ဝၼ်းတီႈ 04/04/2025 ၼႆႉ လုမ်းတြႃး (ဖွဲ့စည်းပုံတရားရုံး) မိူင်းၵူဝ်ႊရီႊယိူဝ်ႊၸၢၼ်း ပိုၼ်ၽၢဝ်ႇပူတ်းတၼ်းႁဵင်း ၸွမ်ၸိုင်ႈမိူင်းၵူဝ်ႊရီႊယိူဝ်ႊၸၢၼ်း Yoon Suk Yeol ဢၼ်ပိုၼ် ၽၢဝ်ႇ ပိူင်ၽွင်းငမ်းသိုၵ်း မိူဝ်ႈဝၼ်းတီႈ 3 လိူၼ်တီႊသႅမ်ႊပိူဝ်ႊ ပီ 2024 ပူၼ်ႉမႃးၼၼ်ႉ – သိုဝ်ႇၶၢဝ်ႇ Chanel News Asia ႁၢႆးငၢၼ်းဝႆႉ ၼင်ႇၼႆ။

တႃႇတေပူတ်းတၼ်းႁဵင်း ၸွမ်ၸိုင်ႈၼၼ်ႉ လုမ်းတြႃး လႆႈတႅပ်းတတ်းဢွၵ်ႇသဵင်လဵဝ်ၵၼ်ဝႆႉ။ ၸွမ်းၼင်ႇ မၢႆမီႈပၵ်းပိူင် ၸိုင်ႈမိူင်းမီးဝႆႉၼၼ်ႉသေ (နိုင်ငံ၏ဖွဲ့စည်းပုံအခြေခံဥပဒေ) တေလႆႈၸတ်းႁဵတ်းပၢင်လိူၵ်ႈ တင်ႈၸွမ်ၸိုင်ႈၶိုၼ်း ၼႂ်းၶၢဝ်းတၢင်း 60 ဝၼ်း (သွင်လိူၼ်) ဝႃႈၼႆ။

တီႈၼႂ်းပိုၼ်း မိူင်းၵူဝ်ႊရီႊယိူဝ်ႊၸၢၼ်းၼႆႉ ၸွမ်ၸိုင်ႈ Yoon Suk Yeol ပဵၼ်ၸွမ်ၸိုင်ႈ ၵေႃႉထူၼ်ႈသွင် ဢၼ်ၺႃးလုမ်းတြႃး ပူတ်းတၼ်းႁဵင်းပႅတ်ႈ။

မိူဝ်ႈပီ 2017 ပူၼ်ႉမႃးၼၼ်ႉၵေႃႈ ၸွမ်ၸိုင်ႈ Park Geun – hye ယၢမ်ႈၺႃးပူတ်းတၼ်းႁဵင်း ၵမ်းႁႅၵ်ႈ။ ၽွင်းၼၼ်ႉ ၵူၼ်းၸိူဝ်းၵမ်ႉထႅမ်ႁၼ်လီလႄႈ ၵူၼ်းသၢၼ်ၶတ်း ပဵၼ်လွင်ႈယုင်ႈယၢင်ႈၵၼ်သေ မီးၵူၼ်း လူႉတၢႆ 4 ၵေႃႉ – သိုဝ်ႇၶၢဝ်ႇ The Irrawaddy ဢွၵ်ႇဝႆႉၼင်ႇၼႆ။