ၽွင်းၶၢဝ်းသၢင်းၵျၢၼ်ႇၼႆႉ ၼင်ႇႁိုဝ် လွင်ႈသိူဝ်းတေဢမ်ႇလႆႈပဵၼ်လွင်ႈၶီၼၼ်ႉ ၵူၼ်းလဵၼ်ႈၼမ်ႉထုၵ်ႇ လီလႆႈႁပ်ႉႁူႉသေ ႁဵတ်းသၢင်ႈၸွမ်းၼႆသေ လူင်ပွင်ၸိုင်ႈထႆး ဢွၵ်ႇလိၵ်ႈပိုၼ်ၽၢဝ်ႇဝႆႉၼင်ႇၼႆ။
မဝ်းလဝ်ႈသေ ၶပ်းရူတ်ႉ တေလႆႈႁပ်ႉတူတ်ႈတၢမ်ႇ တူၵ်းၶွၵ်ႈ 1 ပီ။
ၸႂ်ႉၶိူင်ႈသိတ်းၼမ်ႉႁႅင်းသုင် (ၼႆႉၸၢင်ႈယဵၼ်းပဵၼ်တူတ်ႈတၢမ်ႇ ႁဵတ်းႁႂ်ႈၵူၼ်းၸဵပ်း)။
ယိပ်းၵူၼ်ႈယိပ်းၼူမ်းပိူၼ်ႈ တေလႆႈႁပ်ႉတူတ်ႈတၢမ်ႇၶွၵ်ႈ 10 ပီ လႄႈ တူတ်ႈတၢမ်ႇငိုၼ်း 2 သႅၼ်ဝၢတ်ႇ။
ၶၢႆလဝ်ႈတေႃႇလုၵ်ႈဢွၼ်ႇ တူတ်ႈၶွၵ်ႈ 1 ပီ။
ၼုင်ႈၶူဝ်းပိတ်းပွတ်း လိူဝ်ႁႅင်းထိုင်တီႈႁၼ်တႂ်ႈႁၼ်ၼိူဝ် တူတ်ႈတၢမ်ႇငိုၼ်း 5,000 ဝၢတ်ႇ။
သင်ၸိူဝ်ႉ ပိူၼ်ႈဢမ်ႇၽွမ်ႉ (ယွၼ်းၼွမ်းယူႇ) လႄႈ ႁဝ်းႁူတ်းၼမ်ႉပိူၼ်ႈ၊ ဢဝ်မုၼ်ႈတႃးၼႃႈပိူၼ်ႈ ၸိူဝ်းၼႆႉၸိုင် တေလႆႈႁပ်ႉတူတ်ႈၶွၵ်ႈ ဢမ်ႇၼၼ် တူတ်ႈငိုၼ်း 1 မိုၼ်ႇဝၢတ်ႇ။
ဢဝ်ၶူဝ်းၶွင်ပိူၼ်ႈၵွႆ (မိူၼ်ၼင်ႇ မိုဝ်းထိုဝ် – ၶူဝ်းၶွင် ဢၼ်ၸပ်းတူဝ်ပိူၼ်ႈမႃး) ၸိုင် တေလႆႈႁပ်ႉတူတ်ႈၶွၵ်ႈ ထိုင် 3 ပီ ၸဵမ်ၸိူဝ်းၼႆႉ။
လွင်ႈၸိူဝ်းၼႆႉ ယူႇတီႈပလိၵ်ႈထႆးလႄႈ ၸဝ်ႈၼႃႈတီႈထႆးၶဝ် တေလႆႈႁပ်ႉပုၼ်ႈၽွၼ်းၼၵ်းၼႃသေ ၵုမ်း တူၺ်းၵႂႃႇလီလီ၊ ႁႂ်ႈၸွမ်းပၵ်းပိူင်မၢႆမီႈလႄႈ ႁႄႉၵင်ႈပၼ်သုၼ်ႇလႆႈၵူၼ်းမိူင်း ၸိူဝ်းပျေႃႇမူၼ်ႈပွႆးသွၼ်းၼမ်ႉ – ဝႃႈၼႆဝႆႉ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ