ်ႈၼမ်ႉၵူၵ်းဝူၺ်ႇႁင်ႈ မီးၵွင်ႉငူၼ်ႉ၊ ၸၢင်ႈပဵၼ်ၽေး တေႃႇၵူၼ်းမိူင်းတႆးလႄႈ မိူင်းထႆး ၸိူဝ်းယူႇၸွမ်းၾင်ႇၼမ်ႉ ၼပ်ႉႁူဝ်သႅၼ်ၵေႃႉ ၽူႈလူင်ႉလႅၼ်ႇတင်း ၾင်ႇမိူင်းထႆးၵူတ်ႇထတ်းယဝ်ႉ ပိုၼ်ၽၢဝ်ႇဝႆႉၼင်ႇ ၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ